O pasado 4 de abril, o Comité Directivo do proxecto europeo Erasmus+, KA2, FUTUREfacing reuniuse nas instalacións de ILVA (Valencia), con motivo de analizar os resultados acadados no proxecto e definir os pasos finais do mesmo.

A esta reunión acudiron representantes da Consellería de Educación, Universidade e Formación Profesional, así como do resto dos socios procedentes de diversas institucións internacionais: a BCF (Federación Británica de Acabados), de Reino Unido, a Escola de Formación Profesional Rakvere Ametikool, de Estonia e ILVA, Industrias Químicas, de Italia, e galegas: FINSA (Financeira Madeireira), Xera (Axencia Galega da Industria Forestal) e GAIN (Axencia Galega de Innovación), coordinadora do proxecto.