MIEX02
MIEX02 - Escavacións e sondaxes
Que se aprende a facer?
Realizar a perforación subterránea e a ceo aberto utilizando as técnicas, os medios e os recursos propios de perforación. Practicar voaduras de xeito simulado conforme as instrucións e a documentación técnica recibidas, preparando, cargando e iniciando os explosivos inertes. Realizar o sostemento en escavacións subterráneas preparando e colocando cadros, tesoiras, ancoraxes, porlóns de ancoraxe e demais sistemas para o efecto. Realizar a estabilización de noiros en escavacións a ceo aberto, preparando e colocando os sistemas para o efecto. Realizar proxeccións de formigóns aplicando as técnicas e os recursos necesarios. Practicar sondaxes, logo de preparar e acondicionar os equipamentos adecuados a cada operación. Recoller testemuñas e tomar mostras realizando ensaios e medicións xeotécnicas e hidroxeolóxicas in situ e no laboratorio. Montar e manter instalacións, máquinas e equipamentos realizando as operacións de verificación, axuste e substitución dos seus elementos, e restituír o seu funcionamento en condicións de calidade, seguridade e respecto polo ambiente. Realizar a escavación de espazos subterráneos utilizando os sistemas mecanizados de arranque selectivo do material, para a extracción de recursos minerais ou para a construción de obras subterráneas. Manexar maquinaria de escavación e de movemento de terras a ceo aberto seguindo as especificacións técnicas, en condicións de seguridade e eficiencia.
En que ámbitos se traballa?
Este profesional exerce a súa actividade en empresas de extracción ou investigación mineira, hidroxeolóxica e xeotécnica, empresas construtoras, empresas de movemento de terras, consultorías xeotécnicas, e empresas de sondaxes, perforacións, escavacións e movementos de terra.
Que ocupacións se desempeñan?
Mineiro/a; Condutor/a operador/a de maquinaria de movemento de terras, extracción e escavación; Condutor/a operador/a de pa cargadora de interior; Operador/a de maquinaria de perforación e escareado; Operador/a de maquinaria perforadora de pozos; Operador/a de maquinaria de arranque, rozadoras e cepillos. Artilleiro/a; Esteador/a; Barrenista; Picador/a de minas; Electromecánico/a de minas; Sondista de prospección mineira e xeotécnica; Técnico/a de prospeccións e sondaxes.
Cales son os módulos?
Curso | Código | Módulo profesional | Horas | Períodos semanais | |
---|---|---|---|---|---|
1º | MP1078 | Estabilización de noiros | 133 | 5 | |
1º | MP1082 | Formación e orientación laboral | 107 | 4 | |
1º | MPI021 | Lingua estranxeira profesional I | 53 | 2 | |
1º | MP1081 | Operacións e manexo de maquinaria de escavación | 160 | 6 | |
1º | MP0847 | Sondaxes | 187 | 7 | |
1º | MP1031 | Técnicas de voaduras | 160 | 6 | |
1º | MP0850 | Traballos xeotécnicos | 160 | 6 | |
2º | MP1083 | Empresa e iniciativa emprendedora | 53 | 3 | |
2º | MP1079 | Escavacións con arranque selectivo | 105 | 6 | |
2º | MP1084 | Formación en centros de traballo | 410 | ||
2º | MPI022 | Lingua estranxeira profesional II | 53 | 3 | |
2º | MP1080 | Operacións de carga e transporte en escavacións | 175 | 10 | |
2º | MP0881 | Perforacións | 157 | 9 | |
2º | MP1077 | Sostemento | 87 | 5 |
Modalidade de formación profesional dual (con oferta parcial doutros ciclos)
Oferta educativa de formación profesional inicial en centros sostidos con fondos públicos na modalidade de formación profesional dual, con oferta parcial doutros ciclos formativos. Curso 2023-2024.
Concello | Código | Centro educativo | Teléfono |
---|---|---|---|
Santiago de Compostela | 15027058 | IES As Fontiñas | 881866661 |
Lembre que a normativa sempre prevalece sobre calquera outra información. Esta páxina contén información de carácter xeral extraída da normativa, polo que calquera dúbida ou contradición se resolverá atendendo á normativa vixente (acceso a normativa da oferta de ciclos formativos).