O pasado luns 22 de abril, os nenos/as de 6º tiveron a oportunidade de experimentar por primeira vez o que é remar sobre un barco dragón. 

O día acompañaba moito, e despois dun breve quencemento e explicación sobre as normas de seguridade e técnica básica, puxémonos a remar.

Todo preparado, listo para remar!!!

En colaboración cos compañeiros/as de Forcarei, que nos acompañaron na embarcación, estivemos navegando polo encoro do Pontillón de Castro, en Verducido. Aínda fixemos uns cantos kms!!!

Logo había que repoñer forzas, despois do gran esforzo que fixemos!!!

Namentres, os nosos compañeiros/as de 5º aproveitaron para facer unha pequena ruta de sendeirismo, analizar a flora e a fauna e desfrutar do entorno en boa compañía.

Para o ano repetimos!!!

Comezamos as xornadas de deporte escolar, que nesta ocasión tocou no noso centro. Ao longo da mañá fomos competindo en diferentes deportes como o fútbol, o baloncesto ou o balonmán, pero sempre co obxectivo de pasalo ben, desfrutar do deporte en compañía e facer exercicio físico dun xeito distinto. 

Os nosos alumnos/as dérono todo nunha xornada con partidos moi competidos e emocionantes. 

Grazas a todos/as pola participación.

Próxima xornada: Forcarei

BALONMÁN 5º E 6º

FÚTBOL 5º E 6º

OS COMPAÑEIROS/AS APOIANDO FORTE

BALONMÁN 3º E 4º

BALONCESTO 3º e 4º

PANCARTA DE APOIO

O pasado martes 31 de xaneiro celebramos a II carreira solidaria polo día da Paz. Ademais de contribuír a unha boa causa e promocionar a práctica deportiva non competitiva, aproveitamos para fomentar a alimentación e hidratación tras a práctica deportiva. Dende o centro puxemos á disposición de tódolos/as participantes auga e e plánatos, para repoñer forzas depois da carreira de obstáculos. 

Somos unha auténtica NUTRIESCOLA!!!

Xa como unha tradición, este ano volvemos a organzar e a participar na "II carreira solidaria" para conmemorar o día da Paz, contando ca presencia e colaboración dos membros da comunidade educativa.

Nesta ocasión acordamos recoller roupa e material escolar, que logo entregaríamos á "Asociación Boa Vida" de Pontevedra, para darlle un segundo uso e lla fagan chegar a aqueles nenos e nenas que a precisen.

Os alumnos/as de infantil crearon unha pancarta para "encabezar" a marcha ata o campo de fútbol.

Cando chegou o día da Paz, o 30 de xuño, xunto aos compañeiros e compañeiras de todo o colexio comezamos a marcha cara o campo de fútbol. Acompañáronnos as nosas familias, que particpiarían tamén na carreira.

E chegou o momento, todos estabamos listos para participar na carreira...

... que nesta ocasión tiña tamén obstáculos que había que salvar.

Rematada a carreira, tocaba repoñer folgos de forma saudable cun plátano e unha botella de auga, contribuíndo tamén a cumprir cos obxectivos do noso proxecto Nutriescolas (alimentación saudable)

Como despedida, e despois de recibir a chapa conmemorativa, unha foto de grupo para o recordo. 

E por suposto, un foto todos xuntos, incluídas ás nosas familias.

Grazas a todos e a todas por participar, e formar parte desta "II marcha solidaria pola Paz".

Deixamos algunhas fotos máis:

Este trimestre estivemos a investigar un pouco sobre as lesións que poden ocorrer durante a práctica deportiva. Dentro das múltiples lesións existentes, escollemos as máis habituais e as que máis lles soaban. Despois de facer o reparto, puxémonos a investigar individualmente ou por parellas. Debían buscar información sobre o tipo de lesión, os síntomas, as causas e os posibles coidados e prevención. Xa co traballo feito, tocaba expoñérllelo aos nosos compañeiros/as.

Primeiro foron os ESGUINCES

Turno para os CALAMBRES MUSCULARES

Úrsula e Lucía faláronnos dos TRAUMATISMOS

Brais é todo un experto en ROTURAS FIBRILARES

Se tendes algún CORTE ou FERIDA, Lara pode axudarvos

Alicia e Nico explicaron moi ben que son as DISTENSIÓNS MUSCULARES

Velaí o resultado final dos expertos en lesións deportivas

O pasado mércores 22 de novembro, asistimos ao Cross escolar organizado pola Asociación Deportiva Terra de Montes. Nela participaron centos de nenos/as de diferentes centros da contorna (Campo Lameiro, Cerdedo, Soutelo, Tenorio, Ponte Caldelas, A Lama, Fornelos, etc.); e como non, os alumnos/as do CEIP Pedro Antonio Cerviño non podías faltar a esta cita tan esperada. Correron os nenos/as de 3º, 4º, 5º e 6º nas categorías mixtas de benxamín, alevín e infantil respectivamente. Despois de moito pospoñelo por mor da climatoloxía, quedounos unha bonita xornada na que disfrutamos da práctica deportiva e tamén da competición.

Antes de comezar tivemos que recoñecer o noso percorrido.

Primeiro fixemos un bo quencemento

Fixemos piña e charla motivacional antes de comezar

Turno para os de 3º e 4º!!!

E agora tócalles aos nenos e nenas de 5º e 6º!!

Pero tamén houbo tempo para repoñer forzas!!

Para o ano máis!!!

Como cada ano por estas datas, buscamos fomentar a práctica de xogos populares entre o noso alumnado. Nesta ocasión presentámoslles os birlos, a petanca, os trompos, as canicas, as chapas, os aros e a comba. 

Para o ano máis!

A comezos deste curso propuxémonos poñer un rocódromo horizontal nun patio do centro. Non foi un traballo doado, posto que había que limpar, deseñar e pintar a parede. Logo, tivemos que pedir autorizacións e presupostos para materializar todo o traballo previo. Despois de meses de moito traballo, por fin puidemos desfrutar do noso rocódromo, ben sexa durante o recreo e nas clases de E.F a través de diferentes retos. 

Que ben o pasamos!

Presentamos o resumo anual do proxecto Recreactiv@s, un proxecto gamificado que busca fomentar a alimentación saudable no horario lectivo. Por cada merenda saudable, os nenos/as van gañando puntos (gomets de cores asociados a cada alimento) e vendo o seu progreso ao longo dos meses e trimestres. Ao final de cada trimestre, aqueles alumnos/as con máis merendas saudables, verán recompensado o seu esforzo por medio dun agasallo. A entrega dos premios é o momento máis esperado, posto que se reparte material deportivo e de ocio para que poidan xogar no recreo e no seu tempo libre. 

Este curso houbo moita participación e, vemos como ano tras ano, o alumnado vai afianzando o hábito de traer alimentos saudables para as merendas do recreo.

Ademais, tamén levamos a cabo un programa de xogos, retos e competicións nos recreos do curso escolar. Cada día día da semana ían probando diferentes xogos, materiais de deportes en diferentes patios do centro, co obxectivo de incrementar o tempo de práctica motriz e a práctica de diferentes actividades deportivas.