#cienciaengalego 2015
Novembro é o mes da ciencia en galego nas bibliotecas escolares. No IES Ribeira do Louro commemoramos o Día da Ciencia en Galego coa videoconferencia na que o neurocientífico Xurxo Mariño dende a Universidade da Coruña falounos de diálogos entre neuronas, de percepción sensorial, de construcción da realidade, da riqueza cognitiva da aprendizaxe das linguas, en definitiva, falou do cerebro humano.
Ao final da actividade, o alumnado puido facer unha morea de preguntas a través do hashtag #cienciaengalego que foi trending topic.
- Ler ciencia en Biblioribeira é a nosa proposta, poderedes atopar unha selección de lecturas adicadas ás ciencias.
- Programación do mes da ciencia.
- Recursos para a ciencia da Asesoría de Bibiotecas escolares.
24 outubro "Biblioteca escolar, base de exploracións"
"Biblioteca escolar, base das exploracións" é o lema que se pode ler no cartel da campaña anual de bibliotecas escolares da Consellería. Con el convidamos á comunidade educativa do noso centro a explorar o mundo. Queremos celebrar o día da biblioteca convidándovos a que pasedes, a que viaxedes por mundos reais ou imaxinarios e que atopedes na biblioteca un espazo especial.
Para commemorar este día realizaremos unha actividade de lectura compartida de poemas orixinais xunto coa Biblioteca escolar Biblosvivos no IES Pedras Rubias de Salceda de Caselas o 4 de novembro, do noso centro participarán @s alumn@s:
Sara Norniella López (gañadora do Premio de Poesía Rosalía de Castro 2015 na categoría do 1º ciclo da ESO.)
Laura Mazoy García
Clara Lorenzo Martínez
Daniel Otero Otero
In memoriam Henning Mankell
Henning Mankell, autor sueco nacido en 1948, ven de falecer aos 67 anos. Viviu a cabalo do seu país natal e Mozambique, onde dirixiu o teatro nacional Avenida de Maputo.
Autor prolífico de literatura infantil e xuvenil ("El perro que corría hacia una estrella", "Jugar con fuego"), ensaios ("Moriré, pero mi memoria sobrevivirá"), novelística negra e outros xéneros ("La leona blanca", "Cortafuegos", "Asesinos sin rostro" con Kurt Wallander como protagonista principal, "El chino" "El cerebro de Kennedy")
A última entrega foi "Arenas movedizas", onde deu conta, con entereza, do seu enfrontamento coa morte.
Está considerado como o gran referente da novela negra escandinava. Herdeiro do matrimonio Maj Sjowall e Per Wahloo, creadores do detective Martín Beck, inspiración segundo recoñeceu o propio Mankell, do seu afamado inspector Wallander, antiheroe, que alterna incoherencia, ironía, grandeza e, sobre todo, humanidade en todos os niveis.
As súas obras deixan ao descuberto outra cara de Suecia, tan idilícamente presentada a cotío. O seu estilo é sobrio, frío e sen alardes para a galería.
Unha constante na súa vida foi a conciencia cívica e un alto valor ético, que o levou a estreitar lazos con África.
Julio Abalde
En Biblioribeira tedes varios títulos do autor á vosa disposición 
Diverler 15-16. O clube de lectura de Biblioribeira.
O vindeiro martes 13 darán comezo os encontros do noso club de lectura Diverler. O funcionamento do clube será unha continuación dos cursos anteriores: segundos martes de cada mes. Os arredor de sesenta alumnas e alumnos que forman parte do clube poderán disfrutar destas lecturas, algunhas xa rulan polo insti! 
Matar a un ruiseñor, Harper Lee
Granxa dos animais, George Orwell
Lume de cobiza, Miguel Anxo Fernández
La cena secreta, Javier Sierra.
Bieito Dubidoso, Roque Cameselle.
Campo de fresas, Jordi Sierra i Fabra.
Chamádeme Simbad, Francisco Castro.
La fórmula mágica del profesor, Yoko Ogawa.
Un bosque cheo de faias, Francisco Castro.
La lección de August, R.J. Palacio
Como en antos anteriores combinaremos lecturas e cine, linguaxe impresa e audiovisual.
SARA NORNIELLA RECOLLE O PREMIO ROSALÍA DE CASTRO
A Fundación Rosalía de Castro e El Corte Inglés entregaron o 12 de xuño os premios ás s gañadoras das tres categorías do III Concurso Escolar de Poesía Rosalía de Castro para o alumnado de Secundaria e Bacharelato, logo da xuntanza do xurado. As afortunadas foron: Sara Norniella (O Porriño), Fátima Barros (Moraña) e Lucía Cernadas (Cambre).
O xurado estaba formado polas escritoras Neves Soutelo, Elvira Ribeiro e o escritor Anxo Angueira (tamén presidente da Fundación Rosalía), ademais de José Manuel Blanco, director de Comunicación e Relacións Externas de El Corte Inglés Galicia.
No vídeo que vén a seguir sara Norniella recita o poema gañador "Caos"
Sara recolle o premio da man de Jose Manuel Blanco
Sara coa tutora Virginia e con Paz
Coas poetas Elvira Ribeiro e Neves Soutelo 
| Adxunto | Tamaño |
|---|---|
| sara.flv | 3.09 MB |
A ALUMNA SARA NORNIELLA GAÑA O 1º PREMIO DO III CERTAME DE POESÍA ROSALÍA DE CASTRO
A nosa alumna de 2º B Sara Norniella, gaña o 1º premio na categoría de 1º Ciclo de ESO.
A Fundación Rosalía de Castro e El Corte Inglés deron a coñecer as gañadoras das tres categorías do III Concurso Escolar de Poesía Rosalía de Castro para o alumnado de Secundaria e Bacharelato, logo da xuntanza do xurado. As afortunadas foron: Sara Norniella (O Porriño), Fátima Barros (Moraña) e Lucía Cernadas (Cambre).
O xurado estaba formado polos escritores Neves Soutelo, Elvira Ribeiro e Anxo Angueira (tamén presidente da Fundación Rosalía), ademais de José Manuel Blanco, director de Comunicación e Relacións Externas de El Corte Inglés Galicia.
Os premios serán entregados o venres día 12 de xuño na Casa-Museo de Rosalía en Padrón ás 20h.
Alí estaremos!
http://rosaliadecastro.org/xa-hai-ganadoras-do-iii-concurso-escolar-de-poesia/
ENTREVISTAS LITERARIAS
Vídeos de entrevistas literarias realizado polo alumnado do IES Ribeira do Louro na súa biblioteca na materia de Proxecto Interdisciplinar en 1ºESO. Curso 2014-2105.
ENTREVISTAS LITERARIAS
Video de entrevistas literarias realizado polo alumnado do IES Ribeira do Louro na súa biblioteca na materia de Proxecto Interdisciplinar en 1ºESO. Curso 2014-2105.
DE PISTA A PISTA 2015
O venres 22 de maio celebramos o Día das Letras co noso concurso "De pista a pista". Velaquí tedes o vídeo que elaboramos.
| Adxunto | Tamaño |
|---|---|
| pista.flv | 9.93 MB |
- « primeira
- ‹ anterior
- …
- 14
- 15
- 16
- 17
- 18
- 19
- 20
- 21
- 22
- seguinte ›
- última »
