Boas tardes a todos e todas!

Como xa sabedes, a principio de curso, na nosa escola comprometémonos a mellorar a través de compromisos de convivencia. Pois moi ben, chegou o momento de levar os compromisos a práctica, e decidimos facelo dicindo "NON!", a calquer tipo de violencia na escola.

Aproveitando a celebración do "Día da non violencia", o día 2 de outubro, decidimos levar a cabo asambleas en cad aaula onde falamos de violencia. Pero non soamente falamos sobre ela, falamos tamén acerca de como podemos evitala, que consecuencias ten, como nos sentimos cando somos víctimas da mesma... De xeito que puideramos concluir se realmente a violencia consigue solucionar os problemas.

Unha vez concluimos as asambleas, recollimos e repartimos polas aulas carteis onde, por acordo do grupo dentro da mesma, declaramos as nosas aulas espazos libres de violencia. E non só violencia física, dentro do noso cole non aceptamos agresións de ningún tipo e por ningún motivo.

Por tanto, a próxima vez que poida iniciarse unha situación que implique violencia; observaremos os nosos carteis para recordar que a violencia NUNCA nos leva a ningún sitio.

Benvidas a todas e todos!

Xa estamos de volta. Damos inicio a un novo curso onde tanto mestres e mestras, como alumnos e alumnas, volvemos coas pilas cargadas para ensinar, aprender e seguir traballando por facer do noso cole un lugar onde todas e todos poidamos sentirnos libres e aceptados.

O noso xeito de facelo, foi a través de compromisos de convivencia. Cada neno e nena do alumnado tiveron que pensar, que era o que eles e elas podían facer para mellorar a convivencia no colexio. Así, cada titor e titora traballou co seu grupo para chegar a estas propostas, e unha vez os tivemos listos... tocou reunirse!

Aproveitando que fixo un dia estupendo, reunímonos na entrada do colexio. Alí, foi onde introducimos o noso compromiso na súa caixa, cambiando o propósito por unha chapa de benvida ao cole e a este novo curso escolar. Todos os compromisos seguirán nesta caixa ata o final do trimestre, onde os retiraremos e consultaremos para ver se os nosos compromisos foron acadados. Se así é, pasaremos a un novo compromiso, se non, continuaremos traballando para acadar ese compromiso o vindeiro trimestre.

E xa para rematar, os mestres e mestras tamén fixemos os nosos compromisos co alumnado para mellorar a convivencia no colexio. Así que con esta nota positiva, damos a benvida a un novo curso onde agardamos aprender e divertirnos moito!

Ola a todos e todas! Sabiades que o día 2 de maio foi o "Día Internacional contra o Acoso Escolar? Pois ben, como no noso cole non se nos escapa nin unha sola data que conmemorar (e todavía máis se é para loitar contra un tema tan serio como este), puxémonos mans a obra para poñer o noso graniño de area contra este problema que padecen tantos nenas e nenos no mundo.

Dende a escola, pensamos que o acoso non é algo que teñamos que abordar só cando sucede, tamén temos que evitalo antes de que se presente. E a mellor forma de previr, e traballando os sentimentos positivos. Quixemos indagar en cales son as frases que poden facer sentir ben aos demais cando as escoitan. Unha vez que tivemos claro que esta era a mensaxe que queriamos mandar, cada alumno e alumna rexitraron as súas nuns anacos de papel.

O seguinte paso, foi buscar unha zona de paso onde, día a día, poidamos pararnos a ler unha destas frases cheas de positividade; de xeito que cando teñamos un mal día, ou necesitemos animarnos, poidamos botar unha ollada a estas bonitas palabras. Deste xeito, creamos un "Taboleiro+", onde un representante por curso colgou as frases dos seus compañeiros e compañeiras de aula.

Agora si, temos nun rincón do cole un espazo onde poidamos transmitir mensaxes positivos e agradables cara aos demais. Así que cando queiramos animar a alguén, poderemos escribir novas frases para ir mudando e cheando este taboleiro de notas que nos debuxen un sorriso de orella a orella!

CComo xa sabedes aqueles e quelas que visitades a páxina do colexio, na nosa escola non hai nada que nos guste máis que unha boa celebración. Así que xa imaxinaredes a que liamos para celebrar o Día Internacional do Bico.

Non só nos pareceu unha ocasión perfecta para repartir agarimo polo colexio, senón que ademais foi unha moi boa oportunidade para continuar traballando as emocións como parte do noso proxecto de biblioteca.

E explicados os previos, imos contarvos que argallamos. O primeiro que fixemos, foi pegar un cartel no corredor do colexio, anunciando que día era, e despois preparamos un cadro de cores que sería o lugar no que, quen quixera, podería darse un bico cos seus compañeiros e compañeiras.

E xa co espazo preparado, pensamos que sería divertido poñer unha cámara, e así gardar un recordo de canto nos queremos entre compañeiros e compañeiras. Aínda así, os bicos empezaron moito antes de que puxeramos a funcionar a cámara...

Ningún alumno e alumna librouse de recibir un bico... e o mesmo pasou cos profes. Tan pronto tivemos a algún deles cerca, conseguimso que se acercasen para chearlles a cara de centos de bicos.

Queredes ver cantos bicos repartimos polo colexio tanto os nenos e nenas de infantil como de primaria? Pois aquí tedesos videos onde podedes velo (e un video extra cos momentos máis divertidos que colleu a cámara).

No noso obxectivo de convertirnos en autenticos expertos e expertas na xestión das emocións, e como parte do noso proxecto de biblioteca, hoxe recibimos unha vez máis a Gloria, a nosa experta favorita nesta materia. Nesta ocasión, acudiu ao cole a ensinarnos a relaxarnos e xestionar as nosas emocións, ademáis de falar cos alumnos e alumnas maiores para ensinarlles técnicas de estudio.

Nas actividades levadas a cabo con Educación Infantil, e cos alumnos e alumnas de 1º e 2º, desfrutamos dun contacontos e a presentación dalgunhas ferramentas que nos van a ser de moita utilidade cando nos enfadamos e non sabemos como xestionalo.

Pero se falamos de cousas relaxantes, levase o premio o momento no que paramos para pintar uns mandalas, algo que tamén pode sernos de gran utilidade cando necesitamos relaxar a cabeza e pensar.

Pero non todo se quedou dentro do colexio, fora fixemos toda clase de xogos en movemento para aprender a identificar onde atopar as nosas pulsacións, vivir os nervios e a euforia, pero tamén a calma e a tranquilidade.

E por suposto, traballamos a respiración, unha ferramenta clave para calmarnos. Neste caso o fixemos con pompas de xabón, unha actividade que non só nos ensinou moito, senón que ademais nos divertiu un montón.

Outra das actividades consistiu en pasarnos un vaso de auga, evitando que o seu contido caise fora, o cal nos permitiu seguir aprendendo sobre o corpo en movemento e permitiu estreitar lazos con compañeiros de clases distintas a propia.

E por último, tamén participamos nun xogo grupal no que a respiración foi a protagonista e onde todos o fixeron super ben.

Sen dúbida estamos desexando que Gloria volva a darnos unha visita!

Pore outra parte, os maiores tamén tiveron a sorte de recibir unha charla sobre técnicas de estudio e ferramentas para organizarse que de seguro porán de práctica o máis pronto posible!

Como xa saberedes, o día 15 de abril conmemórase o Día da Infancia. Por iso, nun cole como o noso, pareceunos especialmente importante celebrar esta ocasión dando visibilidade a nenos e nenas con vidas moi distintas a nosa.

Para facelo, visualizamos un fragmento da película "Camiño a escola", onde amósase como un dereito que consideramos tan fundamental como a educación, noutros países e unha auténtica odisea no simple feito de chegar a escola. A través da visualización deste filme, buscamos que os nenos e nenas entenderan que para outros nenos e nenas ir a escola non é unha obriga, senón que é un privilexio.

De forma complementaria ao visionado da película, en cada aula levouse a cabo un debate no que, non solo falamos do que vimos, senón que tamén reflexionamos sobre o seu significado. Pero sobre todo, nos dimos conta da sorte que temos de ter todas as facilidades do mundo para acceder a educación. 

Xa vai algo de tempo da nosa última publicación sobre o proxecto de emocións que estamos a desenvolver como parte do noso proxecto de biblioteca, pero todo é por algo, e neste caso débese a que estivemos argallando unha nova actividade. Queredes saber cal é? Pois ben, nesta ocasión ocurriusenos mesturar ciencia e emocións, e como resultado elaboramos unha taboa periódica de emocións que nos será de gran utilidade para axudar a poñer nome as nosas emocións.

Pero a idea vai máis alá de simplemente colocar os nomes de cada emoción na parede. Nesta ocasión quixemos que o colexio ao completo fose partícipe deste recurso tan especial. Así que a totalidade do alumnado recibiu unha emoción, coa que traballou para expoñer na taboa periódica escribindo o seu nome, deseñando a sua abreviatura e decorandoa ao seu gusto.

Unha vez as recolectamos todas, os nenos e nenas das distintas aulas acudiron ao taboleiro do noso pasillo para ir poñendo a súa emoción. Deste xeito, pouco a pouco, fomos completando a táboa periódica ao mesmo tempo que buscamos o xeito de organizar as emocións según a categoría na que á incluímos: medo, amor, alegría, tristeza, asco, sorpresa...

E así, despois de moitas voltas, conseguimos rematar a nosa táboa periódica. Quizás non sexa o máis bonito, ou as letras sexan distintas, ou haxa erros na elboración... Pero iso é xusto o que buscabamos; que ademais de aprender as emocións, representase a diversidade entre os nenos do noso colexio, e que cada vez que a vexamos poidamos ver un anaquiño de nós dentro de este traballo que tanto disfrutamos facendo.

Ola a todos e todas! Estamos de volta cunha nova actividade, esta vez como parte da celebración do "Día Mundial da Poesía". Nesta ocasión, e en colaboración coa biblioteca do noso centro, levamos unha actividade na que continuamos traballando as emocións, ao mesmo tempo que damos a coñecer distintos poetas e poetisas de renombre.

Cal é a actividade? Moi sinxelo, fixemos un sorteo entre as clases onde a cada alumno e alumna asignouselle un compañeiro/a de outra clase. Unha vez feitas as parellas, explicamos a tarefa: buscar ou crear unha poesía curta para regalar a esa persoa. Así que ao longo das semanas previas, fixemos visitas a biblioteca para buscar e ler libros de poemas que nos deran ideas para o regalo. Unha vez feito, despositamos os poemas na "Maleta Poeta", e agardamos ao 21 de marzo para vaciar o seu contido.

Chegado o día, os alumnos e alumnas se xuntaron por aulas (1º e 2º cos compañeiros e compañeiras de 3º e 4º; e Educación Infantil cos compañeiros e compañeiras de 5º e 6º).

E procedemos a entregar os poemas que fixemos, para levar a cabo recitais de poesía onde todos e todas disfrutamos de versos tanto de creación propia, como dalgúns autores e autoras coñecidos (e non tan coñecidos).

Deste xeito, non solo aprendemos máis sobre un xénero literario que as veces temos algo olvidado, senón que ademais reforzamos os lazos de amizade, continuando a nosa labor de crear un clima de convivencia cada día un pouco mellor no centro.

Apertas, risas, rimas... Foi un día cheo de emocións, onde todos e todas, tanto mestres e mestras como alumnado, marchamos a casa cun sorriso de orella a orella!

Ola a todos e todas! Estamos de volta cunha nova publicación, esta vez para contarvos como pasamos no noso colexio a conmemoración do 8 de Marzo: Día da Muller.

Tras baraxar distintas propostas, ao final nos decantamos por celebrar a vida de mulleres ecoloxistas, que non sempre recibiron a visibilidade que merecen. Deste xeito, non só puxemos en valor o seu traballo, senón que aprendemos que unha soa persoa, cos seus actos, pode cambiar o mundo.

Para comezar, cada aula seleccionou a unha destas mulleres, co compromiso de investigar sobre as suas vidas e o seu traballo; co fin de elaborar un cartel informativo.

Unha vez o tivemos feito, pasamos á segunda parte da actividade. O propio día 8 de marzo, colgamos os carteis no exterior das aulas, de xeito que todos os compañeiros e compañeiras do colexio puideran apreciar os resultados de cada investigación.

E isto non é todo, ademais de compartir o cartel co resto do colexio, tamén fixemos un pequeno cambio ao nome das nosas aulas. Decidimos facer desaparecer as habituais placas co nome dos cursos, para renombralas co nome das mulleres que investigamos. Deste xeito o recordo do seu traballo poderá extenderse máis alá do 8 de marzo.

E xa con todo preparado, chegou o momento de dar a volta ao cole e aprender sobre a vida de Berta Caceres, Rachel Carson, Jane Goodall, Wangari Mathai e Vandana Shiva. E o fixemos de mans dos mellores expertos e expertas posibles... o propio alumnado!

Pero isto non é todo. Como acto simbólico para poñer un lazo de oro á conmemoración do 8M, e poñendo en práctica as ensinanzas sobre ecoloxía das mulleres antes mencionadas, levantamos no noso patio unha cabana de vimbio vivo. Unha cabana dentro da que nos poidamos sentir en contacto coa natureza, pero a mesmo tempo libres, protexidos e protexidas; e sen diferencias. Aportando así o noso graniño de area a un mundo máis verde, pero tamén máis igualitario.

Ola a todos e todas! Como ben saberedes xa, o día 14 de febreiro celebramos San Valentín, ou como tamén se coñece, o día dos namorados e namoradas. Esta celebración fixo que no cole nos fixesemos unha pregunta... De verdad este día e solo para as persoas namoradas? Que hai do amor hacia as nosas familias? Que hai do amor aos nosos amigos e amigas? E as nosas mascotas?

Así que, como parte do noso proxecto anual sobre as emocións, decidimos traballar o amor da mellor forma que se pode practicar, vivíndoo. De ahí que o día 14, en cada unha das clases do colexio houbese sobres, cun bombón de chocolate pegado en cada un deles; e unha tarxeta cun nome dentro. A dinámica foi moi sinxela: coller un sobre, ler o nome da persoa a que vai dirixido e entregarlle o bombón. No momento de entregalo, dedicamos a esa persoa unhas palabras positivas, unha dedicatoria ou resaltamos unha cualidade positiva do compañeiro ou compañeira en cuestión. E a vista esta que lles encantou! 

Pero os nenos non foron os únicos que o pasaron ben facendo esta actividade. Os mestres e mestras do colexio tamén tivemos o noso momento; e sen dúbida recibimos o mellor regalo que poderiamos ter: unha escola onde todos e todas nos queremos e respetamos.

E sen máis que dicir, despedímonos agardando impacientes polo próximo San Valentín para repetir esta actividade! Coma sempre, se queredes ver máis fotos desta actividade podedes facelo na súa carpeta correspondente na nosa galería.