Secretaría

PROCEDEMENTO DE ADMISIÓN ALUMNADO

O proceso de admisión de alumnado en centros escolares sostidos con fondos autonómicos para o curso 2024/25 organízase a través do seguinte calendario, con estas datas relevantes:

  • Do 15 de xaneiro ao 5 de febreiro de 2024: prazo de reserva nos centros de adscrición para o alumnado que cambia de etapa educativa e de centro.
  • 22 de febreiro de 2024: publicación da listaxe de alumnado que ten reserva no centro de adscrición.
  • Antes do 1 de marzo: sorteo público para os efectos de desempate.
  • Do 1 ao 20 de marzo de 2024: prazo de solicitude de admisión para todo aquel alumnado que de xeito voluntario quere realizar un cambio de centro e para o alumnado que se escolariza por primeira vez.
  • Do 21 de marzo ao 5 de abril: presentación documentación baremo (de haber máis solicitudes que vacantes)
  • 25 de abril de 2024: publicación da listaxe provisional de admitidos. A partir do día seguinte da súa publicación hai 5 días para presentar reclamacións a esa listaxe.
  • 15 de maio de 2024: publicación da listaxe definitiva de admitidos. Reclamación 1 mes dende a publicación.
  • Do 20 ao 30de xuño de 2024: Comeza o prazo de formalización de matrícula para aquel alumnado que foi admitido.

A normativa que regula o proceso é a seguinte:

  • Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
  • Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).
  • Orde do 26 de maio de 2023 pola que se desenvolve o Decreto 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia e se regula a avaliación nesa etapa educativa e derroga o artigo 44 da Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

 

 

Toda esta información e máis tédela na aplicación de Admisionalumnado. aquí poderedes consultar o seguinte:

a) O cronograma coas datas dos trámites principais do procedemento de reserva, admisión ordinaria e matrícula.

b) A previsión de postos escolares dispoñibles e as súas modificacións.

c) A relación do alumnado de cada curso, co número da solicitude de admisión asignado pola aplicación admisionalumnado no momento da súa gravación.

d) O estado de tramitación da súa solicitude utilizando o número de solicitude e o número de DNI da persoa solicitante.

e) A listaxe do alumnado con posto reservado e a listaxe provisional e definitiva do alumnado admitido coa puntuación total e do alumnado non admitido, utilizando calquera dos mecanismos de identificación admitidos pola sede electrónica da Xunta de Galicia, incluíndo o certificado dixital e Chave365 (https://sede.xunta.gal/chave365).

 

Podedes presentar a solicitude telemáticamente (opción prioritaria). Tedes toda a información no enlace anterior á aplicación de Admisionalumnado ou podedes presentala presencialmente no centro.

A documentación para entregar sería:

  • A propia solicitude, xunto co anexo-bis I ou II  asinada polos dous proxenitores.
  • Copia do libro de familia ou certificado de nacemento, na súa ausencia.
  • Copia do DNI do neno ou nena, se o ten.
  • No caso de divorcio ou separación legal, sentenza de separación.
  • Documentación acreditativa do alumnado con NEAE

 As vacantes dispoñibles no noso centro son as seguintes:

3 anos.... 20 prazas

4 anos.... 12 prazas

5 anos.... 8 prazas

1º EP ..... 12 prazas

2º EP....... 2 prazas

3º EP....... 4 prazas

4º EP....... 9 prazas

5º EP....... 0 prazas

6º EP....... 7 prazas

Ademais de toda a información incluída na normativa deixamos aquí o criterio complementario de baremación no noso centro:

Certificar ter familia de 2º ou 3º grado de cosanguineideade na área de influencia do noso centro.
A documentación que solicitaremos para comprobalo será:
- libro de familia ou análogo que demostre o parentesco co alumno/a.
- documento que certifique que o  domicilio dos parentes está na área de influencia do noso centro.

 

 A ter en conta:

1º. Todo o alumnado incluído no ámbito desta orde poderá presentar solicitude de admisión, pedindo ata seis (6) centros por orde de preferencia, e alegar os criterios de admisión que pretenda que se lle valoren. Esta solicitude de admisión dirixirase ao centro solicitado en primeiro lugar.

Despois de presentar unha solicitude de admisión, para renunciar a ela deberá facerse expresamente, indicándoo no recadro correspondente da nova solicitude que deberá presentarse.

2º. O alumnado que teña prioridade para continuar estudos nun centro de adscrición pode exercer o seu dereito á reserva de praza presentando solicitude de reserva no centro adscrito, isto é, no que está matriculado nese momento, e identificará o centro de adscrición que solicita.

3º. En todo caso, a solicitude de reserva ou de admisión é única para cada alumno/a e ten carácter vinculante. A súa presentación implica que son certos os datos indicados nela.

A existencia dunha solicitude de admisión presentada en prazo sen renunciar expresamente á anterior e, así mesmo, a existencia dunha solicitude de admisión sen ter renunciado á praza reservada a 28 de febreiro (este incluído) poderán ser causa de perda do dereito a participar no procedemento nos termos previstos no artigo 8.

A área de influencia do noso centro é a seguinte: Abelendo, O Lago de Abelendo, Aguiero, O Cruceiro, O Outeiro,
Carballadasna, Sanchilán, Ameixoada, curva da Pandiña parte norte da Estrada,Casal de Abaixo ata a
Porta do Cego e Sanchilán, Os Ladrados, Estrada PO 313 parte de arriba ata o Mirador da Fraga
(Broullón, Sabaceda, Marrúa, Paradela)

O noso centro ten servizo de comedor e tamén servizo de transporte.

Por último, lembramos que a admisión e a matriculación nun centro docente público ou privado concertado implicarán respectar o proxecto educativo e o carácter propio do centro privado concertado, se o tivese.

Para calquera información adicional ou dúbida chamade ao centro.

Nos adxuntos a continuación podedes descargar o impreso de solicitude.

PORTAS ABERTAS

Como xa todas sabedes o período de admisión de alumnado nos centros de Infantil e Primaria está a piques de comezar, será no mes de marzo. Pinchade AQUÍ para ter máis información.

Para todas aquelas familias que queirades vir a ver o noso cole, estades convidadas o vindeiro mércores día 28 de febreiro ás 18h.

LISTAXE PROVISIONAL DE ALUMNADO ADMITIDO

Comunicamos que todo o alumnado que presentou solicitude de admisión no noso centro para o curso 23-24 foi admitido. As listaxes serán publicadas no taboleiro de anuncios do interior centro.

PROCESO ADMISIÓN ALUMNADO

Como xa sabedes comezou xa o proceso de admisión de alumnado. Ata o 4 de febreiro co proceso de reserva de praza, pero poñemos aquí o resto de datas de interese:

  • A publicación da listaxe do alumnado con reserva de praza sen fase de baremo deberá facerse antes do 22 de febreiro. de non haber prazas para todas as reserva abrirase un prazo de 10 días hábiles para entregar documentación para o baremo.
  • Ata o 28 de febreiro pode presentarse a renuncia á praza reservada.
  • Antes do 1 de marzo publicación de postos escolares vacantes.
  • Do 1 ao 20 de marzo é o prazo para presentar solicitudes de admisión nos centros. Nesta solicitude poderán consignarse ata 6 centros comezando polo de maior prefernecia. Entregarase no centro solicitado en primeiro lugar. No caso de ter presentada unha solicitude e querer renunciar a ela haberá que indicalo no cadro correspondente  na nova solicitude entregada.
  • Do 21 de marzo ao 3 de abril solicitarase, de ser o caso, a documentación para realizar o baremo.
  • O 25 de abril deberá ser publicada a listaxe provisional de admitidos, despois haberá 5 días hábiles para a presentación de reclamacións  contados a partir do día seguinte á súa publicación e o 15 de maio a definitiva.
  • Formalización de matrícula do 20 ao 30 de xuño. Primaria. Secundaria do 23 de xuño ao 7 de xullo.

 

Consulta aquí a normativa

 

 

PROCESO DE ADMISIÓN 22-23. Fase de reserva de praza en centros adscritos.

Estimadas familias!

 

Dende hoxe e ata o vindeiro día 6 de febreiro estará aberto o prazo para reservar praza para o vindeiro curso 22/23 no IES A Paralaia, centro ao que estamos adscritos.

Para facelo poderedes:

  • Empregar a aplicación ADMISIÓNALUMNADO e presentala a través da SEDE electrónica, para o que deberedes contar cun medio de identificación electrónico (certificado dixital ou Chave 365). AQUÍ tendes a ligazón para acceder.
  • Presentala no centro, no que haberá copias da solicitude á vosa disposición.

 

Para calquera dúbida que teñades non dubidedes en chamarnos ao centro.

Distribuir contido

Back to top