blogue deheber

Bo día
A partir do día 1 de novembro as contas @iesml.es do profesorado e alumnado serán suspendidas, e o día 15 de novembro serán eliminadas. Por este motivo pódese realizar unha copia dos teus arquivos de google drive e dos correos electrónicos dado que serán eliminados definitivamente. No presente curso empregaremos unicamente a aula virtual e o Edixgal, que contan cun servizo de mensaxería para comunicarnos co profesorado. Un saúdo

Comezamos unha nova etapa na que será precisa a colaboración de toda a comunidade educativa para afrontar con serenidade os diferentes escenarios que nos depare a situación sanitaria que estamos a vivir. Tomando como referente as Instrucións do Protocolo de adaptación ao contexto da Covid-19 para o curso 2020-2021 para os centros de ensino non universitario, publicado pola Xunta de Galicia e a súa actualización do día 31 de agosto, establecemos as medidas oportunas que pasamos a indicarvos. 

• Medidas organizativas.

Durante o presente curso 2020/21 levaranse a cabo una serie de medidas organizativas que pretenden evitar as aglomeracións nos momentos de entrada e saída do centro.

1. Regulación das entradas.

O alumnado accederá ao recinto do centro e permanecerá nas zonas exteriores mantendo a distancia de seguridade interpersoal de 1,5 metros. 

A entrada do alumnado ao edificio comezará ás 8.30 horas. Durante o percorrido ata a súa aúla deberá respetar a distancia de seguridade de 1,5 metros e deberá realizar a hixiene das mans nalgún dos postos de xel hidroalcoholico que se atopará durante o seu percorrido, ou en último caso no posto de xel hidroalcóholico que se atopará dentro da aula.

Cada grupo terá asignada unha porta e un percorrido para o seu acceso á aula.

2. Regulación de saídas.

Cinco minutos antes da finalización da última hora lectiva, o alumnado sairá da aula polo corredor correspondente a cada grupo, seguindo a sinalización do chan e respetando a distancia de seguridade interpersoal de 1,5 metros, abandonando o edificio pola porta correspondente da súa clase.

3. Regulación de recreos.

Tanto a comezo como a finalización dos recreos o alumnado procederá a hixiene de mans (nos postos habilitados para tal fin) e manterá a distancia de seguridade en todo o momento (tanto na saída das aula como no retorno a mesma). Durante os recreos non se poderá utilizar para xogar mesas de ping pong, canchas de baloncesto e pistas de fútbol para a realizacion da actividades deportivas.

Nos se poderá beber directamente da billa da fonte do patio (nin de ninguna billa dos aseos, poderán traer una botella)

• Medidas de protección individual.

• O alumnado accederá á súa aula con máscara e o seu uso será obrigatorio con independencia do mantemento da distancia interpersoal. Deberán levar unha segunda máscara de recambio e un estoxo para gardala.

• Cada alumno deberá aportar o seu propio set individual de limpeza: máscara de reposto gardada nun estoxo e panos desbotables e se é posible contar tamén cun xel hidroalcohólico.

• En tódalas instalacións do centro debe manterse una distancia de seguridade mínima de 1,5 metros. 

• Durante a xornada lectiva deberá realizarse una correcta hixiene de mans polo menos 5 veces (o centro dotará a cada aula, así como os espazos comúns de dispensadores de xel hidroalcohólico).  Nos aseos disporase de xabón e panos desbotables.

• Nas aulas disporase dunha papeleira con tapa para refugar os residuos de forma segura.

• As aulas dispoñeran de material de limpeza e desinfección.

 

• Medidas de protección colectivas

• Os acompañantes do alumnado non poderán acceder ao centro, agás en circunstancias excepcionais ou con autorización da dirección.

• As reunión coas familias serán preferentemente telemáticas, e no caso de ser presenciais realizaranse coas seguintes medidas: emprego de máscaras, hixiene de mans, respeto da distancia interpersoal.

• Principios sanitarios básicos.

• O centro conta cun equipo COVID formado polo director do centro e dous membros do claustro e será de referencia para os distintos membros da comunidade educativa.

• Ao inicio do curso as familias deberán entregar unha declaración responsable na que se comprometerá a realizar diariamente a enquisa de autoavaliación clínica do COVID e comprometerse a non enviar ao alumno/a ao centro nos supostos que alí se indican. 

• Toda a comunidade educativa ten a obrigatoriedade de comunicar a sintomatoloxía compatible coa COVID – 19 ao equipo COVID coa maior brevidade vía telefónica a través do 886151315 ou a través do correo electrónico iesmestrelandin@edu.xunta.gal

• Tanto persoal do centro como alumnado deberán realizar unha autoavaliación de síntomas compatibles coa COVID – 19 nas últimas dúas semanas antes de asistir ao centro (a detección temperá é imprescindible para evitar o contaxio polo que rógase ser riguroso no control de síntomas): febre superior a 37,5, síntomas respiratorios, tose seca e dificultade respiratoria e outros síntomas como: fatiga severa, dor muscular, falta de olfato, falta de gusto, diarrea). No caso de detectarse na casa de algún destes síntomas, o alumnado non acudirá ao centro e a familia contactará de forma inmediata co seu centro de saúde.

• Se se detectan síntomas compatibles coa infección durante a estancia no centro, contactarase coa familia, que deberá presentarse no centro o máis axiña posible. A familia deberá solicitar consulta telefónica co seu pediatra ou facultativo.

• Se alguna persoa do núcleo familiar do alumno/a ten algún dos síntomas citados anteriormente non poderá acudir ao centro. A familia debe comunicar a incidencia ao centro. As faltas de asistencia derivadas das medidas COVID consideraranse xustificadas coa confirmación das familias a través do ABALAR MÓBIL.

• Medidas de hixiene e limpeza.

O centro dispón dun protocolo de limpeza e desinfección:

Habrá dous turnos de limpeza, en cada un deles realizaranse as seguintes tarefas:

• Ventilación das aulas á saída do alumnado. 

• Limpeza/desinfección dos baños tres veces ao longo da xornada lectiva. 

• Limpeza dos pasamáns, pomos das portas, mesas, mobles, teléfonos, perchas e outros elementos.

• Limpeza dos espazos empregados e que non teñan máis carga horaria no día.

• Restantes tarefas ordinarias.

 

Nos próximos días publicarase o protocolo completo na páxina web do centro e comunicarase a través de ABALAR.

 

Aula de grupo

 

 

Aquí podedes ver unha relación das actividades realizadas polo alumnado dentro do proxecto Aprendo programando deste ano 2020

 

Aquí tedes algunhas imaxes das actividades que estamos realizando no proxecto de aprendo programando

 

 

26 de febreiro de 2019

 

Proceso de Admisión de Alumnado                                        Curso Escolar 2019/20

 

a) Normativa reguladora do procedemento de admisión.

 

·      Decreto 254/2012, polo que se regula a admisión do alumnado en centros docentes sostidos con fondos públicos que imparten as ensinanzas reguladas na Lei orgánica 2/2006, de educación. (DOG do 26 de decembro de 2012)

 

·      Orde do 12 de marzo de 2013 pola que se regula o procedemento para a admisión do alumnado no segundo ciclo de E.I., E.P., ESO e bacharelato en centros docentes sostidos con fondos públicos (DOG do 15 de marzo)

 

·      Orde do 25 de xaneiro de 2017 pola que se modifica a anterior orde (publicada no DOG nº 22 de 1 de febreiro de 2017).

 

b) Postos escolares ofertados para o curso académico

 

Nome do curso	Num. prazas ofertadas	Num. permanencias	Num. solicitudes de reserva	Num. vacantes
1º ESO	54	0	45	9
2º ESO	74	70	0	4
3º ESO	30	52	0	0
4º ESO	27	27	0	0

 En primeiro da ESO 6 vacantes están reservadas ao alumnado con necesidedes especiais.

c) Prazo de presentación das solicitudes de admisión.

 

Presentación de solicitudes de admisión

Do 01 ao 20 marzo

 

Dispoñen de dúas vías para solicitar a admisión

 

1 - Presentar o Anexo II na Secretaría do centro que soliciten en primeiro lugar.

 

 Horario de Secretaría do noso centro: 9:30 a 13:30.

 

 

2 - Presentar a solicitude a través da aplicación informática: "admisión de alumnado" ou a través da sede electrónica da xunta de galicia: https://sede.xunta.gal/detalle-procedemento?codtram=ED550B

 

 

En ambos casos é preciso que cumprimenten o ANEXO A e o entreguen na secretaría do centro.

 

d) IMPORTANTE

 

1. UNHA ÚNICA SOLICITUDE A solicitude de posto escolar será única para unha mesma ensinanza e poderá recoller varios centros por orde de preferencia. O alumnado que non resulte admitido no primeiro centro elixido será baremado nos seguintes centros en que existan vacantes, seguindo a súa orde de preferencia

 

2. PERDA DOS DEREITOS DE PRIORIDADE:

 

·      Presentación da solicitude fóra de prazo

 

·      Presentación de máis dunha solicitude en centros distintos.

 

·      Acreditar ou presentar datos que non se axusten á realidade.

 

3. COMUNICACIÓN AO CENTRO DE ORIXE:

 

O alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe.

 

4. COMUNICACIÓN DA RENUNCIA Á RESERVA DE PRAZA: O alumnado que ten reservada praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo de presentación de solicitudes de admisión. 

 

e) Prazo de presentación da documentación xusticativa dos criterios alegados para o baremo, se é o caso.

 

Se o número de solicitudes e maior que as prazas ofertadas, poderán presentar, con caracter voluntario, a documentación acreditativa dos criterios de baremo no prazo de 10 días hábiles contados a partir dos dous días seguintes ao remate do prazo de solicitudes de admisión: PRAZO: do 25 de marzo ao 5 de abril 

 

Alegación de méritos

10 días hábiles a contar dende o  25 de marzo

 

 

-       DNI^*.

 

-       Libro de familia (orixinal e copia).

 

-       Volante histórico de convivencia.

 

-       Copia contrato (alegación cando o lugar de traballo é próximo ó centro).

 

-       Renda (ano 2017) Suma Base impoñible xeral (415) + Base impoñible aforro (435) ^*.

 

-       Orixinal e copia do título de familia numerosa.

 

-       Certificado de discapacidade (alumno/a, irmán ou pai/nai) ^*.

 

 

 

f) Calendario que inclúa a data de publicación das listaxes do alumnado admitido e non admitido e os prazos para formular reclamación.

 

Listaxe provisional de admitidos	Antes do 25 de abril
PRAZO DE RECLAMACIÓN	5 días hábiles a partir do día seguinte á publicación:  Do 25 de abril ao 2 de maio
Listaxe definitivo de admitidos	Antes do 15 de maio

 

 

 

g) Prazo para formalizar a matrícula que deberá axustarse ao modelo normalizado do anexo III desta orde.

 

Formalización de matrícula

Prazo Ordinario:  Do 25 de xuño ao  10 de xullo Prazo Extraordinario: Do 1 ao 10 de setembro.

 

 

 

h) Centros que ten adscritos, e adscrición do centro a outro ou outros, se é o caso.

 

O centro recibe alumnado dos centros adscritos CEIP do Carballal e do CEIP da Laxe.

 

i) Área de influencia do centro:

 

As zonas de influencia do CEIP do Carballal e do CEIP da Laxe.

 

ÁREA LIMÍTROFE

 

Son zonas limítrofes deste centro as áreas de influencia do CPR Calasancio e CPR Sagrado Corazón de Jesús (Rúa da Estrada) e os concellos de Poio, Marín e Vilaboa.

 

 

 

O centro recolle as áreas de influencia dos centros adscritos de primaria:

 

ÁREA DE INFLUENCIA  do CEIP do CARBALLAL

 

Perímetro:

 

Polo norte límite do concello.

 

Polo oeste rúa Concepción Arenal, ambas as dúas beirarrúas ata confluencia da mesma coa rúa Pitanxo. Rúa Pitanxo (beirarúa norte). Prolongación da rúa Estivada ata confluencia co camiño Canteira (beirarrúa leste). Camiño Canteira ata a confluencia da rúa Inferniño (beirarrúa leste). Rúa Inferniño ata confluencia coa rúa do Cementerio (beirarrúa leste). Rúa do Cementerio (beirarrúa sur), camiño Raposeiras ata intersección de rúa da Estrada e rúa do Cementerio vello (beirarúa oeste). Rúa da Estrada entre rúa do Cementerio Vello e rúa Ezequiel Massoni (beirarrúa sur). Rúa Ezequiel Massoni dende intersección coa rúa da Estrada ata intersección con rúa Recamán (beirarrúa leste). Rúa Recamán entre intersección con rúa Ezequiel Massoni e rúa Jaime Janer (beirarrúa leste). Rúa Jaime Janer dende intersección con rúa Recamán ata a súa conversión na PO-313 (beirarrúa leste). A Estrada PO-313 dende o punto anterior ata o límite do concello incluíndose ambas beirarrúas da mesma e as confluencias á mesma.

 

Polo leste límite do concello. Polo sur límite do concello.

 

 

 

ÁREAS LIMÍTROFES

 

Son zonas limítrofes deste centro as zonas de influencia do CEIP A Laxe, CEP Sequelo e CEIP de Seixo

 

ÁREA DE INFLUENCIA  DO CEIP DA LAXE

 

Perímetro:

 

Polo norte ría de Pontevedra

 

Polo oeste límite do porto comercial. Rúa da Estrada dende confluencia coa avenida de Ourense ata confluencia con rúa do Cementerio Vello (beirarrúa leste). Camiño Raposeiras dende intersección de rúa da Estrada e rúa do Cementerio vello (beirarúa leste). Rúa do Cementerio (beirarrúa norte).

 

Polo leste Camiño Canteira dende confluencia coa rúa do Cementerio (beirarrúa oeste) ata a confluencia da rúa Inferniño (beirarrúa oeste). Camiño da Canteira dende confluencia coa rúa Inferniño ata confluencia coa prolongación da rúa Estivada (beirarrúa oeste). Rúa Pitanxo dende confluencia coa rúa Estivada ata confluencia coa rúa Concepción Arenal. Rúa Concepción Arenal (excluída) ata o límite do concello.

 

Inclúese neste perímetro todo o porto comercial.

 

 

 

ÁREAS LIMÍTROFESSon zonas limítrofes deste centro as áreas de influencia dos centros: CEP Sequelo e CEIP do Carballal.

 

j) Servizos complementarios que ofreza o centro, identicando a normativa concreta que os regule.

 

TRANSPORTE ESCOLAR GRATUITO

 

1.Coirados, Vista Alegre 2, Vista Alegre 1, Pardavila Canteira, Pardavila 2, Pardavila 1, Pazo Cadro,Cadrelo, Miñán 2, Miñán 1 e Pastoriza.

 

2.Jaime Janer, Alameda e Mobles Mirón.

 

3.Tiburcio, Cantoarea (Capela), Cantoarea (Todo a cen) e Estribela (farmacia).

 

 

 

i) Comedor escolar: O Ceip A Laxe ofrece a posibilidade deste servizo no seu centro.

 

ALUMNADO XA MATRICULADO NO NOSO CENTRO

 

O alumnado que vaia permanecer no noso centro únicamente terá que formalizar a matrícula cara o vindeiro curso no periodo establecido.

 

ALUMNADO QUE SOLICITE TRASLADO A OUTRO CENTRO

 

Solicitar en Secretaría un Certificado de Matrícula que entregará no Centro ao que queira trasladarse.

 

·      Presentar a solicitude de admisión xunto co certificado de matrícula no novo centro no que desexe matricularse.

 

·      Entregar no noso centro unha copia da solicitude de admisión ao novo centro.

 

 

CALENDARIO DO PROCESO DE ADMISIÓN CURSO 2018-19
Reserva de praza (Centros adscritos)    Do 01 ao 15 de febreiro

Listaxe de reservas     Antes do 28 de febreiro

Presentación de solicitudes de admisión    Do 01 ao 20 marzo

Alegación de méritos    10 días hábiles a contar dende o  23 de marzo

Listaxe provisional de admitidos    Antes do 25 de abril

Formalización de matrícula

    Prazo Ordinario:  Do 25 de xuño ao  10 de xullo
Prazo Extraordinario: Do 1 ao 10 de setembro.
Envío de vacantes despois da matrícula    Antes do  10 de setembro ás 18:00 horas

Entrega de boletín de notas:

Martes día 27 de xuño ás 12h

 

Días recomendados para formalizar a matrícula

28 de xuño os que cursan 1º ESO de 9 a 13H

 

29 xuño  os que cursan 2ºESO

 

30 de xuño os que cursan 3ªESO

 

3 de xullo o alumnado de primaria

 

4 de xullo os que cursan 4 ESO

 

A toda a comunidade educativa do ML

Compláceme  trasladarlles  as  felicitacións  que  recibimos no  día  de  onte  por  parte  do  señor conselleiro  de educación Román Rodríguez González.  Os   parabén   débense   ao   noso   interese   por   buscar alternativas  no  uso  das  novas  tecnoloxías  para  motivar ao  noso  alumnado  en  prol  da  excelencia  educativa.  Fai especial mención ao proceso de implantación do sistema de avaliación mediante a app Plíckers que están levando a   cabo   os   departamentos   de   Educación   Plástica, Tecnoloxía,   Matemáticas   e   Lingua   castelá,   e   que recentemente foi publicado no Diario de Pontevedra.

Reciban un cordial saúdo,

O director do centro

Héber Jaime García Fernández

Unha vez finalizado o prazo para a presentación de solicitudes comunícase o resultado do concurso para a concesión do servizo de cafetería.

Ver resolución

As familias do IES Mestre Landín xa poden descargar a aplicación ABALAR MOBIL nos seus teléfonos para consultar toda a información sobre os seus fillos, xustificar faltas e solicitar citas cos profesores e o/a titor/a.

Para máis información ver este documento.