Como regalo do día da nai, que tiñamos marcado no calendario, falamos que fariamos un bote feito con barro.

O primeiro foi anotar todo o que iamos necesitar por se tiñamos que mercalo ou buscalo no almacén.

Por equipos encargámonos de escribir unha lista das cousas que iamos necesitar.

 

Pegamos a lista no encerado para que "tela sempre a man".

 

 

Antes de comezar era moi importante abotoar ben o mandilón, para non mancharnos moito co barro.

 

Puxémonos mans á obra, ademáis ese día estaba tamén a profe Vane na clase e pudo axudarnos un pouquiño.

 

Cando rematamos puxémolos a secar, seguro que tardaria uns días en estar listo.

 

Días despois, cando xa estaban secos, cada quen decidiu como quería pintar o seu bote. 

E outra vez, tiveron que quedar secando no chan.

 

Cando xa estiveron secos, organizámolos e fixemos unha tarxetiña co noso nome para poñerlle diante e non confundilos uns cos outros.

 

Chegou o momento de decoralo con gomets pola parte de arriba.

 

 

Tan só quedaba envolvelo e que parecese un regalo. escollemos a cor que queriamos para o noso regalo (vermella ou azul).

 

 

Fixemos unha bola de periódico para meterlle dentro e que non rompese polo camiño.

 

Logo puxémoslle o celofán da cor que cada quen elexiu e atámoslle un laciño.

 

Cando o tiñamos listo fómolos colocando onde estaba a tarxetiña co noso nome.

 

Tan só quedaba escribir unha tarxeta de felicitación en cor laranxa e pegarlla no regalo.

 

Xa estaban listos para levar á casa, con moito coidadiño porque se caían ó chan podían romper.