IES POETA DÍAZ CASTRO

Organizada polos/as profesores/as Ramón Erias e Noemí Fernández, o mércore 29 de abril, o alumnado de 3º de E.S.O. realizará unha visita didáctica ás COVAS DO REI CINTOLO, en Mondoñedo.

A cova do Rei cintolo está situada na parroquia de Argomoso. Destaca por ser a cova caliza máis grande de Galicia, e no seu interior pódense observar interesantes formacións de estalactitas e estalagmitas.

A cova está formada por tres pisos de galerías que forman un total de case catro quilómetros de lonxitude.

Cabe destacar que esta cova posúe un importante interés histórico, xa que nas excavacións realizadas no verán de 2002, dirixidas pola arqueóloga Rosa Villar, atopáronse materiais da Edade do Ferro na súa entrada.

Nas súas proximiidades atópase o Castro de Zoñán.