CURSO 2021/2022

ENTREGA DE PREMIOS DE CLUBE DE LECTURA E PREMIOS DA BIBLIOTECA NO CURSO 2021-2022.

O venres 17 de xuño tivo lugar, no Salón de Actos do noso centro, unha fermosa cerimonia de entrega de premios concedidos polo Equipo da Biblioteca ao noso alumnado pola súa participación nos diferentes clubes de lectura promovidos e desenvolvidos no presente curso, ao alumnado colaborador coas actividades cotiás da Biblioteca e co alumnado premiado no Concurso de Microrrelatos. 

Desexamos que no vindeiro curso o traballo do Equipo da Biblioteca, e do alumnado participante nos clubes de lectura, do alumnado colaborador da Biblioteca e do alumnado participante nos concursos promovidos pola Biblioteca sexa como mínimo tan magnífico e extraordinario como o foi no presente curso.

Velaí vai unha pequena escolma de fotos do acontecemento.

ACTIVIDADE DE CONTACONTOS NA EIM CARRICANTA DA CORUÑA DO ALUMNADO DO CLUBE DE LECTURA DIRIXIDO POR MAR HERMIDA PICO.

Tivo lugar, con gran éxito, neste mes de xuño de 2022, unha actividade de contacontos, na Escola Infantil Municipal CARRICANTA, do alumnado de 1º ciclo de ESO participante no clube de lectura dirixido por Mar Hermida Pico. 

EXTRAORDINARIO ÉXITO DE TELÓN DE AQUILES E DIJO 4 NA GALA DE PREMIOS DO XXIII CERTAME  DE TEATRO ESCOLAR E AFECCIONADO DA DEPUTACIÓN DA CORUÑA.

Telón de Aquiles e Dijo4, grupos de teatro e de música do IES Monte das Moas, foron galardoados no XIII certame da Deputación da Coruña na categoría cadete pola obra El lindo Don Diego, comentario, adaptación da obra clásica de Agustín Moreto.

O pasado venres, 17 de Xuño, se celebrou a entrega de premios no teatro Colón de A Coruña con grande éxito de público. O Certame de teatro escolar e afeccionado da Deputación é unha cita tradicional para os moitos grupos existentes na provincia e esperta unha grande expectativa,  máis se cabe pola paréntese da pandemia. O acto foi amenizado con actuacións moi aplaudidas. Asistiron diversos persoeiros, directores, actores e actrices recoñecidos que entregaron os galardóns das diferentes categorías.

Os premios que recibiron os grupos Telón de Aquiles e Dijo4 por El lindo Don Diego foron os seguintes:

- Premio á mellor actriz para Noa Pardeiro Fuentes.

- Premio ao mellor actor de reparto para Antonio Canosa Muñoz.

- 3º posto nas obras da categoría cadete.

- Dirección artística (Juan Dios Cañada e Rafael Alonso Pica).

Un grande recoñecemento ao labor destes grupos do IES Monte das Moas onde é unha tradición a actividade  teatral e musical dende hai moitos anos.

El lindo Don Diego foi un proxecto ambicioso (teatro clásico, en verso, con música en directo e dirixido aos alumnos) e tivo que superar as dificultades da pandemia. O obxectivo foi cumprido: Mantermos a tradición do noso teatro nas aulas.

 O noso recoñecemento aos alumnos que traballaron neste proxecto:

O elenco da obra "El lindo Don Diego. Breve comentario" foi o seguinte: 

Carla García Soto                             Beatricilla                              3º ESO B

Tomás Fernández Antezana               Piano                                     1º ESO C

Noa Pardeiro Fuentes                        Mosquito                               4º ESO B

Ramón Fernández Antezana               Violín                                    4º ESO A

Elisa Pérez Martínez                          Dna. Inés                               3º ESO B

Alberte Díaz Kirk                               Percusión                              4º ESO A

Antonio José Canosa Muñoz               D. Juan                                  3º ESO B

Paula Rodeiro Iglesias                        Viola                                      3º ESO A

Ian Iglesias Agria                              D. Tello                                  3º ESO C

Brais Fernández Blanco                     Guitarra                                 4º ESO B

Alejandro Rodeiro Iglesias                 Trombón                                1º ESO B

Beatriz Elvira Juanatey Orol               Dña. Leonor                           2º ESO C

Rubén Sánchez Quintela                    Guitarra                                 4ª ESO A

Ainhoa Otero López                           D. Mendo                               3º ESO B

Simón Lago Hermida                         Acordeón                               1º BAC A

Peace Osasenaga Barnabas                Axudante de dirección            2º ESO B

Xoel Lago Hermida                            Frautas                                  1º BAC A

Noa Pereiro Lois                                Axudante de dirección             2º ESO C

Águeda Millán Salcedo                       Guitarra                                 2º BAC A

Juan Dios Cañada                              Dirección

Rafael Alonso Pica                              Dirección

OBRADOIRO DE XOGOS ROMANOS PARA 1º DE ESO

A/B/C/D/E e 2º DE ESO D.

O día 10 de xuño tivo lugar, no Ximnasio do noso Instituto, unha actividade de aprendizaxe, lúdica e participativa, baixo o título de "Obradoiro de Xogos Romanos". Na actividade participou o alumnado de todos os grupos de 1º de ESO e o alumnado de 2º de ESO D. Ao longo da mañá foi pasando, aprendendo e xogando, polo espazo da actividade todo este alumnado. O obradoiro, centrado na aprendizaxe dos xogos romanos e dos costumes vencellados aos xogos romanos, estivo coordinado polo profesor do Departamento de Xeografía e Historia, Adrián Rodríguez Rodríguez, e estivo oragnizado por este profesor e por varias representantes da Asociación Histórico-Cultural Gallaecia Viva.

ACTUACIÓN DO GRUPO DE TEATRO DO IES MONTE DAS MOAS "TELÓN DE AQUILES" NO SALÓN DE ACTOS DO NOSO INSTITUTO COA OBRA "EL LINDO DON DIEGO, BREVE COMENTARIO".

O martes 24 de maio de 2022 en sesión vespertina tivo lugar, no Salón de Actos do noso Instituto, a actuación de Telón de Aquiles presentando a obra "El lindo Don Diego, breve comentario", que representarán, no XXIII Certame de Teatro Escolar e Afeccionado Deputación da Coruña, o vindeiro 1 de xuño no teatro do IES Rosalía Mera da Coruña.

ç