COMUNIDADE EDUCATIVA

O pasado 8 de xuño celebramos a segunda xornada da Biblioteca Humana.

Tivemos o pracer de escoitar tres títulos fermosos da voz das súas autoras.

Historias que perdurarán en audio, no noso catálogo Meiga,

para escoitar sempre que se desexe.

A palabra foi a protagonista da data, pero tamén o que

ela teceu, pois unha manchea de rapazada grande e pequena e xente da vila que tivo

o interese de escoitar achegouse e entre libro e libro, as verbas crearon redes.

Estas redes para todas e todos, pero en especial para a rapazada miúda ten un valor

moi especial. Son os lazos de pertenza, de identidade, de cariño e agarimo.

Agradecer a Rebeca León Graña, Ánxela Lema París

e Ermitas García Rios todas e cada unha desas verbas.

Este venres o alumnado de 4º C representará "As Bruxas",

unha adaptación do conto de Roald Dahl. En dous pases no Auditorio

de Cedeira amosarán o traballo dun ano. Un traballo feito enteiramente

por eles: decorados, encargaranse do son... e coa colaboración

das familias para os disfraces.

Os inicios comezaron coa lectura do libro e

onte mesmo así estaban na biblioteca.

Moita merda rapazada!!

O mércores 8 e o xoves 9 de xuño escolle un libro e apúntate no 615143625,

mandando unha mensaxe de Whatsapp poñendo o teu

nome e apelido e o libro que queres ler/escoitar.

Aberto a tódolos públicos. Non perdas a ocasión!

Cada libro dura uns 15 minutos e logo terás uns 5 minutos para preguntar e conversar.

Cantas veces tiveches a posibilidade de conversar co seu autor/a?

Desta volta será na Biblioteca Escolar Punta Candieira, no Ies.

O venres 3 de xuño o alumnado de 2º de primaria representou

"Mares de Cedeira" unha obra inédita de Carlos Labraña.

Realizada con especial agarimo durante o curso escolar,

un texto que foi revisado e corrixido en diversas reunións e

tendo en conta a voz da rapazada. Ese pracer e bo facer, non é algo habitual.

Infinitamente agradecidos a Carlos Labraña por permitirnos mergullarnos no

seu mundo creativo. A toda a rapazada, profesorado, familias e xente da vila

que arroupou a obra e aos seus protagonistas. A Andy Brañas e Pili por encargarse

da fotografía. Á biblioteca por ser espazo de ensaio, aínda que non foi o único,

pois patios e aula de teatro tamén o foron.

E posteriormente chegaron os ensaios no Auditorio, gracias Quique Vázquez.

Non hai verbas para felicitar ás actrices e actores, son inmensas e inmensos.

Só recordar, que hai un gran traballo detrás. Moita organización, dramatización,

ensaios, conversas, resolucións de conflictos... días mellores e días peores, hai vida.

O proceso é espectacular, iniciaron de cero e remataron a mil!

Parabéns rapazada!!

Unhas fotografías, mostra dunha das invitacións (todas diferentes e con debuxos do

alumnado) e o tríptico realizado para a data. Pois hai que engadir, que todo está feito

polas nenas e nenos: atrezzo, invitacións, disfraces... Un gran proxecto!!

"Un mar de vida... e morte" de Raúl Nebril.

O seu mundo é o mar. Viviuno dende moitas ópticas. Viviu del e tamén para el.

E hoxe traballa por mirar dos que están no mar, de salvalos cando as

inclemencias e adversidades dun mundo tan difícil poden custarche non voltar a velo.

O 9 de xuño ás 12h na Biblio do IES.

Apúntate! Aberto a tódolos públicos.

Manda unha mensaxe de whatsapp ao 615143625,

pon o título do libro que queres ler e o teu nome e apelido.

Que carallo fago eu aquí? de Andy Brañas.

Ser sempre o que quixen.

Ás veces non estás onde debes pero o camiño faise andando

e se persegues os teus soños sempre están agardando aí por ti.

E conséguense. Abofé que si.

O día 9 de xuño ás 10h na Biblio do IES.

Apúntate! Aberto a tódolos públicos.

Manda unha mensaxe de whatsapp ao 615143625,

pon o título do libro que queres ler e o teu nome e apelido.

Durante 15 minutos escoitarás a historia dun libro humano,

posteriormente terás 5 minutos para preguntar.

Ler persoas en vez de libros.

Apúntate! Aberto a tódolos públicos.

Manda unha mensaxe de whatsapp ao 615143625,

pon o título do libro que queres ler e o teu nome e apelido.

Coa voz da rapazada do Ies presentamos a terceira xornada da Biblioteca Humana.

Libros contados dende a cercanía e a intimidade.

Esta vez vémonos na Biblioteca Escolar Punta Candieira o mércores 9 de xuño.

Por que as Bibliotecas son e deben ser tan fundamentais para

a formación integral das persoas. Abandonamos xa hai tempo

a idea das Bibliotecas como espazos elitistas e herméticos.

Hoxe en día son lugares de creación, motivación, xogo e experimentación.

Ermitas contaranos a súa experiencia en Suíza.

O día 8 de xuño ás 12h na Biblio do IES.

Un avó no mundo do mar ó que lle chamaban París.

Unha experiencia vital traballando en París como profesora

de galego na Universidade. Está claro que esta cidade representa

moito na vida deste libro humano.

Cóntanos Ánxela…temos moitas gañas de saber.

O día 8 de xuño ás 11h na Biblio do IES.

O Servizo de Voluntariado Europeo promove dende hai anos que persoas

de diferentes orixes e culturas se reúnan, coa finalidade de realizar un

proxecto de interese comunitario, no ámbito social, medioambiental ou

cultural, como fundamento para construír unha sociedade máis solidaria e inclusiva.

Rebeca daranos a súa visión sobre a súa experiencia en Italia.

O día 8 de xuño ás 10h na Biblio do IES.

Durante 15 minutos escoitarás a historia dun libro humano,

posteriormente terás 5 minutos para preguntar.

Ler persoas en vez de libros!

Coa voz da rapazada do Ies presentamos a segunda xornada da Biblioteca Humana.

Libros contados dende a cercanía e a intimidade.

Esta vez vémonos na Biblioteca Escolar Punta Candieira o mércores 8 de xuño.

O pasado 23 de maio celebramos a primeira xornada da Biblioteca Humana.

Tivemos o pracer de escoitar catro títulos marabillosos da voz dos seus autores e autoras.

Historias que perdurarán en audio, no noso catálogo, para cando quen queira

decida collelas e escoitalas. A palabra foi a protagonista da data, pero tamén o que

ela teceu, pois unha manchea de rapazada grande e pequena e xente da vila que tivo

o interese de escoitar achegouse e entre libro e libro, as verbas crearon redes.

Estas redes para todas e todos, pero en especial para a rapazada miúda ten un valor

moi especial. Son os lazos de pertenza, de identidade, de cariño e agarimo.

Agradecer a Carlos Labraña, Fabiana Feijóo, Bibiana Córdoba

e Jose de Vigo todas e cada unha desas verbas.

Chegou o día! Xa podemos escoitar e difundir o podcast "Poemas Crioulos".

Queremos celebrar con toda a comunidade educativa este premio

e agradecer a súa colaboración. Todas/os e cada un/unha somos

importante e todos temos algo que aportar.

Gozade do podcast!

Moitos parabéns!!

 

CLICA AQUÍ

 

 

 

 

 

 

 

Durante 15 minutos escoitarás a historia dun libro humano,

posteriormente terás 5 minutos para preguntar.

Ler persoas en vez de libros!

Sara, Olivia, Marina, Ailin, Miranda e Elena realizan un anuncio na Radio Experimental.

Preséntannos as autoras e autores, títulos e sinópse dos nosos

libros humanos para o 23 de maio en xornada de mañá.