NOVEMBRO: MES DA CIENCIA EN GALEGO
Novembro é, sen dúbida, un mes especial. Comeza tralos sustos do Samaín, vén cargado de castañas, noces, e outros froitos de outono, fai que quentemos as nosas mans nos magostos e deixa paso ao mes do Nadal. Todos estes motivos darían para festexar pero... é que, ademais de todo isto, novembro é o mes da ciencia en galego. Convidámosvos a coñecer a dúas científicas moi xeitosas que están desexando converter a todas e todos os peques de Salceda en novos investigadores. Vos animades?
