Benvida

 

     Historicamente, o Instituto de Ensino Secundario Arcebispo Xelmírez I de Santiago de Compostela veuse caracterizando como unha das comunidades educativas máis inquietas do país, na procura da mellora e da innovación pedagóxicas e na experimentación de novas vías de transmisión cultural e de comunicación social, así como na normalización da lingua propia.

Nesta liña é onde debemos enmarcar a presente páxina web, como unha canle máis que nos brindan as novas tecnoloxías para a interrelación dos estamentos que compoñen a nosa comunidade escolar, así como a desta coa sociedade na que se insire e á que serve como centro educativo.

Nas diferentes seccións en que se estrutura, poderase topar desde a información administrativa fundamental, os calendarios oficiais do curso, pasando polos horarios da actividade pedagóxica, os períodos de atención aos pais e nais, até a configuración dos equipos docentes, os libros de texto, as actividades complementarias, os enlaces de interese...

Desde o Instituto Xelmirez, comprometidos como estamos co ensino público compostelán, querémosvos animar a participar activamente nesta nova plataforma de comunicación educativa.

O DIRECTOR

PARABÉNS!!! (PREMIOS LITERARIOS)

      A alumna Noela Rivas Cantelar, de 2º de ESO gañou o Certame de relato curto en Galego de Coca-Cola. A gañadora viaxará a Londres e a Madrid para participar nun campus.

      A alumna Raquel Aller Domínguez, de 1º de bacharelato, obtivo, co seu traballo La envidia llama al fuego, o primeiro premio na categoría xuvenil do V Concurso de Microrrelatos convocado pola Fundación Camilo José Cela para conmemorar o centenario do nacemento do escritor padronés.

Listado definitivo de admisións

Listado definitivo (pdf)

Segundo o artigo 32.1 da ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos, contra esta relación definitiva de admitidos e excluidos, as persoas interesadas poderán interpoñer recurso de alzada ante a persoa titular da xefatura territorial, no prazo dun mes contado a partir do día seguinte ao da súa publicación.

Reclamacións 2º de Bacharelato

Prematrícula

Informamos ao alumnado e aos pais/nais/titores legais:

No vindeiro mes de maio procederemos a realizar a prematrÍcula para o vindeiro curso 2016/2017.

Para iso, persoal do centro distribuirá nas aulas os sobres coa documentación que deberá ser debidamente cumprimentada. Así mesmo, o persoal do centro recollerá os sobres de matrícula na propia aula.

Darase un prazo suficiente para que os pais/nais/titores legais poidan cubrir con tempo a documentación. Non esquecer aboar o seguro escolar en tódolos cursos excepto o alumado que vaia cursar 2º de ESO.

A estes efectos comunicamos as datas en que serán entregados e recollidos os sobres de matrícula.

ENTREGA DE SOBRES:

o LUNS DÍA 9 DE MAIO:   ALUMNADO DE 1º ESO/2º ESO/3º ESO

o MARTES DÍA 10 DE MAIO:   ALUMNADO DE 4º ESO E 1º BACHARELATO

RECOLLIDA DE SOBRES:

o LUNS DIA 16 DE MAIO:   ALUMNADO DE 1º ESO/2º ESO/3º ESO

Xornadas pedagóxicas Xosé Calviño

Os días 26, 27 e 28 de abril celébranse no IES A. Xelmírez I as Xornadas pedagóxicas Xosé Calviño. Este curso adicadas : A educación das persoas adultas: análise e perspectivas. Realizarase unha reflexión e unha análise das necesidades formativas deste colectivo así como as súas perspectivas de futuro.
Xornadas financiadas polo Concello de Santiago en colaboración coa Consellería de Cultura, Educación e O.U.

Vídeo promocional IES Xelmírez I

ZONA DE APARCAMENTO TEMPORAL

A petición do IES A.

Distribuir contido