Publicadas as notas das ABAU de xuño, o 100 % do alumnado que se presentou superou a proba. Noraboa!!

Amplíase ata o luns 15 de maio o prazo de presentación de solicutdes para a movilidade ERASMUS KA121.

Para máis información acceder ao apartado de novas ou ao enlace:

http://www.edu.xunta.gal/centros/iesalvarocunqueiro/convocatoria-movilidades-erasmus-ka121-2022-2023

O pasado 28 de abril, 40 alumnos e alumnas de 2ºESO participaron na xornada musical coñecida como Musiqueando. Esta iniciativa impulsada por COAEM (Confederación de Asociacións de Ensinanza Musical do Estado Español) pretende compartir e poñer en valor a música que os rapaces realizan nas diferentes aulas do estado.

Neste ano 2023, o noso centro participou co alumnado de 2ºESO cantando na residencia xeriátrica "El Rocío" situado no barrio de Coia. Recibíronnos con moito agarimo e agardamos volver pronto a cantar para eles.

Máis fotos na galería!

Este ano dous grupos de 2º de ESO e un grupo de 4º de ESO animáronse a participar no Rally sen fronteiras, un concurso de matemáticas por grupos para toda a ESO. Penso que pasamos unha boa tarde no centro, traballando nas probas de matemáticas cos compañeiros e compañeiras. Grazas por animarvos a participar!

Ademais, o grupo de 2º ESO D clasificouse para a fase galega en Santiago! Pasaron alí un bo día co profesorado de matemáticas, coñeceron a facultade de Química, viron algúns experimentos, deron unha volta pola cidade.

Deixámosvos as fotos na galería.

O noso centro celebrou, o 20 e 21 de marzo, os VIII Obradoiros de Primeiros Auxilios, sendo o alumnado de 1º de bacharelato o encargado de organizar e trasmitir os distintos contidos expostos no mesmo. Participou nestes obradoiros todo o alumnado do centro, así como o alumnado de 6º de primaria dos centros adscritos. A actividade foi organizada polo Departamento de Educación Física.

Na galería tendes máis fotos do obradoiro!