Hoxe conmemoramos o día da Paz no noso centro.

Ademáis e como integrantes da Rede de Escolas polos Dereitos Humanos, convidámosvos a participar no 2º Concurso Xuvenil de Microrrelatos, esta vez o tema será “Primeiro as persoas, despois as fronteiras”. O contido do texto pódese centrar en calquera aspecto relacionado co título indicado: con refuxio, liberdade de desprazamento, dereito de asilo, emigración... a situación actual, o labor das ONGs, a resposta da cidadanía. A imaxe do cartel, dúas irmás separadas por unha fronteira, é bastante suxerinte. O texto do microrrelato terá unha extensión máxima de 250 palabras, e o prazo para a presentación vai dende o 8 de xaneiro ao 15 de febreiro de 2016.

Para inspirar os vosos relatos poderedes atopar lecturas que teñen como temática a paz e a non violencia no taboleiro de Biblioribeira "Día da Paz".

O luns 11 de xaneiro teremos a visita do autor Francisco Castro ao noso centro. A actividade consistirá nunha charla-coloquio arredor das súas dúas obras do club de lectura:

Velaquí as recomendacións para este Nadal:

"Explorando novos camiños"

O pasado 4 de novembro celebramos o día das bibliotecas escolares colaborando nun recital poético organizado pola biblioteca Biblosvivos do IES Pedras Rubias. Para a ocasión empregouse a obra “CON TEXTURA DE FUME”, que reúne os poemas presentados a concurso por alumnas e alumnos de diferentes centros escolares, premiados ou seleccionados no Certame Rosalía de Castro de Poesía Escolar 2015.

Un acto entrañable, no que a música acompañou, un acto cheo de emoción, unha viaxe poética que nos permitiu afondar en sentimentos expresados a través das palabras do noso alumnado. 

Pinchade aquí para ver os videos do acto.