Skip to Content

 Lamas de Castelo s/n - 15293 - Carnota (A Coruña) - ies.lamas.castelo@edu.xunta.gal - 881867200

Horario: de luns a venres de 8:40 a 14:10 - luns tarde de 16:20 a 18:00 - recreo de 11:10 a 11:40




Formación para as familias

Dende o IES queremos ofrecer formacións para as familias. Buscamos dar resposta ás inquedanzas ou dúbidas sobre aspectos que poidan ser de utilidade cos vosos fillos e fillas. Só vos levará uns minutos cubrila e será de gran utilidade para planificar futuras actividades. Podedes acceder a ela nesta ligazón á enquisa anónima para as familias

Acreditación da competencia dixital do alumnado

O alumnado de 4º de ESO que titule obterá automaticamente o nivel de iniciación de Competencia Dixital. O alumnado de 4º de ESO tamén pode acreditar o nivel intermedio de Competencia Dixital realizando unha proba voluntaria e gratuita. Para realizar a proba é preciso que cubran o formulario de solicitude (Anexo IV da Resolución) e o entreguen na secretaría do centro antes do 15 de marzo ás 14:10.

A alumna/o debe responder nun tempo máximo de 90 minutos a un total de 60 preguntas referidas a cada unha das cinco áreas de dominio. Para superar a proba específica de nivel intermedio deberase responder correctamente a un 70% do total de preguntas, sendo necesario obter un mínimo do 60% de respostas correctas en cada unha das cinco áreas.

Poden consultar a información completa relativa á acreditación da competencia dixital do alumnado de 4º de ESO aquí.

Matrícula curso 2024/2025

O alumnado que reservou praza neste centro dende algún dos centros adscritos (CEIP Plurilingüe de Carnota ou CEIP do Pindo) ten praza asignada e non precisa realizar o proceso de admisión. O próximo trámite que teñen que facer as familias deste alumnado é formalizar a matrícula no mes de xuño, unha vez rematado o curso. 

Para máis información consultar https://www.edu.xunta.gal/portal/node/42051

Día de Rosalía

Hoxe, 23 de febreiro de 2024, alumnado e profesorado do centro reuníronse para conmemorar o día de Rosalía de Castro facendo lectura de poemas relacionados coa nosa terra, pero tamén con outros temas como o amor, igualdade, etc.

 

Entroido 2024 no Lamas!

O venres 9 de febreiro de 2024 celebramos o noso tradicional concurso de disfraces. Parabéns ó alumnado de 3º de ESO polo seu "Ghalpón das tentasións".

 

 

 

 

Día da Paz

O martes día 30 de xaneiro o alumnado do centro celebra o día da Paz nun acto moi emotivo, recordando decenas de nenos falecidos en conflitos armados.

Deseño gañador: concurso de camisetas do 25N

Durante o primeiro trimestre todo o alumnado do centro participou nun concurso de deseño de camisetas con temática feminista aliñandose coa conmemoración do 25 de novembro, Día Internacional da Eliminación da Violencia contra as Mulleres. O deseño gañador, escollido por un xurado imparcial, foi realizado por tres alumnas/os de 2º de ESO: Adriana Blanco Quintela, Ainhoa Morán Lado e Roi Rico Rodríguez. Estes estudantes recibirán de forma gratuita unha unidade da camiseta deseñada, máis toda/o interesada/o pode facerse con ela!

Prezos:

- 4 euros para as unidades destinadas ao alumnado matriculado no centro.

- 10 euros para familias, persoal docente e non docente e persoas alleas ao centro.

Durante os próximos días entregaremos ao alumnado circulares para que as persoas interesadas especifiquen as unidades e tallas que precisen. Alternativamente, pode solicitarse o pedido en conserxería ata o 9 de febreiro.

Deseño gañador: concurso de camisetas do 25N

Abraham Cupeiro en concerto!

O martes 23 de xaneiro teremos unha actividade moi interesante e educativa: un concerto didáctico do músico Abraham Cupeiro.

Unha oportunidade única para coñecer de primeira man a súa maneira de crear música, de recuperar instrumentos esquecidos e podelos escoitar en directo. Un privilexio poder traer a este grandísimo músico para mostrárllelo ao noso alumnado e profesorado, pois é un embaixador da nosa lingua e música dentro e fóra de Galicia, levando o seu galego sarrián alá onde vai e defendendo o noso falar en moitos e variados palcos por todo o mundo.

Nesta ligazón tedes unha información sobre o seu último traballo, Mythos, que vai presentar en breve en moitos escenarios.

O concerto é unha actividade do EDLG en colaboración co IES Fernando Blanco de Cee e a Casa da Cultura de Cee, que ó o local ao que asistiremos para escoitalo. Asistirá todo o alumnado do centro, así como o alumnado da ESO do Fernando Blanco.

En breve, colgaremos na revista O Gherreiro unha crónica sobre a actividade.

 

 

Distribuir contido


by Dr. Radut