Secretaría
Admisión 2018: Publicación das listaxes provisionais de alumnado
Listaxes provisionais de admitidos e non admitidos:
1º BAC HUMANIDADES E CIENCIAS SOCIAIS
Segundo a normativa vixente, poderase formular reclamación a estas listaxes ante o Consello Escolar do Centro nun prazo de 5 días hábiles, contados ao partir do seguinte ao da publicación das listaxes, polo que o prazo de reclamación será do 25 de abril de 2018 ao 2 de maio de 2018 (ambos incluídos)
Admisión 2018: Cursos nos que hai que baremar
Nos seguintes cursos hai máis solicitudes que prazas ofertadas, polo que temos que proceder a baremar as solicitudes:
1º ESO
3º ESO
4º ESO
O prazo de presentación de documentación xustificativas dos criterios do baremo é dende o 23 de marzo ao 9 de abril de 2018 (ambos incluídos).
Axudasle
A Consellería de Cultura, Educación e Ordenación Universitaria convoca 1.400 prazas para realizar actividades de formación en linguas estranxeiras no ano 2018.
Poderá solicitar estas axudas o alumnado de centros sostidos con fondos públicos da Comunidade Autónoma de Galicia dos cursos de ESO e Bacharelato.
Acceso ao texto da Orde de convocatoria
Acceso á guía para cubrir a solicitude
Acceso á informacion sobre a presentación electrónica
Prazo aberto dende o 8 de febreiro ata o 7 de marzo (incluído)
CONSULTAS
Web da convocatoria: http://www.edu.xunta.es/axudasle
Enderezo electrónico: axudasle@edu.xunta.es
Atención telefónica: 981957296 - 981546503
LISTAXE DE ALUMNADO CON RESERVA PROCEDENTE DE CENTROS ADSCRITOS - ANO 2018
Publicamos a listaxe definitiva de alumnado procedente de centros adscritos que fixo a reserva de praza en 1º de ESO no noso centro.
Admisión 2018
1.- CALENDARIO DE ADMISIÓN DE ALUMNADO PARA O CURSO 2018-2019
Publicación de postos escolares | antes do 1 de marzo |
Presentación de solicitudes de admisión para novo alumnado | do 1 ao 20 de marzo |
Presentación da documentación acreditativa dos criterios de admisión no caso de non haber vacantes suficientes para todas as peticións | 10 días hábiles a partir dos 2 días seguintes á finalización do prazo de presentación de solicitudes |
Publicación das listaxes provisionais de admitidos e non admitidos | antes do 25 de abril |
Prazo de reclamación ante o Consello Escolar do centro | 5 días hábiles desde a publicación das listaxes. As reclamacións resolveránse en 5 días hábiles |
Públicación das listexas definitivas | antes do 15 de maio |
Prazo de interposición de recurso de alzada ante o titular da Xefatura Territorial | un mes a partir do día seguinte á publicación das listaxes definitivas |
2.- PRESENTACIÓN DE SOLICITUDES DE ADMISIÓN DE NOVO ALUMNADO
PRAZO: O alumnado novo que queira presentar solicitude de admisión neste centro terá que facelo do 1 ao 20 de marzo.
LUGAR: As solicitudes poderán facerse:
- no centro que se solicita en primeiro lugar ( de forma presencial)
- ou a través da aplicación informática: : http://www.edu.xunta.es/admisionalumnado.
Lémbrase que só se pode presentar unha única solicitude de admisión (no centro que se solicita praza en primeiro lugar). O non cumprimento deste feito determinará a perda dos dereitos de prioridade que poidan corresponderlle. Tamén deberán renunciar á praza no centro onde teñan reserva automática.
O alumnado que ten garantía de permanencia nun centro, se presenta solicitude de admisión noutro distinto, deberá comunicalo, ao mesmo tempo, ao centro de orixe.
O alumnado que ten reservada praza nun centro, se presenta solicitude de admisión noutro distinto, deberá comunicar a renuncia á reserva antes do inicio do prazo de presentación de solicitudes de admisión.
DOCUMENTACIÓN: O/a proxenitor/a ou representante do alumnado deberá achegar coa solicitude de admisión a seguinte documentación:
- Copia do DNI da persoa solicitante e dos membros computables da unidade familiar, cando denegue a súa consulta.
- Documento acreditativo do requisito de idade do/da alumno/a.
- Documento acreditativo de estar en disposición de reunir os requisitos académicos esixidos en cada nivel educativo.
- Convenio regulador ou resolución xudicial de separación xudicial ou divorcio, se é o caso
3.- NÚMERO DE VACANTES POR CURSO
Curso | Nº de vacantes |
1º ESO | 13 + 9 (*) |
2º ESO | 9 |
3º ESO | 0 |
4º ESO | 0 |
1º BACHARELATO | 42 (**) |
2º BACHARELATO | 0 (**) |
(*) En 1º de ESO poránse a disposición da Administración educativa tres postos escolares por unidade para alumnado con NEAE que serán asignados con prioridade pola Comisión de escolarización/Servizo Territorial de Inspección Educativa, segundo corresponda. Se estas prazas non se cubrisen sumaríanse ao resto das vacantes.
(**) En Bacharelato non hai distinción de vacantes por especialidade.
4.- BAREMACIÓN (SÓ APLICABLE EN CASO DE QUE O NÚMERO DE SOLICITUDES SUPERE AO NÚMERO DE VACANTES)
PRAZO DE PRESENTACIÓN DE DOCUMENTACIÓN
10 días hábiles a partir dos 2 días seguintes á finalización do prazo de presentación de solicitudes
BAREMO APLICABLE
Criterios por orde de prioridade:
a.- Valoración da existencia de irmáns matriculados no centro.
1) Por unha irmá ou un irmán matriculado no centro: 8 puntos.
2) Polo segundo e seguintes irmáns matriculados no centro: 2 puntos por cada un.
No caso de irmás ou irmáns que nacesen dun parto múltiple, outorgaráselle a cada unha/un delas/deles a puntuación prevista para unha irmá ou un irmán matriculados no centro, sempre que soliciten o mesmo centro e o domicilio familiar estea na mesma área de influencia do centro.
b.- Valoración por ser traballador do propio centro.
Por nai, pai, titoras ou titores que traballen no centro: 3 puntos
c.- Valoración da proximidade do centro ao domicilio familiar ou ao lugar de traballo dalgún dos pais ou titores legais. A valoración terá carácter excluínte.
1) Proximidade do domicilio familiar:
a) Se o domicilio familiar se encontra na área de influencia do centro: 6 puntos.
b) Se o domicilio familiar se encontra nas áreas limítrofes á área de influencia do centro: 3 puntos.
2) Proximidade do lugar de traballo:
a) Se o lugar de traballo do pai, nai ou titor legal está situado dentro da área de influencia do centro: 4 puntos.
b) Se o lugar de traballo do pai, nai ou titor legal está situado nas áreas limítrofes á área de influencia do centro: 2 puntos.
d.- Valoración da renda per cápita da unidade familiar.
Por renda per cápita da unidade familiar, valorada por referencia ao indicador público de renda de efectos múltiples (IPREM = 6390,13 €)
1) Se é inferior a 0,5 veces o IPREM: 3 puntos.
2) Se é igual ou superior a 0,5 e inferior a 0,75 veces o IPREM: 2 puntos.
3) Se é igual ou superior a 0,75 e inferior ao IPREM: 1 punto.
4) Se é igual ou superior ao IPREM: 0 puntos
e.- Por condición de familia numerosa:
1) Por familia numerosa de categoría especial: 3 puntos.
2) Por familia numerosa de categoría xeral: 2 puntos.
f.- Por condición de familia monoparental: 2 puntos
g.- Por concorrencia de discapacidade na alumna, no alumno ou nalgún dos seus proxenitores ou irmáns:
1) Por discapacidade da alumna ou alumno: 4 puntos.
2) Por discapacidade dunha/un das/os proxenitoras/es ou titoras/es: 3 puntos.
3) Por discapacidade dalgunha/un das/dos irmás/áns da alumna ou alumno: 1 punto por cada unha/un delas/es.
h.- Por expediente académico, no caso de acceso ás ensinanzas de bacharelato:
1) Nota media de sobresaliente: 2 puntos.
2) Nota media de notable: 1 puntos.
3) Por nota media de ben: 0,50 puntos.
i.- Por criterio complementario, consistente en residir na zona limítrofe: 1 punto.
No caso de empate na puntuación final, resolverase atendendo á maior puntuación obtida en cada un dos referidos criterios atendendo a seguinte orde de prelación: a), b), c), d), e), f), g), h), i),
Se unha vez aplicados estes criterios se mantén o empate, este resolverase aplicando o resultado dun sorteo público, que realizará anualmente esta consellería a última semana do mes de febreiro sobre as letras dos apelidos do alumnado solicitente. Este sorteo aínda non se realizou neste curso.
5.- SEGUIMENTO E CONSULTA DO ESTADO DE TRAMITACIÓN DAS SOLICITUDES
O centro publicará as listaxes de admitidos/non admitidos:
- Listados provisionais: antes do 25 de abril (Reclamación: 5 días hábiles a partir do seguinte á publicación das listaxes)
- Listados definitivos: antes do 15 de maio
O alumnado e as súas familias poderán consultar o estado de tramitación das súas solicitudes a través da aplicación informática https://www.edu.xunta.es/admisionalumnado, utilizando o código da solicitude e o número de DNI da persoa solicitante.
6. PRAZO PARA A FORMALIZACIÓN DA MATRÍCULA
Todos os alumnos deberán formalizar a súa matrícula nos prazos sinalados a continuación. De non facelo así perderán o seu dereito á praza.
- Prazo ordinario: do 25 de xuño ao 10 de xullo (*)
- Prazo extraordinario de matrícula (para os alumnos con materias pendentes en xuño): do 1 ao 10 de setembro (*)
(*) sen prexuízo de que o centro fixe un día concreto para a matrícula de cada nivel educativo.
7.- CENTROS ADSCRITOS
CEIP Carballeira, CEIP San Martiño, CEIP Cabanas
8.- ÁREA DE INFLUENCIA DO IES GONZALO TORRENTE BALLESTER
ESO
BACHARELATO
- Mapa: é a zona marcada como B
9.- SERVICIOS COMPLEMENTARIOS - TRANSPORTE
O alumnado que solicite e obteña praza nun centro escolar distinto ao que lle corresponda segundo a distribución das áreas de influencia, non terá dereito a ningún dos servizos complementarios establecidos pola consellería.
Rutas de transporte
Bikoka - Pte. do Couto
|
Súper Claudio - Pte. Muiños
|
Desguaces 2000- Alfa Romeo
|
Campodaporta - San Blas
|
San Blas - r/Fernández Ladreda (N. FIDE)
|
10.- NORMATIVA APLICABLE
- DECRETO 254/2012, do 13 de decembro (DOG do 26 de decembro de 2012)
- ORDE do 12 de marzo de 2013 (DOG do 15 de marzo de 2013)
- ORDE do 25 de xaneiro de 2017 (DOG do 1 de febreiro de 2017)
3ª Listaxe de admitidos e excluídos das axudas para a adquisición de material escolar de 1º, 2º, 3º e 4º de ESO
3ª publicación de listaxes de admitidos das axudas para a adquisición de material escolar para o curso 2017-2018 para os alumnos/as de 1º, 2º, 3º e 4º de ESO que xa formalizaron a súa matrícula:
Os vales poderánse recoller na secretaía do centro a partir do luns 18 de setembro de 2017 en horario de 09:00 a 14:00 horas pola persoa que presentou a solicitude presentando o DNI. Poderá recollelo tamén calquera outra persoa autorizada presentando a autoización e a fotociopia do DNI da persoa que presentou a solicitude.
Autorización para a recollida do vale por outra persoa da solicitante
Listaxe definitiva dos libros que recibe cada alumno/a do fondo solidario de libros de texto
Esta é a listaxe definitiva dos lobros que vai recibir no centro cada alumno/a do fondo solidario.
O reparto dos libros que xa teñamos no centro realizarase o vindeiro luns 18 de setembro.
Faremos a entrega dos libros que ten que adquirir o centro á maior brevidade posible.
A listaxe definitiva de alumnado excluído do fondo solidario e a causa da súa exclusión é a seguinte:
Becas e axudas para alumnos/as con necesidade específica de apoio educativo
Os alumnos/as que desexen solicitar as axudas para alumnos con necesidade específica de apoio educativo deberán entrar no seguinte enlace
cubrir todo o que lles corresponda, imprimir e levalo ao profesional ao que van. Posteriormente deberán traelo ao centro.
Fondo solidario de libros - listas provisionais de admitidos e excluidos
Nos arquivos adxuntos podedes consultar a listaxe provisionsl de solicitudes admitidas e excluídas do fondo solidario de libros de texto, listaxes que tamén se encontran expostas na entrada do centro.
Adxudicación da cafetería do centro
Para dar cumprimento á INSTRUCCIÓN 7/2017 de 30 de maio de 2017, para a contratación do servizo de xestión e explotación da cafetería en centros docentes non universitarios dependentes da consellería, ábrese un prazo de para que calquera persoa física ou xurídica, con capacidade de obrar, poidan presentar as ofertas oportunas.
O procedemento a seguir, as condicións esixidas e os criterios para a valoración das ofertas veñen reguladas na citada instrucción.
Prazo de presentación das ofertas: DO 4 Ó 12 DE XULLO DE 2017 (O prazo remata ás 14:00 horas do día 12 de xullo de 2017).
Lugar de presentación: OFICINA ADMINISTRATIVA DO IES GONZALO TORRENTE BALLESTER.
Datos de contacto:
- IES GONZALO TORRENTE BALLESTER. Rúa Herminia Fariña s/n – Pontevedra
- Tfno. 886159156
- Correo electrónico: ies.torrente.ballester@edu.xunta.es
- Páxina web: http://www.edu.xunta.es/centros/iestorrenteballester/
Para máis INFORMACIÓN, consultar os arquivos que se achegan.
RECLAMACIÓNS ÁS CUALIFICACIÓNS FINAIS DE 2º BACHARELATO
A Dirección Xeral de Educación, Formación Profesional e Innovación Educativa, vén de ditar unha circular pola que se establece o procedemento que cómpre seguir nas reclamacións das cualificacións finais outorgadas no 2º curso de Bacharelato.
Toda a información relativa a este procedemento estará exposta nos taboleiros de todas as aulas de 2º BAC e no vestíbulo do noso centro a partir de mañá mesmo, mércores 3 de Maio de 2017, coa finalidade de que todos os alumnos poidan ter acceso á mesma. Igualmente, a circular mencionada anteriormente pode ser consultada e/ou descargada premendo na seguinte ligazón:
PROCESO DE ADMISIÓN DE NOVO ALUMNADO
Completada a fase de reserva de praza para o alumnado dos centros adscritos, procedemos a publicar a listaxe de rapaces e rapaces que xa teñen praza asignada no noso instituto en 1º ESO para o vindeiro curso 2017/2018.
Ademais, tendo en conta que proximamente comezará tamén a seguinte fase do proceso de admisión, facemos pública as instrucións e os prazos que deben ter en conta as familias que desexen matricular aos seus fillos nun centro non adscrito, así como o criterio complementario de baremación decidido polo IES Gonzalo Torrente Ballester.
LICITACIÓN CAFETERÍA
Premendo aquí pódese consultar a listaxe provisional das propostas de licitación do servizo de cafetería do IES para o curso académico 2016/2017.
LIBROS DE TEXTO: VALES DE AXUDA E FONDO SOLIDARIO
Os alumnos e alumnas que aprobaron todas as materias na convocatoria ordinaria de Xuño e que xa formalizaron a súa matrícula en 2º ESO ou 4º ESO, poden pasar pola Secretaría do centro a recoller os vales de axuda para a adquisición de libros de texto para o curso académico 2016/2017. O resto dos vales serán entregados en Setembro, unha vez realizada a avaliación final extraordinaria.
Por outra banda, a cotinuación aparecen publicadas as listaxes provisionais do alumnado admitido e excluído no FONDO SOLIDARIO DE LIBROS DE TEXTO no vindeiro ano académico.
APLICACIÓN ABALARMÓBIL
Coa intención de continuar a integrar as novas tecnoloxías no ámbito educativo, a Xunta de Galicia pon a disposición das familias e dos centros escolares galegos a aplicación abalarMóbil, a cal permite que vostedes consulten a información relativa aos seus fillos e fillas a través do teléfono móvil dende calquera lugar e dun xeito inmediato.
Esta aplicación é totalmente gratuíta e a súa descarga pode ser feita dende Apple Store (se o sistema operativo é IOS) ou dende Play Store (se o sistema operativo é Android).
Deben vostedes ter presente que o teléfono no que descarguen a aplicación ten que ser o móbil que indiquen no impreso de matrícula dos seus fillos ou fillas como número de contacto, mencionando, ademais, no momento de formalizar esta matrícula, que pretenden darse de alta na aplicación ou que xa a teñen habilitada nese mesmo número de teléfono.
As familias que descarguen abalarMóbil van poder dispoñer en calquera caso das seguintes informacións:
- Acceder aos datos persoais.
- Consultar as cualificacións.
- Consultar as faltas de asistencia e puntualidade.
- Consultar as faltas de conduta.
- Consultar os datos do centro educativo.
- Consultar os avisos ou notificacións enviadas polo centro educativo.
Dependendo de se o profesorado do alumno ou alumna está, a súa vez, dado de alta como docente no Espazo Abalar e das funcionalidades que desexe habilitar, as familias tamén poderán ter a súa disposición:
- Xustificar as faltas de asistencia e de puntualidade.
- Consultar os avisos ou notificacións do profesorado.
- Consultar as incidencias creadas polo profesorado.
- Solicitar unha entrevista cun profesor ou profesora.
No seguinte vídeo explícanse dun xeito moi sinxelo os pasos que vostedes deben seguir para darse de alta na aplicación abalarMóbil e o modo de manexarse dentro dela. A continuación, aparece tamén unha ligazón á guía de abalarMóbil para as familias en formato PDF, que poden descargar, se así o desexan.
PRAZOS PARA AS RECLAMACIÓNS DAS CUALIFICACIÓNS FINAIS (ESO e 1º BAC)
O vindeiro luns 27 de Xuño de 2016, ás 10:00 horas, serán entregados os boletíns das cualificacións finais a todo o alumnado de ESO e 1º Bacharelato.
No caso de que exista algún desacordo coa cualficación final outorgada nalgunha materia, estas son as normas e os prazos a ter en conta para realizar algunha reclamación:
- Despois das aclaracións oportunas co/a profesor/a, se procede, o/a alumno/a (nos casos de maiores de 18 anos) ou o seu representante legal, pai/nai (nos casos de menores de 18 anos), poderán solicitar por escrito (existe un modelo de impreso nas oficinas do centro) a revisión da cualificación no prazo de 2 días lectivos a partir daquel no que se produciu a súa comunicación. Polo tanto, dita solicitude poderá ser presentada ata as 14:00 horas do día 29 de Xuño de 2016.
- O Departamento correspondente resolverá a reclamación nun prazo máximo de 2 días lectivos, sendo comunicada a resolución ao/á alumno/a ou á súa familia pola Xefatura de Estudos do centro.
- No caso de persistir o desacordo, o/a alumno/a (nos casos de maiores de 18 anos) ou o seu representante legal, pai/nai (nos casos de menores de 18 anos) poderán solicitar por escrito ao Director do centro (existe un modelo de impreso nas oficinas do centro), no prazo de 2 días lectivos a partir da última comunicación do centro, que eleve a reclamación á Xefatura Territorial.
- O tempo máximo para a resposta da Xefatura Territorial ás reclamacións de ESO e Bacharelato será de 15 días lectivos.
PROCESO DE ADXUDICACIÓN DA CAFETERÍA DO CENTRO
Para dar cumprimento á instrución 4/2016 de 30 de Maio de 2016 para a contratación do servizo de xestión e explotación de cafeterías en centros docentes non universitarios dependentes da Consellería de Cultura, Educación e Ordenación Universitaria, ábrese un prazo para que calquera persoa física ou xurídica, con capacidade de obrar, poida presentar as ofertas oportunas.
O procedemento a seguir, as condicións esixidas e os criterios para a valoración das ofertas recibidas veñen reguladas na citada orde.
Prazo de presentación das ofertas: DO 22 DE XUÑO AO 10 DE XULLO DE 2016
Lugar de presentación das ofertas: OFICINA ADMINISTRATIVA DO IES GONZALO TORRENTE BALLESTER
Datos de contacto:
IES GONZALO TORRENTE BALLESTER. Rúa Herminia Fariña, s/n.- 36003. Pontevedra
Teléfono: 886159156
Correo electrónico: ies.torrente.ballester@edu.xunta.es
Páxina web: www.edu.xunta.gal/centros/iestorrenteballester
Para máis INFORMACIÓN, consultar os documentos que se xuntan a continuación: