CURSO 2021/2022

Desenvolveuse no Instituto o martes 6 de novembro a Charla/Encontro/Conferencia "Debuxando o teu camiño" coa ilustradora e debuxante Xulia Pisón.

Ao encontro con Xulia Pisón "Debuxando o teu camiño" asistiu o alumnado de Debuxo Artístico I de 1º de Bacharelato co seu profesor José Fernando Villaverde Landrove. A Charla foi organizada e coordinada pola profesora do Departamento de Lingua Galega e Literatura, Mar Hermida Pico. Na charla,moi interesante para o alumnado, puideron facerlle preguntas a XuliaPisón, e ela contoulles como con tesón e constancia se pode conseguir o que desexen, contando o seu propio exemplo; primeiro foi enfermeira e agora dedícase á súa paixón, o traballo como ilustradora.

Algúns datos da biografía de Xulia Pisón son:

Naceu na Coruña en 1985.

Ilustradora e debuxante de cómic. Cursou estudos de Ilustración na EASD Pablo Picasso. Recibiu o 1.º premio do Certame Xuventude Crea de BD de 2015. Editou o fanzine McCactus en 2015, e en 2016 publicou (∞-1) con Alita Cómics. Entre os traballos de ilustración que realizou destaca o cartel das Festas de María Pita da Coruña en 2017. Participa cunha historieta curta no volume Licor café.
Creadora do cómic Microalgas. O mundo oculto dentro do proxecto europeo EnhancedMicroAlgae que pretende divulgar o mundo das microalgas.

Aquí tedes outras fotografías do Encontro.

O alumnado de 3º de ESO do IES Monte das Moas asistiu o día 12 de novembro, no Forum Metropolitano, á representación teatral "Libre coma os paxaros" da Compañía Teatro do Atlántico.

A actividade ofertada polo Concello da Coruña no seu programa "Coruña educa" foi organizada polo Departamento de Lingua Galega e Literatura, e coordinada pola profesora do mesmo Departamento Matilde Mosquera Lendoiro. Asistiu á representación teatral o alumnado dos catro gupos de 3º de ESO acompañado polas profesoras Matilde Mosquera Lendoiro, Mar Hermida Pico, Purificación Paino Rodríguez, Xulia Martínez Pedreira e Vanesa Solís Cortizas. 

EXPOSICIÓN DIDÁCTICA ITINERANTE COAS CANTIGAS, NOVE DE AMIGO E UNHA DE AMOR, DO TROBADOR MARTÍN DE PADROZELOS (finais do século XI-principios do século XII) celebrada no vestíbulo do Instituto entre os días 26 de outubro e 5 de novembro.

A exposición, visitada por todos os grupos e cursos do noso centro foi organizada polo Departamento de Lingua Galega do IES Monte das Moas, polos Equipos de Dinamización de Lingua Galega (EDLG), pola Asociación de Periodistas e Estudosos do Camiño de Santiago (APECSA), e promovida e coordinada pola profesora do Departamento do IES Monte das Moas, Mar Hermida Pico.

Pódense ver algunhas fotos do cartel e paneis da exposición nos ficheiros adxuntos.