No marco das charlas temáticas que a Universidade de Santiago de Compostela ofrece aos centros de ensino secundario a través do programa A Ponte, o profesor Víctor Millet, cunha ponencia baixo o título Filoloxías con futuro-tradicionais e dixitais, difundiu a oferta de estudos filolóxicos coa que conta a USC. Alumnado de Humanidades e doutras modalidades de bacharelato con interese nos estudos de Filoloxía inglesa puideron conversar con Víctor Millet sobre o valor dos estudos humanísticos, a importancia que actualmente teñen neles os medios dixitais e as distintas saídas laborais que ofrecen.

Esta actividade foi organizada polo Departamento de Inglés e polo Departamento de Latín e Grego.  

A persoa gañadora da cea para dúas persoas con maridaxe no Restaurante La Marina é Susana González Santos.

Parabéns!

Co gallo do 8M e ao amparo dos diferentes programas e proxectos que o IES Fernando Blanco está a desenvolver este curso 23-24 a prol da igualdade, estos días estanse a levar a cabo diferentes actividades

EXPOSICIÓN "CARTAS DE AMOR. 15 ARTISTAS CONTRA A VIOLENCIA DE XÉNERO" PLAN PROXECTA 365 DIAS DE IGUALDADE E REPECTO

PASAMÁN DA IGUALDADE. MULLERES ( Dpto. Inglés)

EXPOSICIÓN 8M NA BIBLIOTECA

CARTEL 8M. ANTÍA 1ºBACH

XÉNERO EDUCA. FP BÁSICA

Na Resolución do 28 de febreiro de 2024 dítanse as instrucións para a acreditación das competencias dixitais do alumnado  que cursa ensinanzas de educación secundaria obrigatoria e bacharelato na Comunidade Autónoma de Galicia no curso 2023/24. Os niveis de competencias dixitais que se acreditan a través dos procedementos regulados nesta resolución son: iniciación e intermedio. Estes niveis correspóndense cos niveis de aptitude do Marco galego de competencias dixitais.

O alumnado susceptible de acreditar as súas competencias dixitais serían os que cursan 4º ESO e 2º bacharelato neste curso.

Unha vez titulados en 4ºESO este curso, o alumnado obtería o ComDix de nivel de iniciación. Para poder acreditar o nivel intermedio teñen opción de presentarse a unha proba inscribíndose no centro cubrindo o Anexo que se lle foi entregado.

O alumnado de 2º Bach que titule este curso acredita que ten os coñecementos, habilidades e actitudes das áreas de dominio 1, 2, 3 e 5 do nivel intermedio descritas no Marco galego de competencias dixitais. Para poder acreditar o dominio 4 e así obter o nivel intermedio ComDix, o alumnado de 2º bach poderá presentarse a unha proba específica co obxectivo de acreditar os coñecementos, habilidades e actitudes propias da área de dominio 4 do nivel intermedio descritas no Marco galego de competencias dixitais. Igual ca no caso de 4º ESO, deben cubrir e entregar no centro o anexo que se lles foi entregado.

Marco Galego de Competencias Dixitais

Resolución do 28 de febreiro

Demo da proba

O prazo para presentar as solicitudes de admisión de alumnado procedente de centros non adscritos ao IES Fernando Blanco comprende desde o 1 de marzo de 2024 ata o 20 de marzo de 2024, ambos os dous incluídos.

O impreso é o ED550B, que se pode presentar presencialmente, tamén se pode empregar a aplicación de "admisión alumnado".

Unha vez fechado o prazo de solicitudes, as listas provisionais de admitidos e excluídos publicaranse o día 25 de abril, as definitivas antes do 15 de maio e os prazos de formalización de matrícula serán do 23 de xuño ao 8 de xullo para ESO e Bacharelato. Máis información.

ED550B (en galego)

ED550B (en castelán)

Impreso de elección de materias 1º ESO

Impreso de elección de materias 2º ESO

Impreso de elección de materias 3º ESO

Impreso de elección de materias 4º ESO

Impreso de elección de materias 1º bacharelato

Impreso de elección de materias 2º bacharelato