Como xa vos comentamos na anterior entrada, este ano temos catro novos compañeiros e compañeiras. DAVID, TIAGO, LAURA e MARCOS.

Nestes primeiros días, mentras os novos compañeiros e compañeiras exploraban a súa aula, entre todos, contámoslles todo o que se podía facer na nosa aula... e que mellor que o fixeran os "máis veteranos da aula".

Explicámoslles que podían disfrazarse e como tiñan que recoller os disfrazes despois.

Tamén como se podía xogar coas ferramentas, con algunha clase maxistral de como golpear forte co martelo.

A plastilina foi unha das cousas que máis lles gustou ós de tres anos, contámoslle os nosos trucos para empregar os rodillos e os moldes. De seguido deron co conto.

Tamén lles contamos como facer churros e bolas de plastilina "enormes"... de seguro que quedaron impresionados.

Escribir no encerado foi outro dos grandes descubrimentos para os máis pequenos.

Ensinámoslles todo o que podían atopar no recanto de infantil da web do colexio, empregando o ordenador da aula.

Tamén  xogamos xuntos con diferentes xogos simbólicos. Algúns compartiron experiencias na cociña...

Mentras outros se convertían en médicos dun hospital.

E por suposto, todos probaron a meterse dentro da casiña, para arreglala con ferramentas ou deixar voar a imaxinación :)

Tamén tivemos as nosas primeiras asambleas, limos algún conto, pero sobre todo adicamos o tempo a coñecernos, e a integrar no grupo ós novos compañeiros e compañeiras.

Xa vos iremos contando todo o que vaian dando de si estas primeiras semanas de curso.