PREMIO Á LOITA CONTRA A AVISPA ASIÁTICA

O noso alumno de 4º de Primaria Sergio Pérez Martínez recibiu o Premio dentro da Campaña contra a avespa asiática, organizada polos apicultores da Comarca de Moaña. Este é o enlace da nova publicada no diario dixital Morrazoaldía. Parabéns campeón!  

CONVIVENCIA DOS ALUMNOS DE INFANTIL CO NOVO ALUMNADO

Esta semana tivo lugar no colexio unha convivencia entre os alumnos/as de infantil, e o novo alumnado cara ao ano que ven. Participaron en diversas actividades, coñecéronse un pouco máis e pasárono moi ben. Aquí tedes unha pequena reportaxe fotográfica do evento.

   

FACEMOS UNHA FESTA PARA OS NOSOS AVÓS E AVOAS

O pasado vernes preparamos unha festa moi especial para  os avós de avoas de Abelendo. Qué sorpresa levaron!. A prensa local fíxose eco da nova. Premede no enlace para vela. MORRAZOALDIA

                                                                                   (Diario dixital Morrazoaldía 20-6-2016)

XXXVI OLIMPIADA ESCOLAR DE MOAÑA.

O pasado 11 de Xuño tivo lugar a XXXVI Olimpiada Escolar de Moaña. Grazas a todos/as alumnos/as que representaron ao Ceip de Abelendo e parabéns aos gañadores/as.

EXPOSICION NO CENTRO DOS TRABALLOS DOS ALUMNOS/AS DE INFANTIL

O pasado 10 de Xuño, o noso centro recibiu a visita da Alcaldesa de Moaña, Leticia Santos e o edil de Urbanismo e Medio Ambente Odilo Barreiro. O motivo non foi outro que a inauguración da Exposición dos traballos feitos polos alumnos/as de infantil dentro do Proxecto Xeral do Centro "Un planeta na mochila" e a raíz do programa do Concello "Aprende Moaña"A exposición permanecerá no centro para todo o público que desexe vir vela.

Desde o centro, agradecemos a asistencia dos representantes do Concello de Moaña así como das familias. Aquí tedes o enlace da nova publicada no diario Dixital "Morrazoaldía". 

OS NENOS DE ABELENDO MERGULLAN POLOS OCEANOS.

Os nosos alumnos participaron nas actividades organizadas polo Campus do Mar e a Asociación de Oceanógrafos de Galicia con notivo do Día mundial dos océanos. Aquí tedes unhas fotos publicadas no xornal Faro de Vigo -edición dixital do Morrazo- así como o enlace da nova publicada o pasado día 10 de Xuño.

   

GRUPO DE TEATRO "NAIS E AVOAS" DE ABELENDO

O grupo de teatro de nais e avoas de Abelendo estrenou na biblioteca do colexio, a obra de teatro de Manuel María "Aventuras e Desventuras dunha espiña de toxo chamada  Berenguela". Grazas a todas pola vosa enerxía, alegría e bo facer. Aquí tedes unhas fotos da súa actuación pero se queredes ver máis, podedes visitar o blog da nosa bliblioteca. Premer aquí.

   

PREMIOS DO CERTAME DE DEBUXO DA PRAZA ABASTOS MOAÑA

O pasado luns 6 de Xuño tivo lugar a entrega de premios do CERTAME DE DEBUXO da PRAZA DE ABASTOS de Moaña. Desde o centro, queremos felicitar a nosa alumna de 4 anos, María Serrano Pérez polo seu merecido premio. Parabèns a nosa artista favorita!!

   

CORRELINGUA 2016

Un ano máis o Ceip de Abelendo participou no Correlingua. Neste caso todos fomos ata Cangas: camiñamos polas súas rúas, traballamos en distintos obradoiros, merendamos e, despóis da lectura do manifesto, asistimos a actuación do grupo Gramola Gominola. Se premedes na imaxe, veredes unha pequena reportaxe deste evento.

Correlingua 2016

Distribuir contido

     

Profesorado

Pais/Nais

Eventos

« Xuño 2016 »
LunMarMérXovVenSábDom
12345
6789101112
13141516171819
20212223242526
27282930

Iniciar sesión