COMUNIDADE EDUCATIVA

Os Vagalumes de 1ºC levan un curso ensaiando a obra

de teatro escollida, será "Os Ratos" de Carlos Labraña,

pero realizarán unha adaptación que leva por nome 

"Os gaiteiros de Hamelín". Durante algunhas semanas os

grupos interactivos xiraron ao redor do atrezzo de teatro,

en cada mesa un adulto con tres ou catro raparigos ou

raparigas foi facendo pequenos complementos que levarán

no seu traxe ou decoración para o escenario.

Xa case teñen todo rematado e, en breves, poderedes ver a

súa actuación. Esta é unha mostra do traballo

artístico nos grupos interactivos.

A tarde do xoves foi unha tarde de convivencia para toda

a comunidade educativa da escola. Paco Veiga, Zeltia Labraña,

Antón Cortizas e a Asociación do Xogo Tradicional Galego de Melide

agasalláronnos cunha xornada de xogos e a posterior presentación

do seu libro: Xogos tradicionais galegos para tempos de recollida.

Xogamos moito e tamén conversamos da necesidade de recuperar

na vida diaria o xogo tradicional.

Podedes baixar no Play Store do móbil, a súa app dos Xogos Tradicionais Galegos,

onde irán engadindo xogos. Na biblioteca xa podedes ler o seu libro

ou mercalo nas librerías da vila.

Así mesmo, podedes ver a súa web do Observatorio do Patrimonio Lúdico Galego,

onde atoparedes unha morea de recursos para o xogo.

Agradecer aos autores/a e á AGXPT por semellante xornada!

Ogallá todas foran así e as crianzas recuperasen espazos e xogos.

O 26 de maio ás 28:00 horas na Biblioteca Escolar "Carlos Labraña"

Aberto a tódolos públicos. Achégate!

Unha experiencia de vida!

Algunhas das xornadas dos grupos interactivos estiveron

adicadas ao proxecto da flora e da fauna. O alumnado co

acompañamento das familias, profundizou na lectura c

omprensiva da información que aporta o  Álbum de Flora e Fauna,

ollaron as fotografías de Rafael Loureiro (Calel) que foron de gran

axuda para colorear e nomear os debuxos para o Libro que eles están

realizando, ordenaron fases do crecemento da planta e da ra,

traballaron no caderno de campo... e namentres tamén se

fixeron máis ricos, coas aportacións dos adultos e dos seus

compañeiros e compañeiras. Está claro que a unha sesión de

interactivos, nunca se sae como se entra.

Moitos parabéns á rapazada e a toda a comunidade educativa implicada!

Resultamos premiados no programa, Cartas que vencen cancelas,

presentado ao V Concurso de Podcast de Radio na bilblio,

da Asesoría de Bibliotecas Escolares en colaboración coa

CRTVG (Radio Galega).

Pero isto non foi só un programa, detrás das voces deste rapaciños

e rapaciñas, hai un proxecto. Comezaron documentándose na biblioteca,

convidaron ás familias a participar, descobreron que "A miña burriña" era

a canción preferida de Francisco Fernández del Riego (a aprenderon e a cantaron),

quixeron imitar o seu bo facer e fixeron unha crítica constructiva da vila,

buscando solucións e redactando epístolas aos diferentes organismos que podían axudalos.

Ilustraron a Del Riego e comezaron a labor escrita da escaleta para rematar coas gravacións.

Un proxecto, que continuou despois destas gravacións, mantendo entrevistas

con quen pode axudar a que as solucións da rapazada sexa unha realidade.

Canto nos da a radio! Parabéns rapazada!

Aquí o seu podcast, Cartas que vencen cancelas!

  Os podcasts seleccionados serán difundidos pola Radio Galega

a través da  páxina do Diario Cultural; así mesmo, serán difundidos

a través dos medios web da Consellería de Cultura, Educación,

Formación Profesional e Universidades. 

A comunidade educativa do Nicolás estamos de parabéns!

O programa, Cartas que vencen cancelas, presentado ao

V Concurso de Podcast de Radio na bilblio, da Asesoría de

Bibliotecas Escolares en colaboración coa CRTVG (Radio Galega),

resultou gañador na convocatoria.

A proposta está vinculada á celebración do Día das Letras Galegas,

dedicado este ano  ao intelectual, escritor, activista político e cultural,

articulista, editor e ensaísta Francisco Fernández del Riego.

En breves poderemos escoitar o podcast na Radio Galega a través

da  páxina do Diario Cultural; así mesmo, serán difundidos a través

dos medios web da Consellería de Cultura, Educación, Formación

Profesional e Universidades; e por suposto,

no blog da biblioteca escolar e nas súas redes.

Alicia Freire Vera e o alumnado voluntario da

Biblioteca Escolar "Carlos Labraña" teñen o pracer

de convidarvos á estrea de Navegantes.

Iniciamos Abril coa II Ruta Interxeneracional,

enmarcada no proxecto "Aprendendo, naturalmente!".

Convocamos a toda a comunidade educativa e calquera

outra persoa que desexou unirse. O tempo estaba algo nuboso

e caían unhas pequenas gotas de choiva. Pero tíñamos diante a

dous naturalistas, unhas eminencias, Antonio Martínez Pernas

e Rafael López Loureiro, votamos comezar a andaina,

non se podía desaproveitar a ocasión. Incluso comentouse que con

ese tempo, veríamos cousas que igual non se ollan nun día de sol.

Eles fixeran esa ruta unha semana antes e dixeran

que aínda reinaba a invernía na Fraga dos Casás.

Con paraugas e chuvasqueiros adentrámonos por unha senda de eucaliptos,

pasamos un pinar, para descobrer despois dun pedazo o que detrás se agochaba,

unha fermosa Fraga, que en tan só unha semana comezou a florecer.

Observamos a mapoula das fragas, Anemone,  súa saída indica o inicio da primavera.

Ollamos espárragos, castiñeiros... unha fraga limpa e verde.

Conversamos do uso que tivo noutros tempos, dos carboeiros

que recollían a madeira e a enterraban para queimar e converter en carbón natural,

a fraga non estaba soa naqueles tempos, senón que a xente realizaba moitas labores nela.

Hoxe eses coidados teñen que basearse en non intervir nela,

non levar nin traer especies, usar as sendas, mirar onde pisamos e ollar con atención.

Facer que permanezan. Esta é unha pequena mostra da Ruta da Fraga dos Casás.

Antonio Martínez Pernas identificou correctamente unha orquidea galega:

Ophrys kallaikia que era confundida por outra.

Podedes consultar o estudo con profundidade, clicando no nome científico.

Foi unha oportunidade marabillosa para conversar e resolver dúbidas,

in situ, con dous naturalistas estupendos!

Moitas gracias por espallar a vosa sabiduría!

O vindeiro 18 de Maio teremos a sorte de gozar dun obradoiro de Xogos Tradicionais,

tanto para a rapazada como para os adultos. Pois o xogo non ten idade!

Diso saben moito as persoas que nos acompañarán: Antón Cortizas,

Paco Veiga e Zeltia Labraña; autores de "Xogos tradicionais galegos para

tempos de recollida" (elaborado durante o confinamento).

Se queres participar tes que cubrir o formulario ou apuntarte na escola,

antes do 12 de Maio. Comezaremos ás 17:30h. ata as 19:00h cos xogos

para tódolas idades e públicos e remataremos coa presentación do seu libro.

 Anímate a participar! Esta é unha actividade para toda a comunidade!

Convidamos a toda a veciñanza e á comunidade educativa á II Ruta Interxeneracional

(calquera persoa de calquera idade) pola Fraga dos Casás.

Nela, Toñito do Barqueiro - Antonio Martínez Pernas, ofertará

unha documentación sobre especies da nosa contorna.

Recoméndase traer cámara fotográfica e prismáticos

(en caso de ter) e a rapazada un caderno de campo.

Podedes visitar o seu blog: Cousas do Norte

Nesta ocasión o lugar de encontro será a Pizzeria "O Tropezón",

pero logo iremos un pedaciño en coche ata preto da Fraga,

onde aparcaremos e xa visitaremos andando.

Este roteiro pertence ao proxecto "Aprendendo, naturalmente!",

esta é unha das actividades voluntarias fóra do horario escolar.

A xornada de bimbio amosou o verdadeiro poder da arte.

O alumnado dirixido por Geraldine Jones e coa guía e acompañamento

dos axudantes da artista e das mestras, foron quen de dominar o material

para convertelo en fermosas estrelas, que logo adobiaron con cintas brancas

e azuis, as de  Galicia e de Rosalía. Non esqueceron, non, realizar uns recitados

 de poesía para celebrar o seu día, o seu nacemento.

Agradecer a Geraldine Jones e  Lugares Comúns este fermoso obradoiro.

Este 4 de febreiro, convocada a comunidade educativa e a veciñanza,

tivemos o pracer de aprender paseando e escoitando nun entorno fermoso,

o da praia da Madalena e cun día que nos ofreceu a súa mellor luz.

Rafael López Loureiro e Álvaro Pérez Pérez amosáronnos moito máis do que contábamos ver.

Non era que esas plantas, aves, cunchas ou pisadas non estivesen antes,

é que moitas veces a nosa actitude non nos permite ollar como

se merece o mundo natural que nos arrodea.

Durante o percorrido, Álvaro e Calel foron sementando a ansia por facer medrar

o noso espírito naturalista e medio ambiental. Unha abundante rapazada cos seus

cadernos de campo (ferramenta básica) recolleu nomes científicos

e datos que ilustrou con debuxiños. Un orgullo de pequenas e pequenos naturalistas! 

Observamos e fotografamos plantas invasoras, falamos do vendabal e do noroeste, da paisaxe dunar,

dos loureiros, ollamos as dúas primeiras flores do inverno, saudounos unha garza, un bilurico bailón

aledounos co seu incesante movemento e vimos o susto dunha águia peixeira

ás  gaivotas que descansaban na ría. Puidemos admirar o eider común  que dende

hai cinco anos vén pasar o inverno a Cedeira, unha das marabillas da ría e ollamos

felgos que levan sobrevivindo 33 millóns de anos…falamos da Macaronesia.

De certo aprendemos!

Pero os nosos expertos incidiron en que o máis importante é o respecto e o coidado. 

Nun espazo no que convivimos todos habemos permitir que cada un teña o seu lugar

e o seu dereito a vivir, ollando e respectando sempre, sen coller as floriñas que teñen o seu

dereito a vivir ou sen espantar aos animais que descansan na nosa ría durante as súas longas viaxes.

Rafael Lòpez Loureiro, dende o seu blogue “Ao noroeste do noroeste” ten aberta a proposta de adicar

o día 9 de marzo (data do natalicio do Padre Martín Sarmiento) ao naturalismo galego,

proposta á que nos  adherimos nós tamén e que habemos celebrar como se merece:

APRENDENDO, NATURALMENTE!

Buscamos das vosas aportacións! Avoas, avós, tíos, madriñas,

tías, padriños, veciña, veciño, papá, mamá, curmá...

Se sabes outro nome polo que corran estas aves e paxaros,

algún dito sobre elas, algún refrán... colle un papel, apunta e

traeno á BIBLIOTECA ESCOLAR "CARLOS LABRAÑA",

no CEIP NICOLÁS DEL RÍO. Se non podes vir nas redes tamén

podes escribir, contesta no Facebook ou no Twitter da

biblioteca e recolleremos a túa aportación.

Chema do Couzadoiro e Karen Leimdorfer,

da Asociación Lugares Comúns, ensínannos a importancia

de gardar as sementes das nosas hortas, a realizar uninxerto e

convídannos ao próximo intercambio de sementes na nosa vila!

Canto aprendemos!

Convidamos a toda a veciñanza e á comunidade educativa á I Ruta Interxeneracional

(calquera persoa de calquera idade) pola Praia da Madalena.

En ela, Rafael López Loureiro e Álvaro Pérez Pérez, ofertarán

unha documentación sobre especies da nosa contorna.

Recoméndase traer cámara fotográfica e prismáticos

(en caso de ter) e a rapazada un caderno de campo.

Este roteiro pertence ao proxecto "Aprendendo, naturalmente!",

esta é unha das actividades voluntarias fóra do horario escolar.

Unha instalaciónción para que a infancia poña palabras aos seus

sentimentos, unha provocación para non deixar a ninguén indiferente.

Provocación que parte da lectura e escoita do libro de Fabiana Ottaviani

e  Cristina Petit e ao que o alumnado de primeiro pon voz.

Coa intención incitar, estimular, suscitar, mover, desafiar... e non deixar a

ninguén sen palabras a biblioteca abre un espazo de arte, cultura e xogo para

toda a comunidade educativa, que xunta crea, xoga, escribe e inventa novos relatos.

Grazas por encher a biblioteca de palabras!