Premios

Premer aquí para ver unha presentación de varios Diplomas outorgados ao centro.

Dende a Oficina Técnica do "Premio a la Acción Magistral" comunicouselle o Taller de Creación Artística do MGB que o seu traballo Pedigree é un dos finalistas na Categoría B-Educación Secundaria na fase da Evaluación Autonómica de Galicia. Esto significa que se elevará a Comisión de Evaluación Estatal como proxecto recomendado.

No Diario Oficial de Galicia do 13 de agosto publicouse a convocatoria dos premios de educación secundaria obrigatoria ao esforzo e superación persoal (ver as bases) e os premios extraordinarios ao rendemento académico (bases) correspondentes ao curso académico 2011/2012.

O traballo Animais Artificiais do Taller de Creación Artística do MGB gaña un accésit á mellor banda sonora no II Certame Audivisual Escolar do IES Monte Carrasco de Cangas. A banda sonora foi gravada pol@s alumn@s coa colaboración de Paty Rodríguez e Arturo Vizcarra á voz, e baixo a dirección de Miguel Carbajal.

O documental Azul sobre a visita ao Centro de dous reclusos do programa ANOCA (aprender no cárcere), realizado polos alumnos de TICS de 1º de Bacharelato e coprotagonizado polos alumnos de Cidadanía de 2º da ESO, foi galardoado co primeiro premio ao Mellor Audiovisual Didáctico, no II Certame Audiovisual Escolar do IES Montecarrasco de Cangas.

O alumno de 1º ESO B do noso centro, Guillermo Fernández Álvarez, recolleu o sábado día 9 de xuño no Hotel Congreso de Teo, o premio obtido no X Concurso de contos "Que é un discapacitado para ti?" da Asociación de Pais de Persoas con Discapacidade Intelectual de Teo (ASPAMITE). Para ler a noticia publicada no Correo Galego preme aquí e para ver a galería de imaxes do evento aquí.

O alumno Guillermo Fernández Álvarez de 1º ESO B acadou o primeiro premio de secundaria no X Concurso de Contos da Asociación de Pais de Persoas con discapacidade intelectual de Teo. Noraboa. Premendo aquí accedese a comunicación do premio ao Centro.

O Conselleiro de Educación, Jesús Vázquez remitiu unha felicitación ao centro polo Premio no Concurso da ONCE.

Premer aquí para vela carta.

O vindeiro luns 21 de maio as 12:25 horas na Sala de Usos múltiples do centro terá lugar o acto oficial de entrega do premio ONCE aos alumnos do grupo de 1º ESO C.

Estades todos invitados.

O grupo 1º de ESO C foi o GAÑADOR da Categoría B na fase autonómica do Concurso escolar ONCE. Pasan directamente a participar na Fase Nacional. Noraboa aos alumnos e a súa titora Marisa Otero.

O equipo “Los Batmans”, formado por Uxía Prado, Adrián Rey, Carlota Pereiras, Miguel Valiño e Ángel Sanmartín, de 2º de ESO, acadou o 1º Premio, na categoria do primeiro ciclo de ESO, fase autonómica de Consumópolis, concurso sobre consumo responsable e calidade de vida, co traballo: “Conserva el ticket, conserva tus derechos”.
Ademais, como clasificados no primeiro posto da súa categoría, representarán a Galicia na fase estatal do concurso.

Parabéns!!

Premendo aquí, accederán a información publicada no xornal Terras de Santiago sobre os premios Typerwriter de relatos curtos obtidos por dúas alumnas do noso Centro.

Noraboa para elas.

O pasado 16 de febreiro, na cidade da Cultura, entregáronse os premios do concurso de relatos breves TYPEWRITER convocados por esta entidade. Na categoría infantil, o xurado proclamou gañadora a Mariña Pena Blanco, polo seu relato Memorias dunha máquina de escribir. Mentres, o segundo premio recaeu en María Villamor López coa historia titulada A princesa da Lúa. Parabéns para as dúas.

A Voz de Galicia e NoticiasDiarias.net recolleron a noticia.

O conselleiro de Cultura, Educación e Ordenación Universitaria, Xesús Vázquez Abad, gabou o pasado mércores  o esforzo dos 38 estudantes galardoados cos premios extraordinarios de Bacharelato correspondentes ao curso 2010/2011, entre os que se atopaban Marta Rodríguez Castro e Cristian Carbajales Neira, alumnos do MGB. Máis información.

O vindeiro mércores 22 de febreiro, ás 11:00 horas, terá lugar na Consellería de Presidencia, Administracións Públicas e Xustiza o acto de entrega dos premios extraordinarios de bacharelato correspondentes ao curso 2010-2011.

Os nosos alumnos, Cristian Carbajales Neira e Marta Rodríguez Castro, fixéronse merecedores dun deles entre un total de 20 en toda a comunidade autónoma.