O pasado xoves día 9 de maio o alumnado do Club de Lectura Nautilus do noso centro xunto ao alumnado do Club de Lectura Libros coma area do IES Agra de Raíces tiveron a ocasión de desfrutar dunha marabillosa xornada na cidade de A Coruña onde realizaron un roterio literario.

A Resolución do 29 de abril de 2024, da Dirección Xeral de Formación Profesional, ditan as intrucións para a acreditación das competencias dixitais do alumnado que cursa ensinanzas de formación profesional, ensinanzas profesionais de artes plásticas e deseño de réxime especial, e ensinanzas de educación secundaria e bacharelato para persoas adultas na Comunidade Autónoma de Galicia no curso 2023-2024.

Os niveis de competencia dixital que se acreditan a travé dos procedementos regulados nesta resolución son: inciación e intermedio, que se corresponden cos niveis de aptitude do Marco Galego de Competencias Dixitais.

Os xeitos de acreditación establecidos son:

• DE OFICIO

• MEDIANTE PROBA:
• Nivel intermedio Completo

• Proba dominio IV + Titulación

• O alumnado interesado en realizar a proba solicitará a súa inscrición empregando o modelo de SOLICITUDE do anexo I e entregandoa ás persoas titoras do seu curso. Se é menor de idade deberá contar ca correspondente autorización que será entregada xunto a anterior solicitude.

A data límite de inscripción é o 22 de Maio .

Ligazón á Resolución 

Ligazón Demo da Proba

O pasado martes 30 e abril, o noso alumnado de 2º da ESO participou nun obradoiro sobre nutrición impartido pola especialista Candela Martínez Castro fundadora e directora de Sabe que Alimenta. 

Neste obradoiro o alumnado, a maiores de coñecer de primeira man os beneficios de levar unha dieta saudable, tiveron a oportunidade de realizar diferentes elaboracións ben nutritivas.

O pasado luns 22 de abril o noso alumnado de 1º de Bacharelato do ámbito científico visitou as instalacións do Centro Singular de Investigación en Tecnoloxías Intelixentes,  CiTIUS  ubicado no Campus Vida da USC en Santiago de Compostela dentro do "Programa de visitas ao CiTIUS"

Foi unha xornada que despertou gran interés e satisfación no noso alumnado no que se desenvolveron unha serie de visitas guiadas con desmostracións interactivas das liñas de investigación do CiTIUS por parte dos investigadores desta institución, adaptadas ás idades do alumnado visitante.

Grazas ao persoal do CiTIUS pola iniciativa e a atención prestada.

O pasado xoves 4 de abril, alumnado de 1º de Bacharelato do ámito científico desfrutou dunha marabillosa xornada nun entorno incomparable como é o das Fragas do Eume. Nesta actividade programada polo Dpto. de Ciencias Naturais realizaron un roteiro guiado así como a visita ao Mosteiro de Monfero.