CURSO 2022/23

O mércores 21 de xuño tivo lugar no Salón de Actos do IES Monte das Moas un breve, "improvisado" e emotivo acto de despedida do alumnado de 4º de ESO nas últimas sesións da xornada. No acto houbo unha actuación musical do alumnado de Música de 4º de ESO en conxunto co grupo instrumental do noso centro, Dijo 4, e con algunhas alumnas de 3º de ESO, que reforzaron o labor coral da actuación. As cancións interpretadas foron traballadas na clase de Música baixo a coordinación do noso compañeiro Juan José Dios Cañada. No acto tamén houbo discursos do alumnado (Antía García Vidal e Julia Mosquera Alonso) e algunha breve intervención do alumnado (Clara Parga Verdía). Neses discursos de forma simpática, emotiva e agradecida fixeron referencia ao labor do profesorado que impartiu clase este ano en 4º de ESO e tamén ao Equipo Directivo, e, por suposto, á experiencia de ter vivido toda a etapa da Secundaria en Moas cos compañeiros desta extraordinaria xeración. En resposta houbo tamén discursos emotivos do profesorado facendo referencia ao alumnado de 4º de ESO (Marta Tato Lago e Margarita Fernández Iglesias, ámbalas dúas titoras de 4º de ESO) e do Equipo Directivo (Xabier Carballal).

MOITAS GRAZAS, EXTRAORDINARIA RAPAZADA DA XERACIÓN DE SECINDARIA DO MOAS 2019-2023 !!!

Aquí tedes algunhas fotos do acto.

O xoves 15 de xuño tivo lugar no Salón de Actos do noso instituto un fermoso acto de entrega dos premios do Concurso de Microrrelatos organizado polo Equipo da Biblioteca, de entrega de diplomas ao alumnado participante nos diferentes clubes de lectura promovidos durante este curso, e a entrega duns agasallos ao alumnado axudante voluntario na Biblioteca, quen realizaron un labor importante para o funcionamento da mesma. O acto foi multitudinario e estivo organizado polo Equipo da Biblioteca e polo profesorado responsable dos clubes se lectura, sendo presidido pola Directotra do IES Monte das Moas, Teresa Díaz.

O alumnado gañador nas diferentes categorías  do concurso de microrrelatos foi o seguinte:

Aquí tedes unha pequena selección de imaxes do acto: 

Coincidindo coa conmemoración do Día Mundial do Medio Ambiente (5 de xuño), dende o Departamento de Bioloxía e Xeoloxía, leváronse a cabo actividades diversas co alumnado de 1°ESO entre as que destacan a realización dun experimento para comprobar os efectos da chuvia ácida nas plantas da nosa contorna, e o deseño de cartaces cos principais grupos de vertebrados, nos que o alumnado tivo liberdade creativa e puido inspirarse nos deseños do taxónomo Ernst Haeckel, en personaxes de Disney ou en animais da súa contorna. As exposicións tiveron lugar no vestíbulo do noso centro e no corredor de 1º de ESO.

O venres 26 de maio o alumnado do Clube de Manga do Ies Monte das Moas gostou da EXPOTAKU no recinto feiral Expocoruña, onde percorreron os diferentes espazos con distintas actividades, expositores, debates, charlas, xogos, etc., relacionados co universo do manga e o anime. A saída estivo organizada pola nosa compañeira, Pilar Zapico, coordinadora deste clube de lectura de manga e profesora do Departamento de Lingua Galega e Literatura.

O 2 e o 5 de xuño tivemos a visita, organizada polo departamento de Inglés, no noso instituto de Damian Sheehy, profesor irlandés que, por xentileza de Burlington Books, veu impartir ao alumnado de 3ºESO, 4ºESO e 1º de Bacharelato varias de sesións de“culture classes” no Salón de Actos. 

En cinco sesións os alumnos e alumnas aprenderon sobre a cultura, tradicións e outros a aspectos do mundo anglófono e participaron activamente respondendo as “Prize Questions”.

A enerxía e dinamismo de Damien conseguiu que as charlas resultaran dinámicas e divertidas e todos saíramos cun sorriso. Foi unha fantástica experiencia e esperamos poder repetila. 

Thank you, Burlington Books! And many thanks to Damien! Well done!