Skip to Content

Actividades complementarias e extraescolares

Viaxe cultural 1º bacharelato

(Fai clic para acceder á galería)

Durante a semana do 18 ao 22 de marzo, un grupo de estudantes tivo a oportunidade de mergullarse na historia e na arte a través dun percorrido enriquecedor por distintas cidades e lugares emblemáticos.

Organización do magosto 2023

Mañá, venres 3 de novembro, celebramos o noso magosto con xogos populares. Como as condicións meteorolóxicas non axudan moito, ímolo organizar dun xeito un pouco diferente:

  • Ás 11.20 h, os grupos de 4º de ESO saen para organizar, coordinados polo departamento de Educación Física.
  • Das 12.00 ás 12.30 h, todos os grupos saen para comer as castañas (agás 2º de BAC, que sae ás 12.10 h).
  • Das 12.30 ás 13.20 h, 1º e 3º de ESO van ao pavillón para participar nos xogos populares dirixidos polo alumnado de 4º. O resto dos grupos van para a clase.
  • Das 13.20 ás 14.10 h, 2º de ESO vai para o pavillón para participar nos xogos populares.

Visita de 4º de ESO ao CITENI (Ferrol)

O pasado venres 29 de setembro celebrouse a Gnight, a Noite Europea das Persoas Investigadoras, un evento anual a nivel europeo que nace coa intención de achegar a ciencia e a tecnoloxía á cidadanía; e tamén espertar vocacións científico-tecnolóxicas entre a rapazada.

Por este motivo, o CITENI (Centro de Investigación en Tecnoloxías Navais e Industriais) do Campus Industrial de Ferrol da UDC convidou ao alumnado de 4º ESO de Física e Química e Tecnoloxía a visitar as súas instalacións e participar en obradoiros relacionados coas actividades de investigación que alí realizan. Visitamos o Laboratorio de Enxeñería Mecánica o Laboratorio de Aplicacións Industriais do Láser e o Laboratorio de Propiedades Térmicas e Reolóxicas de Materiais. Tamén participamos nun obradoiro de matemáticas organizado polo Centro de Investigación e Tecnoloxía Matemática de Galicia (CITMAga).

Moitas grazas ao persoal do CITENI polo convite e polas actividades ofertadas, que foron moi interesantes e entretidas.

 

Representación do IES David Buján en Diverciencia

Nerea, María e Jean de 4º de ESO representan o IES David Buján cun proxecto cuxo obxectivo é comparar o contido en proteínas no leite e en bebidas de orixe vexetal. O traballo foi levado a cabo durante este curso polo Club de Ciencia do centro e foi desenvolvido grazas ao material e a información proporcionada polo grupo de divulgación e de innovación XuvenCiencia da USC.

A feira Diverciencia ten como obxectivo dinamizar a ensinanza e a divulgación da ciencia a través dos proxectos presentados por alumnado de diferentes niveis educativos. Durante estes días, ademais, haberá charlas, exposicións e obradoiros para os participantes. Este ano a feira acolle máis de 3.400 estudantes xunto a 209 profesores acompañantes de 81 centros participantes. Moita sorte, Nerea, María e Jean na defensa do voso proxecto!

O alumnado de 4º e bacharelato que estea interesado en aprender a realizar proxectos de investigación e ademais pasalo moi ben este verán, poden participar no campus de verán de XuvenCiencia que se desenvolverá en Lugo do 2 ao 8 de xullo.

Ligazón: https://xuvenciencia.org/campus/gl/

Viaxe a Portugal 4º ESO

Despois de varios cursos de suspensión deste tipo de saídas por mor do Covid-19, este ano o alumnado de 4º ESO tivo a oportunidade de realizar a súa viaxe de fin de etapa a Portugal (Lisboa, Sintra, Cascais, Estoril, Óbidos, Mafra...). A continuación un vídeo con algúns dos lugares e momentos compartidos. 

Visita de 2º de bacharelato a Santiago de Compostela

O luns, 19 de decembro de 2022 o alumnado de 2º de bacharelato visitou Santiago de Compostela, nunha saída organizada polos departamentos de Xeografía e Historia, Lingua Galega e Literatura, Música, Artes Plásticas e Relixión. Nesta ocasión, visitaron espazos tan emblemáticos como o Pórtico da Gloria da catedral ou o Museo do Pobo Galego.

Esta actividade foi subvencionada polo concello de Cambre.

 

25 de novembro: Día Internacional contra a Violencia de Xénero

O IES David Buján quere ser un espazo libre de violencias machistas.

25 de novembro: Día Internacional contra a Violencia de Xénero

Magosto

04/11/2022 11:20
04/11/2022 14:10
Atlantic/Bermuda

Magosto e xogos populares. Concurso de colares de zonchos, cabazas, scary picture e decoración do Samaín.

Os mandatos do MECO: Entroido en contexto Covid

 

Con moita pena de non poder celebrar o festival de Entroido, o Meco do IES David Buján deixará un mandato cada día na páxina web e na entrada do centro.

Este Entroido ben o pasarás, o mandato do Meco cumprirás!!!

"O venres 12, a bata ou pixama non quitarás e ao insti así chegarás"

 

Concursos Samaín 2020 e Scary Picturest Contest

O EDLG para celebrar o Samaín, festa celta que marcaba o remate da colleita e a chegada do inverno, ou metade escura do ano, convoca tres concursos:

  • Concurso de conxuros
  • Concurso de contos
  • Concurso de talla de cabazas (enviar só a fotografía)

Aquí están as bases dos tres concursos. 

Tamén están colgadas na cortiza do EDLG

You must take a scary picture ( it is not allowed to download files from the Internet) , it can be a place, a situation , a person , a monster... whatever!!!

You can use any tools to make the picture more scary ( photoshop.....)

There will be different categories: 

1. The most terrorific one

2. The most original one

3. The funniest

 You must include a caption in English.

When you upload the photo ( pdf ) make sure you write your class and name as a tittle. Ex: 4esoBmarysimons
Distribuir contido


by Dr. Radut