Dende o equipo de Igualdade do centro queremos animar a toda a comunidade educativa a colaborar na prevención da violencia machista entre o voso alumnado, xa que o repunte de violencia na mocidade é alarmante.

Coa intención de contribuir na formación do noso alumnado non so nos contidos teóricos, senón tamén nas boas prácticas, no respecto, a igualdade e a responsabilidade social, facilitámosvos unha serie de ferramentas e actividades para poder traballar co voso alumnado:

Dende Vicedirección enviarásevos a proposta da tarefa xunto coas propotas do Programa do Concello para a prevención da Violencia Machista "Enlaza Vigo" e ás que podedes acceder dende ESTA LIGAZÓN.

Nesta actividade o alumnado dos ciclos formativos de Imaxe para o Diagnóstico (1ºA) e de Sistemas de Telecomunicacións e Informáticos durante o primeiro trimestre do curso elaboraron unhas infografías onde se analizan i explican as diferentes formas que adoita a violencia de xénero. O resultado....... magnífico!!

Tamén se acceder aos contidos das infografías na seguinte imaxe interactiva, na cal premendo sobre cada unha das violencias pódense ver cada unha das infografías realizadas polo alumnado. 

Durante o primeiro trimestre deste curso xa rematado, alumnado dos ciclos formativos de CAE Dual, Sistemas de Telecomunicacións e Informáticos e Instalacións de Telecomunicacións participou na actividade "Identificando Violencias", onde se visibilizaban situacións que se repiten constatemente ou incluso que están normalizadas, e que sen embargo son verdadeiras situacións de violencia machista.  O resultado pódese ver no seguinte vídeo:

Na conquista dos dereitos laborais e no movemento obreiro tiveron un papel moi importante as mulleres, protagonistas de importantes revoltas laborais.

O alumnado de 1ºA CS IDMN do IES procuraron información sobre 9 destes grandes movementos, dos cales posteriormente elaboraron unhas presentacións.

Nunha actividade conxunta coa profesora Leonor Giménez, titular da Materia de Xeografía e Historia de 4º ESO, as persoas que cursan Imaxe para o Diagnóstico (1º curso, grupo A) compartiron a información recollida e expuxeron estes movementos obreiros femininos na aula de 4ºESO. (Actividade publicada na anterior entrada deste blogue)

Agora compartimos o traballo do alumnado, ao cal se pode acceder premendo na seguinte imaxe. Ahí, premendo na imaxe, podedes ver un resumo dos movementos analizados, presentados na ferramenta de Google Earth, ao mesmo tempo que podedes acceder a cada unha das presentacións elaboradas polo alumnado premendo nas ligazóns correspondentes.

PREME NA IMAXE