EXPOSICIÓNS DE TRABALLOS DE 1º DE ESO EN CONMEMORACIÓN DO DÍA MUNDIAL DO MEDIO AMBIENTE: 5 DE XUÑO.

Coincidindo coa conmemoración do Día Mundial do Medio Ambiente (5 de xuño), dende o Departamento de Bioloxía e Xeoloxía, leváronse a cabo actividades diversas co alumnado de 1°ESO entre as que destacan a realización dun experimento para comprobar os efectos da chuvia ácida nas plantas da nosa contorna, e o deseño de cartaces cos principais grupos de vertebrados, nos que o alumnado tivo liberdade creativa e puido inspirarse nos deseños do taxónomo Ernst Haeckel, en personaxes de Disney ou en animais da súa contorna. As exposicións tiveron lugar no vestíbulo do noso centro e no corredor de 1º de ESO.