Éxito do alumnado do IES Manuel García Barros na III competición de robots da Universidade de Vigo
Enviado por Anónimo o 4 Maio, 2017 - 00:43
Podemos estar ben orgullosos do alumnado de 1º de BAC que cursa as materias de Tecnoloxía Industrial I e TIC I e que participou na III competición de robots da Universidade de Vigo o pasado venres 28 de abril. De entre os 70 equipos participantes 3 dos nosos 4 equipos pasaron á final (na que se clasificaban os 12 mellores equipos da tanda eliminatoria) quedando finalmente 3º da competición o equipo "CNY70", formado por Ricardo Constenla, Sandra Neira, Nuria Salqueiro, Denís Sanmartín, Marcos Suárez e Ainhoa Vivel, sen desmerecer o gran papel que fixeron os restantes equipos participantes do noso centro dado que todos os nosos alumnos souberon demostrar un gran dominio na programación de robots e un alto nivel de competitividade á vez que de compañeirismo... Parabéns rapaces e rapazas!!!
Cómpre indicar tamén que a participación no concurso foi posible grazas á inestimable colaboración da ANPA do centro, que posibilitou a compra de 4 kits con cadanseu robot oficial da competición.
Para ver imaxes e vídeos sobre como se desenvolveu o campionato podedes consultar a Galería Flickr.
Tamén tedes máis información sobre o evento nas seguintes webs: Código Cero, La Voz de Galicia, DUVI
