Tecnoloxía
Alumnado do centro en Galiciencia
Enviado por admin o 9 Maio, 2024 - 11:01Alumnado de Tecnoloxía e Enxeñaría I, de 1º de Bacharelato, Alma Diéguez e Samuel Sánchez, acompañados polo profesor Javier Fondevila, presentan na mostra Galiciencia, en Ourense, o resultado do seu traballo: "Xogar, mellor en maderia".
Imaxes do evento na galería do centro.
A mostra científica Galiciencia, na que se presentan proxectos e investigación científicas e tecnolóxicas realizadas por alumnado de centros de toda Galicia, celebrase entre os días 8 e 10 de maio en Ourense. Web do evento.
Novas en prensa:
Adestramentos - Liga Maker Drone
Enviado por admin o 9 Maio, 2024 - 10:50O pasado venres, 3 de maio, o grupo de alumnas e alumnos de 2º da ESO que participa na III Liga Maker Drone asistiron á última sesión de formación en pilotaxe de drones, antes da súa participación na final, que terá lugar o próximo xoves, 16 de maio, no Coliseum da Coruña. Imaxes do adestramento na galería do centro.
Novas relacionadas:
III Liga Maker Drone - 1ª Xornada de Formación
Enviado por admin o 11 Novembro, 2023 - 13:32O pasado venres, 10 de novembro, o grupo de alumnas e alumnos que participan este curso na III Liga Maker Drone, recibiron a 1ª formación e instrucción de voo de drones, impartida por persoal da Escola de Enxeñaría Aeronáutica e do Espazo.
Máis imaxes na galería Flickr.
III Liga Maker Drone
Enviado por admin o 30 Outubro, 2023 - 13:19Un grupo de 9 alumnas e alumnos do IES Manuel García Barros forman o equipo que participará, xunto con outros 17 equipos de centros de toda Galicia, na III Liga Maker Drone, competición organizada pola Fundación Barrie de la Maza e o Instituto Tecnológico de Galicia e na que deberán deseñar un drone que resolva un problema real.
O pasado venres, 27 de outubro, asistiron á Xornada de Presentación na Cidade das TIC en A Coruña. Nesta xornada presentaronse todos os equipos participantes e realizaron diversos obradoiros: pilotaxe de drones, realidade virtual, drone finder, programación, circuítos electrónicos e robótica. Para finalizar o evento coa presentación do recto desta edición: neutralizar niños de velutinas.
|
Máis imaxes do evento nesta ligazón. Novas na prensa: |
Éxito do alumnado do IES Manuel García Barros na VI Competición de robots da Universidade de Vigo
Enviado por admin o 24 Abril, 2023 - 06:37O pasado venres, 21 de abril, dous equipos formados por 12 alumnos e alumnas de 1º de Bacharelato que cursan Tecnoloxía e Enxeñaría I participaron na VI Competición de robots da Universidade de Vigo.
Os dous equipos conseguiron clasificarse para a fase final, dun total de 36 inscritos na súa categoría, acadando finalmente o equipo HorsePowers un meritorio 2º posto.
Noraboa a todo o alumnado participante porque souberon demostrar o seu dominio da programación, e gran nivel de competitividade á vez que de compañeirismo. Parabéns!
Novas de prensa:
Imaxes na galería Flirck do centro.
Programacións didácticas do Departamento de Tecnoloxía para o curso 2023-2024
Programacións didácticas por cursos
1º ESO | Tecnoloxía e dixitalización | |
2º ESO | ||
3º ESO | Educación dixital | |
4º ESO | ||
4º ESO | Dixitalización | |
1º BACH | Tecnoloxías da información e da comunicación I | |
1º BACH | Tecnoloxía e enxeñaría I | |
2º BACH | Programación da materia de 2ºBACH |
Visita de estudos do alumnado de 3º ESO a Sotavento, MUNCYT e Casa das Ciencias
Enviado por Dep. Tecnoloxía o 18 Maio, 2022 - 22:32O alumnado de 3º de ESO realizou o martes 3 de maio unha visita didáctica, organizada polo Departamento de Tecnoloxía, ao parque eólico experimental de Sotavento (situado no concello lucense de Xermade), no que puideron aprender dun xeito práctico e lúdico os fundamentos básicos das enerxías renovables e do aforro enerxético. Posteriormente desprazáronse á cidade da Coruña para visitar o Museo Nacional de Ciencia e Tecnoloxía (MUNCYT), onde realizaron unha actividade tipo xincana de descubrimento dos obxectos expostos nel. Finalmente acudiron á Casa das Ciencias para a realización das súas clásicas actividades autoguiadas de experimentación científica. Tedes unha reportaxe gráfica de todo o que fixeron na seguinte galería fotográfica:
Desenvolvemento do Programa Meteoescolas durante o curso 2020-21
Enviado por Coordinación TIC o 1 Xullo, 2021 - 10:47O profesorado que coordina o programa Meteoescolas no noso centro quere facer balance do desenvolvemento de dito proxecto este curso facendo constar os seguintes agradecementos:
- Ao alumnado de 3º de ESO e 1º BAC A pola profesional e sistemática recollida de datos meteorolóxicos ao longo de todo o curso (actividade que realizou cada día unha parella durante a 1ª hora de clase).
- Aos alumnos Adrián Blanco e Daniel Ruibal de 1º de BAC A pola montaxe electrónica da estación de calidade do aire sacrificando os seus recreos do mes de maio.
- Ao profesor Arturo Vizcarra por ceder altruistamente unha tablet que facilitou a recollida de datos por parte do alumnado na estación meteorolóxica manual.
- Á profesora Patricia Pérez por colaborar co seu grupo dos mércores a 1ª hora na recollida de datos da estación meteorolóxica manual.
Respecto do desenvolvemento global do proxecto, inda que non se puido levar adiante nun curso tan complicado organizativamente o tratamento estatístico dos datos meteorolóxicos históricos que actualmente xa están dixitalizados (quedará pendente como obxectivo prioritario para o vindeiro curso), si que estamos moi satisfeitos por ter acadados dous dos obxectivos prioritarios deste curso:
- Establecer unha rutina sistemática de rexistro de datos meteorolóxicos da estación manual do centro por parte do alumnado que permita seguir incorporando datos á web de Meteoescolas.
- Incorporar un sistema automático de medición que permita rexistrar datos meteorolóxicos básicos (temperatura e humidade), con vistas a ser ampliado en vindeiros cursos (pluviometría e dirección e velocidade do vento).
En relación co anterior aproveitamos para informar que este curso o noso centro incorporouse á rede estatal de centros Educacont, da cal somos o primeiro centro de Galicia en participar. O obxectivo principal de dita rede é o estudo da contaminación na contorna dos centros escolares para o cal instalouse un sistema de control baseado en Arduino alimentado por enerxía solar, xunto cos seus correspondentes sensores e cuxos datos pódense consultar en tempo real nesta páxina.
II Xornada Solar
Enviado por admin o 16 Xuño, 2021 - 15:31O pasado mércores, 9 de xuño, celebraremos a II Xornada solar do IES MGB, na que:
- Durante toda a mañá cociñamos diante da fachada Sur do edificio (fachada da entrada principal) con varias cociñas e fornos solares diversos produtos (pizzas, biscoitos, mazás asadas) que foron degustados polo alumnado ao rematar as clases a 6ª hora.
- Tamén se colocaron a carón das cociñas solares varios paneis informativos sobre a importancia da enerxía solar como fonte de enerxía alternativa primordial na loita contra o cambio climático (exposición cedida amablemente por ADEGA)
Podedes ver todas as imaxes neste ligazón.
Obradoiro de Cyberseguridade do INCIBE
Enviado por Anónimo o 11 Marzo, 2020 - 10:42O pasado xoves 5 de marzo, de 16:00 a 20:00 horas, tivo lugar no noso centro a xornada técnica "Espacios de ciberseguridad para estudiantes” que o INCIBE (Instituto Nacional de Ciberseguridad) está a realizar nalgúns centros de Galicia. Nesta xornada técnica estivo dirixida ao alumnado de bacharelato que cursa as materias de TIC I e TIC II e nela realizaron de xeito práctico e con exercicios reais como funcionan determinados aspectos da ciberseguridade. Estas xornadas son gratuitas, tanto para o centro como para os alumnos, e outorgaráselle un diploma de asistencia ao alumnado participante.
Dende o Departamento de Tecnoloxía, solicitante e coordinador desta xornada no noso centro, agradecer a Cristian, poñente enviado polo INCIBE, a boa dispoñibilidade e o amena, interesante e útil que resultou para o noso alumnado.
Coma sempre, na correspondente galería do Flickr do centro tedes imaxes do envento.
Visita ao aeródromo de Rozas
Enviado por admin o 2 Marzo, 2020 - 10:32O pasado xoves 13 de febreiro un grupo de alumnos e alumnas de 3º de ESO realizou unha visita ao aeródromo de Rozas (Castro de Rei - Lugo), actividade pertencente ao programa denominado "Enxeñando Futuro", financiado pola Consellería de Educación e coordinado polo Departamento de Tecnoloxía do noso centro. Durante esta interesante xornada o alumnado participante puido aprender cales foron as orixes e o desenvolvemento da enxeñería aeronáutica ata actualidade, centrándose na segunda parte da mañá no coñecemento sobre a tecnoloxía actual dos vehículos non tripulados, sobre os cales o aeródromo de Rozas é un centro sobranceiro a nivel estatal. Tamén puideron visitar a espectacular torre de control de dito aeródromo e os hangares de montaxe e certificación de vehículos aéreos non tripulados, ademais de asistir ao despegue e aterraxe dun dos vehículos aéreos cos que o centro está a traballar na actualidade.
Dende aquí o noso agradecemento ao persoal do aeródromo por ternos ofrecido tan boa acollida ademais de facernos disfrutar dunha xornada tan interesante e motivadora.
Exposición "Medindo o Universo. A historia das medidas"
Enviado por Anónimo o 7 Outubro, 2019 - 00:07Os alumnos e alumnas de Tecnoloxía de 4º de ESO organizaron e montaron os paneis que ata o vindeiro 18 de outubro poderedes observar no andar a carón da Biblioteca coa exposición "Medindo o universo: a historia das medidas". As láminas desta exposición foron impresas á súa vez da exposición homónima do LOMG (Laboratorio Oficial de Metroloxía de Galicia). Agardamos que sexa do voso interese e aprendades moito con ela.
Se queredes consultar online a exposición facede clic aquí.
Éxito do alumnado do IES MGB na V competición de robots da UVigo: 1º e 3º postos!
Enviado por Anónimo o 29 Abril, 2019 - 00:38O pasado venres 26 de abril varios equipos formados por alumnos e alumnas de 1º de Bacharelato que cursan Tecnoloxía Industrial I conseguiron un éxito sen precedentes na V competición de robots da Universidade de Vigo: dos 6 equipos que polo noso centro se inscribiron á competición, 5 deles chegaron á final acadando dous deles o 1º e o 3º posto! Cómpre engadir que a esta competición acudiron máis de 150 equipos de institutos de toda Galicia, polo que os seus profesores e resto da comunidade educativa non podemos estar máis orgullosos dos nosos alumnos, independentemente de que acadaran ou non o podio, dado que todos eles amosaron unha gran capacidade de traballo en equipo e de entrega por acadar este gran éxito para o centro.
Parabéns e bravo por eles!!
Notas de prensa:
Visita de estudos do alumnado de Tecnoloxía e Tecnoloxía Industrial Ás Pontes
Enviado por Anónimo o 31 Xaneiro, 2018 - 23:48O pasado martes 23 de xaneiro, o alumnado que curso Tecnoloxía de 4º de ESO e Tecnoloxía Industrial I e II de Bacharelato participou dunha visita de estudos ao Concello das Pontes. Neste importante concello industrial puideron ver de primeira man o funcionamento da central térmica de carbón e a de ciclo combinado, así como importantes empresas de mecanizado de madeira (Areda) e metal (Prometal). Dende aquí dar as grazas ao departamento de turismo do Concello das Pontes polas xestións que nos facilitaron estas visitas.
- 1
- 2
- 3
- seguinte ›
- última »