Picoña

Durante este mes fixemos moitas cousas e para mostra...

Que tal familias!

Outro mes mais que estamos pasando por aquí, para contarvos algunha cousiña das que pasan na nosa escola.

E a cousa que nos apetece contar desta volta, é que pr fin estreamos a nosa horta!!!

Tivemos que traballar moitísimo. Preparala terra, cortar os cadradiños do plástico, escoller que era o que queriamos plantar...

Ao final decidímonos por pementos, tomates, calabacíns, berenxenas e leitugas. A ver se nacen prontiño!!

Esperamos poder probar todo antes de marchar de vacacións.

"O XARDÍN DOS ANIMAIS"

Que hai familias?

Novo mes, e nova publicación. O mes de marzo foi un mes intenso, pero del... creo que nos quedamos con dúas cousas.

Por un lado, celebrámolo mes da muller, e como estamos aprendendo moitas cousas sobre arte, coñecemos a distintas mulleres referentes nas diferentes disciplinas artísticas.

Da man de Olga de Dios achegámonos á literatura e á ilustración. E intentamos crear as nosas propias personaxes de conto.

Con Louise Bourgeois coñecemos a escultura. Fíxonos moita gracia que a esta muller a chamaran "a muller araña" coma se de spiderman se tratase. E por suposto... emulamos as súas famosas "Maman"

Impresionámonos moitísimo co ballet clásico de Tamara Rojo, e evidentemente puxemos moitísimo empeño en bailar coma ela.

E estas son solo algunhas das mulleres que entraron na nosa aula, para achegarnos un pouco máis de arte. Pero resulta que neste mes, tamén se celebraba a semana da prensa, e grazas ás vosas achegas, conseguimos moitísimos xornais!! Sodes impresionantes familias.

Con estes xornais, ademais de valernos para buscar mulleres neles e ver porque saían neles, tamén xogamos. Xogamos moitiiiiiiiisimo con eles.

E ata aquí o noso mes de Marzo. En nada estaremos de vacacións de Semana Santa, recargando pilas e repoñendo ideas para seguir desfrutando todos xuntos mentres aprendemos moito.

Saúdos!!

Boas familias!!

Outro mes que xa case se nos vai, e con el vaise o Entroido tamén aínda que nos dea mágoa. Pero por aquí, estamos ben satisfeitos do moitísimo que o desfrutamos.

Xa comezando polo gran baúl de disfraces que conseguimos con toda a vosa colaboración. Encantounos, e aínda nos segue encantando... non vos extrañe que tarden un pouco as cousas en volver á casa.

Pero sen dúbida, o máis divertido que nos pasou nestas datas, foi que por fin nos visitaron os compis e as compas de Barreiro. Estabamos desexando recibir a súa visita. E non vexades o ben que nolo montamos!!!!

Fixemos filloas...

Tamén estivemos decorando as nosas propias caras, e non vexades o artistas que estamos feitos e feitas!!

E para rematar un día tan xenial, non vexades menuda sorpresa que nos tiñan preparadas as profes!!

E por último, os chicos e chicas de Barreiro, xunto coa súa profe, nos trouxeron un regalo. A ver se pronto, todo sae ben e vos podemos desvelar que son... jijiji

Queremos darlle moitísimas grazas a todas as profes que nos axudaron nun día tan intenso: Sara, Patri, Lara...

E bueno... vai sendo hora de despedirnos... pero non sen ensinarvos o guapíiiiisimo que iamos no desfile, por se alguén non o puido ver.

Pero tamén temos que comunicar unha triste noticia... a profe Lara tivo que volver ao seu cole de maiores, e xa non está connosco no cole... Profe Lara eres xenial!! Estrañarémoste moitísimo!! Volve pronto!!!

Ola familias!!

Arrincamos o trimestre con moito arte, como era de esperar, e é que estamos a coñecer a Yayoi Kusama unha artista de Xapón, que nos ten... loquiños!!

Comezamos vendo algún vídeo sobre a súa vida para coñecer un pouquiño sobre ela. E como era inevitable, a súa obra encantounos, polo que comezamos a buscar pola clase cousas que tivesen forma circular.

Despois estivemos varios días repasando e recortando círculos para preparar a nosa "habitación infinita".

E para repatar decoramos este novo recuncho, que forma parte dos nosos xogos.

Para rematar de decorar este espazo, tamén estivemos experimentando cos círculos sobre globos... menudo medo tiñamos a que explotasen!! E bueno... algún dos globos non chegou ao seu destino, pero volvémolo a intentar con moito coidadiño.

E para rematar, e que non se nos esqueza nada, imos recollendo pouco a pouco, algunhas das cousas que imos aprendendo.

Esperamos que vos teña gustado coñecer as nosas pequenas experiencias. Estaremos por aquí de volta o mes que ven!!

Boas familias!

Aquí estamos de novo, con algunha das actividades que fixemos ao longo do mes de Novembro. Coma podedes ver no título, Novembro, foi o mes da ciencia en galego. E Fedella e Artella, dúas coelliñas moi simpáticas, foron as encargadas de contárnolo. Podedes ver o seu vídeo no blogue da biblioteca. Premede aquí. 

Despois de ver o seu vídeo, decidimos que queriamos probar un dos seus experimentos, e intentamos facer esas eirugas tan simpáticas. Pero isto, non fixo máis que comezar. Entráronnos moitas ganas de facer experimentos e indagar con distintos materiais, así que as profes tivéronse que por as pilas para traernos máis cousas que facer. 

Os vasos comunicantes, máis que ciencia parecéronnos maxia. Como podía ser que a auga pasase  dun vaso a outro sen nada mais que unha palliña??

Con este experimentos encantounos descubrir o arco iris que se ía formando. Sorprendeunos que coa auga si que pasara e co leite non. Pero o que máis, máis, máis nos gustou... foi comer os lacasitos que nos sobraron, jajaja.

Este experimento da "Masa Non Newtoniana" si que nos encantou!! Xa sabedes que emporcar é o noso "deporte preferido", así que habendo que amasar e mancharse ben o éxito estaba asegurado. E sorprendémonos un montón cando comprobamos que mentre apretábamos a masa era como plastilina; pero que cando a deixábamos quieta derretíase e parecia como auga.

Pero sorprendente de verdade, foi cando inflamos un globo con vinagre e bicarbonato. Xa o pasamos ben enchendo o globo, a botella e demais preparativos, pero cando vimos o resultado... menudas caras de sorpresa!!

E con isto, demos por rematado o mes de Novembro e a ciencia. Chega o Nadal, e estamos traballando moitísimo, para darvos moitas sorpresas. Volvémonos a ler na publicación de Xaneiro.

Un sáudo a todas e todos e boas festas!!

Boas familias!! que tal estades??

Nos a verdade é que estupendamente. Esta semana o pasamos fenomenal!! O xoves celebrámolo Magosto, e os compañeiros e compañeiras de Barreiro invitáronnos a pasalo con eles na súa escola; así que en seguida nos puxemos mans á obra, para prepararlles un regaliño.

Despois de pintar as castañas e as follas para decorar os castañeiros que lles queriamos regalar aos compis de Barreiro, tivemos que porlle os nomes, para saber de quen era cada un.

Ao chegar a Barreiro fixemos un xogo para aprendernos todos os nomes, e así saber a quen lle fixeramos o regalo cada un, jajaja.

Tamén preparamos uns choripáns para merendar; cousa que foi súper divertida. Estirala masa... xogar a esconder o chourizo... Grazas profe Ana, por facérnolo pasar tan ben.

E por suposto papamos. Papamos abondo, que estaba todo boísimo!!

Grazas colaboradores por facernos unhas castañas tan estupendas!!!

Barreiro!! Estámosvos esperando de volta!!