blog da biblioteca

O pasado xoves 25 de abril tivemos unha actividade moi especial nas aulas de Esfarrapada. As voluntarias da biblioteca escolar do CEP Altamira acudiron ao noso cole a dramatizar uns contos para o noso alumnado.

As aulas de 4º de EI disfruraton do conto "Monstruo rosa" e os de 5º e 6º "El niño que no quería ser azul, la niña que no quería ser rosa".

Moitas grazas as nenas que organizaron, prepararon e dramatizaron estes contos, con toda a súa ilusión, para nós e as compañeiras do Equipo da Biblioteca escolar do CEP Altamira.

O día 23 de Abril conmemórase o Día do Libro, para tal ocasión a ANPA As Landras organizou un roteiro literario baseado nos debuxos do Xabarín CRA. Foron dúas xornadas que o alumnado disfrutou moitísimo, atopando no camiño diferentes personaxes de debuxos e axudándoos nas probas que nos tiñan preparadas.

 Grazas as nais e pais da ANPA que fixeron posible esta actividade tan divertida.

 Neste vídeo tedes unha pequena mostra do ben que o pasamos

 O Equipo da Biblioteca Escolar

Os libros son unha ferramenta didáctica imprescindible para desenvolver a empatía nos nenos e nenas. Teñen o poder de abrir a mente e tocar o corazón dos nenos, ao tempo que os educan en valores para evitar o acoso escolar. Os libros presentan tramas e personaxes cos que te podes identificar, aprender a recoñecer diferentes tipos de acoso e saber loitar contra estas situacións.

A continuación deixámosvos algunhas das nosas recomendacións de lectura.

Para conmemorar o día da literatura infantil escollemos o conto "Non é unha caixa" de Antoinette Portis, no que o protagonista descubriranos como unha caixa pode chegar a ser todo o que permita a nosa imaxinación.

Esperamos que vos guste

7 de abril - Día da saúde

O próximo 7 de abril celébrase o día mundial da saúde. O tema deste ano é "A miña saúde o meu direito". Dende o cole propómosvos celebralo facendo unha receita moi saudable e fácil. 

NA SEMANA DA PRENSA (ENTRE O 4 E O 8 DE MARZO) REALIZAMOS UNHA ACTIVIDADE EN CONXUNTO CO IES PEDRAS RUBIAS. A ACTIVIDADE CONSISTÍA NUN INTERCAMBIO DE POSTAIS ELABORADAS CON ELEMENTOS DE XORNAL (PALABRAS, DEBUXOS, COLLAGE...). ESTE FOI O RESULTADO.

POSTAIS FEITAS POLO ALUMNADO DO CRA RAÍÑA ARAGONTA

POSTAIS FEITAS POLO IES PEDRAS RUBIAS

RESUMO ACTIVIDADE

O 2 de abril celébrase o DÍA INTERNACIONAL DO LIBRO INFANTIL E XUVENIL, coincidindo co nacemento do escritor danés Hans Christian Andersen. O obxectivo desta conmemoración é espertar o interese e o amor polos libros entre os máis novos e promover o bo libro infantil.

Desde a biblioteca do centro seleccionamos algúns dos escritores e ilustradores máis representativos da literatura infantil. E o alumnado da aula de 5 ANOS A, tamén nos deixan unhas recomendacións lectoras para que poidamos celebrar este día tan especial cunha boa lectura.

Esperamos que vos gusten!!

NESTE SEGUNDO TRIMESTRE, TÓDALAS AULAS DO CRA RAÍÑA ARAGONTA TRABALLARON UN MONTÓN NA CREACIÓN DE ESCENARIOS E PERSONAXES. POSTERIORMENTE, REALIZAREMOS A NOSA PROPIA CURTAMETRAXE DA HISTORIA DE ARA (NOVA PROTAGONISTA DA BIBLIOTECA NESTE CURSO 2023/2024).

GRAZAS A TODO O ALUMNADO E MESTRAS/ES DO COLE!

AQUÍ ESTÁN OS RESULTADOS: