Skip to Content

Homenaxe a Manuel María

Aquí tedes dous vídeos dos nos@s artistas do coro do instituto homenaxeando ao mestre e poeta, Manuel María (Letras Galegas 2016). Nos arranxos musicais colaboraron o alumno Martín Moares e os profes Jaime e Claudina.

Foi un completo éxito, recibindo os parabéns tanto dos membros da directiva do IES Virxe do Mar, como da concelleira de Educación. 

Os desafíos da Química no século XXI

Dentro do programa de charlas "A ponte"  da USC, aquí vemos a José Ramón Leis  falando sobre "Os desafíos da Química no século XXI".

 

María López Sández

 

María López Sández asinando exemplares.

 A autora do libro " O faro Escuro" tivo un encontro con alumnado de 3º da ESO e do Clube de lectura do instituto. O encontro celebrouse na biblioteca do centro.

 

SAME 2016 en Santiago de Compostela

Coa participación de 5 centros educativos da comarca (CEIP López Ferreiro, IES Arcebispo Xelmírez I, IES Eduardo Pondal, Colexio San Francisco Javier, e IES Campo de San Alberto), celebrouse a Semana Mundial pola Educación (SAME), en Santiago de Compostela. Na foto, o acto inaugural que tivo lugar na praza da Quintana, o día 29 de abril.

Xornada de portas abertas nos ciclos de FP do noso Centro

O xoves  5 de maio , o departamento de orientación en colaboración cos departamentos de FP , organizou unha xornada de portas abertas para promocionar os ciclos de FP entre o alumnado de 4º da ESO do noso IES , así como do alumnado do IES Virxe do Mar e do IES de Porto do Son . 
 
Acudiron uns 40 alumnos .Logo dunha pequena presentación no salón de actos ,  foron divididos en 
3 grupos para facer un roteiro polo instituto e amosarlle as instalacións e aulas coas que contan os 
ciclos .Visitaron:
 
Os talleres do ciclo de telecomunicacións ...
 
Laboratorio de telecomunicacións. Laboratorio de telecomunicacións. Laboratorio de telecomunicacións.
 
Do ciclo de laboratorio e diagnóstico clínico ...
 
Laboratorio de diagnóstico Laboratorio de diagnóstico Laboratorio de diagnóstico
 
 E dos ciclos de administrativo .
 
Aula de administrativo Aula de administrativo Aula de administrativo

Relación de premiados no certame literario "Alberto Romasanta" 2016

Este ano tocoulle ao noso centro organizar o XXII Certame, nun acto conxunto co IES Virxe do Mar. Participaron alumnos do IES Virxe do Mar e do IES Campo de San Alberto, sendo difícil otourgar os premios debido a gran cantidade de obras presentadas e a enorme calidade de todas elas.

Na foto vemos aos premiados e aos directores dos Institutos, as coordinadoras do EDNL dos dous centros e a concelleira Angela Neri que nos acompañou nesta cita.

Video do XXV aniversario do Instituto

Un percorrido polos artigos de prensa, carteis, fotografías, actividades, programas internacionais... que evidencian a inxente labor realizada no noso Centro, durante os seus 25 primeiros anos de existencia.

Se queres, podes velo a pantalla completa en Youtube (unha vez iniciado, debes premer no seu logotipo). 

 

Intercambio co Nepean High School de Canadá: doazón de libros de Literatura Galega

Con motivo do intercambio co Nepean High School de Canada o noso alumnado donou unha serie de títulos en galego para conformar unha sección de Literatura Galega na Biblioteca do centro canadense.

Literatura Galega no Nepean High School (Ottawa) from Sae da cuncha... en galego on Vimeo.

Charla de Manuel Portas

O venres día 22 de abril tivemos o pracer de disfrutar coa charla que deu no noso centro o profesor e escritor Manuel Portas.  O acto estivo enmarcado dentro do programa de actividades que o IES organiza con motivo do "Mes Cultural" e foi organizado por Normalización Linguística en colaboración co departamento de "Xeografia e Hª".

Xogos de colisións 2016

 Apetéceche escapar un pouco??? Unha mostra do bo facer dos alumnos de 4º!

 Xogo de Martín.  Xogo de María
 Xogo de Sara Xogo de Pablo 
Distribuir contido


by Dr. Radut