MHOT02

 

MHOT02 - Servizos en restauración

Familia: Hostalaría e turismo
Sistema educativo: LOE
Grao: medio
Horas: 2000
Código: MHOT02
Documentación: RD
DOG
DOC

Que se aprende a facer?
Realizar actividades de preparación, presentación e servizo de alimentos e bebidas, así como as de atención á clientela no ámbito da restauración, seguindo os protocolos de seguridade establecidos e actuando segundo normas de hixiene, prevención de riscos laborais e protección ambiental.

 

En que ámbitos se traballa?
En empresas grandes, medianas e pequenas, nomeadamente do sector da hostalaría, aínda que tamén pode traballar por conta propia en pequenos establecementos de restauración. Esta profesión desenvólvese en sectores e subsectores produtivos en que se desenvolvan procesos de elaboración e servizo de alimentos e bebidas, como o sector da hostalaría e, no seu marco, as áreas de hostalaría e restauración (tradicional, moderna e colectiva).

 

Que ocupacións se desempeñan?
Camareiro/a de bar e cafetaría ou restaurante. Xefe/a de rango. Empregado/a de economato de unidades de produción e servizo de alimentos. Barman. Axudante de somelier. Auxiliar de servizos en medios de transporte.

 

Cales son os módulos deste ciclo?

Curso Código Módulo profesional Horas Períodos semanais
MP0031 Seguridade e hixiene na manipulación de alimentos 53 2
MP0150 Operacións básicas en bar e cafetaría 267 10
MP0151 Operacións básicas en restaurante 320 12
MP0155 Técnicas de comunicación en restauración 53 2
MP0156 Inglés 160 6
MP0157 Formación e orientación laboral 107 4
MP0045 Ofertas gastronómicas 87 5
MP0152 Servizos en bar e cafetaría 140 8
MP0153 Servizos en restaurante e eventos especiais 210 12
MP0154 O viño e o seu servizo 140 8
MP0158 Empresa e iniciativa emprendedora 53 3
MP0159 Formación en centros de traballo 410




Lembre que a normativa sempre prevalece sobre calquera outra información. Esta páxina contén información de carácter xeral extraída da normativa, polo que calquera dúbida ou contradición se resolverá atendendo á normativa vixente (acceso a normativa da oferta de ciclos formativos).