O departamento de francés do IES Xelmírez I organizou o pasado 21 de marzo un Día de encontro co alumnado do Lycée Saint-François d’Assise de Savenay sur Loire. Isto é un instituto de nova creación que tivemos a oportunidade de coñecer da man dos seus propios alumnos que tiñan preparado un vídeo do seu centro.
O noso alumnado de francés de 4º da ESO ata 2º de BAC acolleu así os seus pares franceses durante a media mañá do xoves, durante a cal asistiron a clases, intercambiaron o seu enxeño para resolver adiviñanzas, compartiron as súas habilidades musicais ou dramáticas, contando bromas nas dúas linguas, e incluso puideron despedirse do segundo trimestre cunha sesión de vídeo-DJ organizada polo equipo de Imaxe e Son do noso centro.
Día de encontro_web_2024 de XLMRZFLE
