Mostra viva de instrumentos musicais 2022

O pasado luns 28 de novembro celebrouse no IES Álvaro Cunqueiro a edición número trece da MOSTRA VIVA DE INSTRUMENTOS onde, preto do corenta alumnos do propio centro, compartiron con todos a súa dedicación e talento en distintas especialidades instrumentais. Repartidos en tres espazos diferentes, ao longo do día a totalidade do alumnado viaxou por esta mostra que cada curso dende 2010 pon en primeiro plano o talento, entusiasmo e o esforzo dos que dedican, parte do seu tempo, á práctica instrumental. Instrumentos de vento, de corda, electrónicos e de percusión celebraron así o seu peculiar día da música.

Para ver outras mostras anteriores: http://educafolk.blogspot.com/2019/11/dez-mostras-da-musica-viva-no-ies.html