Como o xoves iamos participar nunhas actividades organizadas polas Dirección Xeral de Tráfico, sobre educación vial, e iamos necesitar bicicletas, triciclos, patinetes e sobre todo cascos, fómolos traendo e xuntando na clase.

Para logo poder recollelos puxémoslle o noso nome en cada cousa que trouxéramos.

Algúns trouxemos máis de un vehículo, para poder compartilo cos demáis.

Logramos xuntar unha chea deles.

Cando chegou o día das actividades, viñeron á nosa aula Elena e un Guarda Civil que nos contaron cousas moi interesantes sobre a seguirdade vial. 

Miramos unhas películas sobre como cruzar as rúas, como ír co cinturón no autobús e no coche e sobre os riscos de non ir polas veirarúas da man dunha persoa adulta.

Podes un dos contos que miramos AQUÍ

Lembrade que cando vaiamos pola veirarúa da man dun adulto, temos que ir sempre pola parte de dentro para evitar os perigos. Así no-lo contou Elena.

Tamén lembramos o que significaban as cores vermella e verde dos semáforos facendo unha dramatización, axudados polo Guarda Civil.

Logo construimos coches, autobuses e semáforos.

E fixemos unhas follas sobre todo que aprendimos antes.

Despois do recreo, chegou o momento de baixar os nosos vehículos ó pavillón, onde había unha sorpresa preparada.

Como eramos moitos, pois estaban tamén os compañeiros e compañeiras da escola de Cerdeiras, fixemos dous grupos: mentras uns ían facer o circuito os demáis estarían vendo o coche da Guarda Civil. Logo intercambiariamos os turnos.

No pavillón había un circuito con carrís, semáforos que funcionaban de verdade, sinais e ata un paso de cebra.

Estivemos circulando polo circuito respectando as sinais, segundo nos ían explicando.

Tiñamos que deternos cando o semáforo para os vehículos estaba en vermello, nese momento podían cruzar os peatóns.

Tamén puidemos ver o que había dentro dun coche da Guarda Civil: tiñan sinais enrolladas e unha cinta que se usa para marcar zonas perigosas. Déronnos para levar para casa un pedazo desa cinta.

Tamén pasamos "o control de alcohlemia"... había que abrir a boquilla, metela nuna aparato especial e soprar moi forte.

Tamén nos deixaron montar no coche, e ata algún puido poñer a gorra do Guarda Civil e escoitar o que dicían pola radio que tiña dentro.

Tamén tiña luces e unha sereas que facían moitísimo ruido.

Cando rematamos tivemos que levar de novo os nosos vehículos para clase, porque xa chegara a hora de marchar e de levalos para casa.