Skip to main content

Bioloxía e Xeoloxía

XV Olimpíada de Xeoloxía

Enviado por admin o Ven, 16/02/2024 - 17:57

XV Olimpíada de Xeoloxía

Cinco representantes de 4 de ESO e cinco de 1º de Bacharelato acudiron o día 7 de febreiro á XV Olimpíada de Xeoloxía, acompañados das profesoras Berta Barreiro e Vanesa Primo.

A actividade consistiu nunha proba práctica tipo xincana que se desenvolveuse na contorna do Monte da Guía e unha proba teórica que se realizou na Escola de Enxeñaría de Minas e Enerxía de Vigo. Durante a xornada tamén participaron nunha serie de talleres sobre pinturas e sobre intelixencia artificial aplicada a minerais que impartía a Escola de Enxeñaría de Minas e Enerxía de Vigo.

Foi unha oportunidade de estar contacto coa natureza, para poñer en práctica o aprendido nestes meses e para convivir con alumnado doutros centros. Para máis información sobre a xornada pódese consultar o enlace da Universidade de Vigo: XV Olimpíada de Xeoloxía

Entrevista a Voces polo litoral de Teis (con audio)

Enviado por admin o Lun, 03/07/2023 - 13:28

<br /> Entrevista a Voces polo Litoral de Teis

O venres 2 de xuño tivemos unha entrevista coa asociación de "Voces polo litoral de Teis". Radio Teis abriunos o espazo da radio para poder facer esta actividade.

Meli e Pablo contáronnos como traballan e funcionan para axudar ao ecosistema do barrio. O alumnado de 1º de Bacharelato fixemos cuestións e os invitados responderon con moito detalle e de maneira cercana.

Club de Ciencias: Bioloxía

Enviado por admin o Lun, 05/06/2023 - 14:31

<br /> Extracción ADN, Cariotipos

O Departamento de Bioloxía, colabora co Club de Ciencias. Neste curso ofertóuselle ó alumnado de 4º ESO a posibilidade de participar, no club de ciencias que se realizaba no laboratorio de Bioloxía e Xeoloxía, os luns de 15:00 a 16:00.

As prácticas seleccionadas estaban relacionadas cos contidos curriculares de 4º ESO e permiten os participantes aplicar os coñecementos impartidos na aula e ampliar o tipo de prácticas que xa realizaron no club de ciencias en cursos anteriores, completando así a súa formación científica.

Saída a Catoira e Caldas de Reis

Enviado por admin o Ven, 19/05/2023 - 11:41

<br /> Saída a Catoira e Caldas de Reis

O alumnado de 4ºESO de Bioloxía e Xeoloxía do IES de Teis, o xoves 4 de maio, realizou unha saída a Catoira e Caldas de Reis para realizar un traballo sobre distintos contidos da materia.

Estivemos observando distintos recursos e impactos no territorio. Recursos mineiros: canteiras de granito e de conglomerados utilizados para xerar áridos. Recursos enerxéticos como o vento, as augas fluviais e augas termais que se utilizaron de forma tradicional nos muíños onde se moían os cereais, ou de forma actual nos aeroxeradores e centrais hidroeléctricas para obter electricidade.

Campaña de medición e información sobre a contaminación urbana na contorna dos centros escolares

Enviado por admin o Xov, 30/03/2023 - 19:02

<br /> Campaña de medición e información sobre a contaminación urbana na contorna dos centros escolares

O Departamento de Bioloxía e Xeoloxía do IES de Teis participa na Campaña de medición e información sobre a contaminación urbana na contorna dos centros escolares que está a realizar Ecoloxistas en Acción en colaboración co Ministerio para a Transición Ecolóxica e Reto Demográfico.

Durante a semana do 6 o 10 de marzo o centro contou cunha Exposición sobre contaminación atmosférica, os paneis portátiles estiveron no patio cuberto para dar visibilidade do problema a todo o centro.