Lexislación Bolsas e axudas Calendario escolar Impresos profesorado

Impresos alumnado

Educación en dereitos

Educacion en dereitosEducación en dereitos é un programa educativo de UNICEF para impulsar nos centros escolares de infantil, primaria e secundaria unha educación baseada nos dereitos da infancia  que promove o cumprimento dos dereitos de todos os nenos, nenas e adolescentes, como establece a Convención das Nacións Unidas sobre os Dereitos do Neno, promovendo entre a infancia e a xuventude actitudes e valores tales como a solidariedade, a paz, a tolerancia, a xustiza social ou a concienciación respecto a temas ambientais e proporcionándolles coñecementos e aptitudes que permitan facelo de xeito responsable e comprometido

Educación en dereitos conta con materiais educativos (guía metodolóxica e fichas de avaliación) que se poden descargar gratuitamente desde a web e recursos on line para a comunidade educativa.      

Acceso á web "Educación en dereitos"

Convocatoria Dia Mundial da Radio

 

Ponte nas ondas 

 

A Asociación Cultural e Pedagóxica Ponte…nas ondas! convoca aos centros educativos galegos e portugueses de calquera outra procedencia, a participar no Día Mundial da Radio o vindeiro 13 de febreiro de 2016.

 

No ano 2011, a UNESCO, proclamou o 13 de febrero como “Día Mundial da Radio” conmemorando o día no que as Nacións Unidas crearon a “Radio das Nacións Unidas” no ano 1946. 

 

 

 

A Asociación Cultural e Pedagóxica Ponte…nas ondas! tivo sempre como un dos seus obxectivos primordiais a difusión da Radio Escolar porque consideramos que é unha ferramenta sinxela, barata e de doada implantación nos centros escolares, ao mesmo tempo que unha potente ferramenta didáctica con múltiples aplicacións e infinitas posibilidades na vida diaria das escolas. A chegada dos modernos medios de comunicación, INTERNET, redes sociais así como a aparición de adiantos tecnolóxicos, telefonos móbiles, ordenadores, tabletas, gravadoras e reproductoras de son, non restaron nada da potencialidade do medio radio senón que ainda lle engadiron máis posibilidades e fixeron mais doado, se cabe, a súa utilización.

 

Dende a Asociación Cultural e Pedagóxica Ponte…nas ondas!, propoñemos aos centros educativos, teñan Radio Escolar ou non, que envíen un programa de radio para conmemorar con nós o Día Mundial da Radio o día 13 de febreiro.

 

Que facer ?

 

  • ·Gravar un programa de radio ou video ou enviar un xa gravado, de calquera temática. A modo de suxestións, aí van algunhas:
  • -A radio na túa vida
  • -Opinións sobre a radio
  • -A radio no século XXI
  • -Mostras do patrimonio inmaterial galego-portugués ( o entroido, a literatura oral, as celebracións tradicionais, a cultura agro-marítima )

 

Como ?

 

  • · Unha gravación de audio en calquera formato ( duración ilimitada ) con dúas opcións para o envío:
  • - Subila a Sound Cloud ( abrindo unha conta ) e mandando o enlace.
  • - Mandar a gravación directamente, por e-mail ou correo postal.
  • - Cada centro pode enviar as gravacións que desexe.

 Envíos antes do 11 de febreiro a:  ondas@pontenasondas.org

EDUGAL 2016

EDUGAL 2016

 

17, 18 y 19 de febrero de 2016

 

edugal 2016

25 de Novembro: Día Internacional da Eliminación da Violencia contra a Muller

 

 

25 de Novembro: palabras e música en honra das vítimas

 

Tal como estaba prevista a nosa comunidade educativa celebrou un acto en lembranza das vítimas da Violencia de Xénero.

 Ás 12 horas concentrámonos diante da fachada do instituto da que colgaba un gran lazo morado.

 15 mozos portaban as letras que formaban o título da actividade: Voces das Vítimas.

 Unha profesora leu a seguinte mensaxe:

 

“Svetlana Alexievich, a premio Nobel de Literatura deste ano, na súa obra Voces de Chernóbil outorgou a

palabra ás vítimas do accidente nuclear de Chernóbil.

 Nós, hoxe 25 de Novembro, con este acto que titulamos Voces das Vítimas queremos ser a voz:

 

  • dese 35% de mulleres que sofren algunha forma de violencia física ou sexual, entre elas os 133 millóns vítimas de mutilación/ablación xenital.

 

  • deses 700 millóns de menores de idade forzadas ao matrimonio, pouco formadas e candidatas a padecer violencia doméstica.

  • pero, sobre todo, das 58 mulleres (nenas, mozas e adultas) que, no que vai deste 2015, foron asasinadas no Estado Español: elas hoxe xa non teñen voz porque a man criminal do seu pai, cónxuxe ou parella acabou coa súa vida...

 

Para elas e para os seus orfos a nosa voz, a nosa palabra e o noso homenaxe nesta mañá”.

A continuación 58 mozas desfilaron citando o nome e a idade de cada unha das 58 mulleres asasinadas, no caso das vítimas galegas engadíronse datos referidos ao lugar do asasinato e ao presunto autor do mesmo; unha última alumna exhibía un cartel cunha ?: haberá unha próxima nesta macabra lista de 58?; todas elas eran a voz das que foron privadas da voz e da vida.

Para finalizar cinco alumnas de música interpretaron a capella a peza All of me en homenaxe ás vítimas, un dos intres máis emocionantes do acto.

Tanto a pancarta-título como as cartolinas cos principais datos de cada unha das asasinadas están expostas na entrada do instituto.

 

 

 

Proxecto Siria

En Historia de 1º de Bacharelato (Grupos C e D) decidimos que non podiamos mirar para outro lado mentres o mundo vive a traxedia máis grande desde a Segunda Guerra Mundial. Chamámolo PROXECTO SIRIA. Tras unha breve explicación e algúns vídeos curtos que nos achegaron ás orixes do problema e os efectos que este produce, dividimos a clase en grupos (de 2 a 4 persoas) e a investigación en 10 puntos concretos que nos permitisen cubrir todas as arestas do problema.
  1. Siria... e iso que é?
  2. Construir un xogo de mesa
  3. Editar un vídeo propio e subilo a Youtube
  4. A familia al-Assad... os "capos" de Siria?
  5. A Primavera Árabe
  6. Estado Islámico... quen é? que queren?
  7. A postura das potencias fronte ao problema
  8. Deseñar unha camiseta coa que solidarizarnos
  9. As rutas dos refuxiados
  10. A vida dos nenos... antes e despois

 

 Os obxectivos eran:
  • Buscar e tratar con fontes diversas
  • Comprender para poder explicar sen necesidade de notas
  • Empatizar, sentirnos na pel do outro
  • E finalmente, transmitir o que aprendemos dun xeito orixinal, visual e creativo.

Os resultados foron tan interesantes, orixinais e interactivos que decidimos compartilos con todos, montando unha exposición na entrada do instituto. A exposición está anunciada con pisadas no chan e un muro negro no que estas se perden, e no que se le a palabra SIRIA en vermello, como desangrándose... igual que o propio país. Unha vez dentro, é posible achegarse ao problema mediante paneis e diversos recursos cos que é necesario interactuar: un xogo de mesa, un enorme dado, unha mochila de refuxiado,...

 

Podedes saber máis e ver os vídeos e fotos dos traballos facendo clic en:

http://moedasparacaronte.blogspot.com.es/2015/10/siria-explicada-alumnos-bachillerato-historia-creatividad.html

 

A exposición permanecerá montada ata o próximo venres 5 de Novembro.

Agardámosvos, e esperamos que vos guste tanto como a nós!

 

 
Distribuir contido
 

Rúa Alcalde Casal Aboy nº 11

TUI 36700   Tlf: 986600319

iessanpaio@edu.xunta.es