Skip to Content

I Liga de Oratoria Intercentros de Lugo

Mér, 15/05/2024 - 13:57

Entre os días 10 e 12 de maio tivo lugar en Lugo esta primeira edición dun torneo de debate que leva por lema "Aprendendo a entendernos" e que pretende consolidarse na cidade. A modalidade escollida tamén foi novidosa, pois trataba de ser unha combinación entre o clásico debate académico e o debate British Parliament.

O Lucus Augusti participou con un equipo formado por cinco alumnas de 3º de ESO: María Vázquez Somoza, Érika de Alfonso Martínez, Xoana Díaz Carracedo, Kira Barrera Mora e Carmen Quiroga Poggio.

O noso centro alcanzou os cuartos de final, quedando entre os catro primeiros, sendo entre eles o único centro público seleccionado. Ademais, Érika de Alfonso Martínez conseguiu o trofeo á mellor oradora do certame, superando os 9 puntos sobre un total de 10.

Parabéns para todas as integrantes do equipo e resto de compañeiras e compañeiros das clases de Oratoria, que colaboraron activamente.

Imaxe

El progreso

II Concurso de interpretación Xosé Castiñeira

Xov, 09/05/2024 - 00:02

O II Concurso de interpretación Xose Castiñeira organizado polo Conservatorio Xoán Montes de Lugo ten como gañador ó alumno do IES lucus Augusti , Iago López Núñez (frauta) e como segundo premio o tamén alumno do centro, Álex Barcala Castro (piano).

 

 

Dous alumnos do IES LUCUS AUGUSTI resultan gañadores do proxecto de divulgación científica Incrúst@te

Mér, 01/05/2024 - 22:01

 

Incrúst@te é un proxecto de divulgación científica realizado pola CICA (Centro Interdisciplinar de Química e Bioloxía) dende o ano 2017 en colaboración coa Fundación Española para a Ciencia e a Tecnoloxía (FECYT)-Ministerio de Ciencia, Innovación e Universidades.

 

Este 2024 seleccionáronse a 17 alumnos/as dos cales, 4 foron alumnas/os de ciclos de FP de químicado IES LUCUS AUGUSTI: Yolanda Rey Ares, Óscar Presno Iglesias, Noelia Armesto Mera e Sofía Díaz Otero. Estas/os alumnas/os estiveron “incrustadas/os” nos laboratorios do CICA aprendendo cos investigadores/as da UDC a profesión de científico/a. Como resultado, e grazas á colaboración da profesora Marta Rodríguez Quiroga, os alumnos presentaron as experiencias vividas nun Congreso Científico celebrado o pasado 27 de abril no Museo DOMUS da Coruña. Ademais de poder vivir a experiencia, Yolanda Rey Ares e Óscar Presno foron seleccionados polo tribunal para desfrutar dunha nova estancia de dúas semanas no CICA.

Imaxes

 

 

Premios extraordinarios de bacharelato 2023-2024

Lun, 29/04/2024 - 13:11

Hoxe, 29 de abril, iníciase o período de presentación de solicitudes para participar nos premios extraordinarios de bacharelato 2023-2024 (código de procedemento ED311A) cuxa orde de convocatoria publicouse no DOG o pasado 26 de abril.

O prazo de presentación de solicitudes comezará hoxe, 29 de abril e rematará o día 28 de maio de 2024.

Pódese acceder á información desta convocatoria na sede electrónica da Xunta de Galicia (https://sede.xunta.gal), introducindo na caixa de busca o código de procedemento ED311A ou ben  en PremiosEdu (https://www.edu.xunta.gal/premiosedu/).

 

Solicitudes de admisión para o curso 2024/25

Xov, 21/03/2024 - 14:18

Dende a dirección do IES Lucus Augusti, informamos ás familias do alumnado que presentaron solicitude de admisión para o curso 2024/25, en calquera nivel educativo ESO e BAC, que foron admitidos e teñen que proceder a formalizar matrícula nos prazos marcados.

 

 

Admisión nas probas de acceso a Ciclos Medios

Mér, 20/03/2024 - 12:01

Dende o Departamento de Orientación informamos de que todos os alumnos e alumnas que solicitaron a súa admisión nas probas de acceso a Ciclos Medios neste Centro foron admitidos, e que estes foron informados expresamente por este departamento no día de hoxe, achegando ademais o seu código persoal de consulta para realizar o seguimento das súas solicitudes, así como o calendario coas datas de interese.

Listaxe provisoria
Calendario

Distribuir contido


by Dr. Radut