O pasado xoves 16 de xuño, os alumnos/as de primaria puideron desfrutar dunha interesantísima carreira de orientación na Área recreativa de San Antoniño de Penalba. 

Despois dunha breve camiñada dende o colexio ata dito lugar, os nenos e nenas de cada clase (organizados por equipos), debían atopar unha serie de balizas marcadas no mapa para, unha vez atopadas, ter que superar probas e retos relacionados cas charlas sobre a inclusión que tiveron lugar no centro ao longo do curso. Así pois, debía correr, orientarse e respostar preguntas en equipo para superar o gran reto. 

Motivación non lles faltaba, posto que os primeiros en rematar a carreira levarían un premio grupal en forma de xogo ou pasatempo, que posteriormente compartirían con tódolos/as alumnos/as da clase.

Para o ano repetimos seguro!

Como vén sendo habitual cada curso, e como centro comprometido ca promoción de hábitos de vida saudables, dende a área de E.F puxemos en marcha "Recreactiv@s", un programa de promoción xogos populares e tradicionais en horario de recreo. Os nenos/as puideron desfrutar dende xogos populares e tradicionais, ata xogos alternativos pouco coñecidos. Cada trimestre fomos renovando a oferta de xogos, para que puidesen coñecer e practicar unha ampla variedade de actividades.

Como non podía ser doutro xeito, destacar a implicación e participación de todo o alumnado.

Para rematar o curso de xeito saudable, os alumnos/as de primaria participaron nunha xincana que levou por nome "O enigma saudable". Por grupos e cun mapa do centro, tiveron que traballar en equipo para atopar e superar os retos que se ían encontrando ao longo da xincana. En cada baliza debían superar un reto motriz, unha adiviña, un trabalinguas...para poder gañar unha letra e descifrar o enigma saudable antes ca os seus compañeiros/as.

Que ben o pasamos!!! Unha mañá de exercicio, aprendizaxe e traballo en equipo.

Enigma saudable de 1º e 2º: Exercicio e saúde

Enigma saudable de 3º e 4º: "Somos o que comemos"

Enigma saudable de 5º e 6º: Mens sana in...

...e para os equipos gañadores, houbo premio!!!

Ao longo do curso 2020-2021, e dentro do proxecto ECO-BiO-SON, o alumnado do centro participou no programa de merendas saudables "Tutti frutti". Este programa consistía en gañar gomets a cambio de traer merendas saudables para os recreos. Así, canto máis variada e saudable fose a merenda, máis posibilidades tiñan de gañar as insignias mensuais, correspondentes cos niveis supersaudable, hipersaudable e ultrasaudable. A acollida por parte do alumnado foi impresionante, pois cada día intentaban traer as receitas semanais propostas, variedade nas súas merendas e, sobre todo, concienciarse da importancia de alimentarse de xeito equilibrado, variado e saudable.

Unha vez rematado o curso, procedemos á entrega de premios a aqueles que máis participaron no programa. Aínda que participación do alumnado foi total, e todos/as levaron a "chapa ultrasaudable", houbo un grupo de alumnos/as de cada clase que mereceu un especial recoñecemento en forma de "agasallo saudable". 

Para o ano continuamos!!!

O pasado venres 4 de xuño, conmemoramos o Día Mundial do Medio ambiente ca realización dunha ruta de sendeirismo pola contorna do centro. Ao longo da mañá, as diferentes clases foron saíndo e seguinto os itinerarios establecidos previamente, ao tempo que realizaban actividades durante a ruta, como sacar fotografías de elementos do entorno, seguir un mapa ou localizar árbores e elementos patrimoniais durante ruta.

As rutas que realizaron por curso foron as seguintes:

• Infantil e 1º/2º: ruta circular pola contorna do campo de fútbol municipal. 2 kms aproximandamente.
• 3º e 4º: ruta circular e lineal pola contorna do campo e parte do río Meneses. 4-5 kms aproximadamente
• 5º e 6º: ruta circular polo río Maneses. 9 kms aproximandamente.

Ruta de infantil + 1º e 2º

Ruta de 3º e 4º 

Ruta de 5º e 6º

Bonita xornada na que fixemos exercicio, desfrutamos de boa compañía e da natureza que nos rodea.

Aínda que tódolos días son importantes para poñer en práctica hábitos saudables, os días 6 e 7 de abril teñen unha consideración especial dentro da vida do centro. Estamos a falar do Día Mundial da Actividade Física e do Día Mundial da Saúde, respectivamente; días nos que debemos poñer en valor e recordar a importancia de adoptar hábitos como a alimentación, o exercicio, a hixiene, o descanso e o benestar.

Os nenos e nenas de 3º, 4º, 5º e 6º, así como os mestres/as, van a darnos unha serie de consellos para mellorar a nosa calidade de vida. Tomade nota e comezade a aplicalos!

RECEITAS SAUDABLES PARA OS RECREOS

MES DE MARZO:

• COOKIES DE AVENA
• BISCOITO DE IOGUR
• MADALENAS DE LIMÓN E AMÉNDOAS

MES DE ABRIL:

• NOCILLA-NUTELLA SAUDABLE
• BISCOITO DE PLÁTANO
• BROWNIE SAUDABLE

MES DE MAIO:

• KIT KAT CASEIRO (1ª semana)
• PANINI CASEIRO (2ª semana)
• PATÉ DE MEXILLÓN E ATÚN (3ª semana)
• TORTIÑAS (3º semana)

MES DE XUÑO:

• Repetir as receitas anteriores que queiramos (todo o mes)

Podes consultar tódalas medidas no documento adxunto.

A principios do segundo trimestre iniciámonos na práctica de habilidade ximnásticas sinxelas, tales como: a voltereta cara adiante, o pino de cabeza invertido (ACI), o pino de brazos invertido (ABI) e o pino voltereta, entre outras habilidades. A correcta adquisición de ditas habilidades ía a axudarnos a afrontar o que se nos presentaría posteriormente: a realización de figuras co propio corpo en distintas posicións no espazo, é dicir, o Acrosport.

Tras coñecer as normas de seguridade, os agarres e os apoios, puxémonos mans a obra. Comezamos analizando as nosas posibilidades, estudando as figuras, posibles colocacións e as dificultades encontradas. Sen máis, comezamos a explorar!

O primeiro dos retos que se nos plantexou foi a figura sinxela por parellas...

Logo a cousa comezou a complicarse un pouco. A dificultade era maior, requería máis forza, equilibrio, coordinación, etc.

Nas seguintes sesións dedicámonos a explorar as figuras de tres compoñentes; máis difícil pero máis cabezas a pensar...

Como xa dominabamos bastante ben iso das figuras 3, pasamos ao seguinte nivel: as figuras de catro compoñentes. Aquí a comunicación e o traballo en equipo foi a clave do éxito!

Xa para rematar cas sesións prácticas, os distintos equipos crearon as súas propias figuras, facendo unha "pequena competición" cos seus compañeiros/as. O obxectivo era facer unha figura o máis orixinal e complexa (tamén segura) dentro das súas posibilidades. Algúns dos resultados foron os seguintes:

Como o alumnado quería saber como quedaran as fotos das figuras, plantexamos unha sesión na pizarra dixital na que o alumnado podía comentar os puntos débiles e fortes das súas creacións.

A modo de valoración final da unidade didáctica, podemos dicir que o acrosport resulta un contido moi motivante e innovador para o alumnado, ademais de ser un recurso no que se traballan multitude de habilidades, capacidades e valores.

O pasado venres 31 de xaneiro, cerramos a "Semana da Paz" coa práctica de deportes adaptados no pavillón. O obxectivo era que o alumnado vivenciara e coñecera algúns dos deportes que practican persoas con diversidade funcional. En concreto, plantexáronse deportes adaptados dirixidos a persoas con discapacidades motoras e sensoriais. Así, os alumnos de infantil, 1º e 2º, coñeceron as regras e o xogo do "Air-hockey" para discapacitados motores (tren inferior).

Nun segundo grupo, os compañeiros/as de 3º e 4º vivenciaron o "voleibol sentado", tamén adaptado a persoas con discapacidade motora. Nesta ocasión tiveron uns espectadores de luxo!

Finalmente, os nenos/as de 5º e 6º enfrontáronse nun partido de "Goal-ball", unha especie de fútbol adaptado a persoas invidentes. 

Interesante xornada de deportes adaptados, na que o alumnado puido tomar conciencia de que as persoas con diferentes discapacidades tamén poden disfrutar da práctica deportiva.