Blogues

A Coordinadora de Anpas Abrente, como novidade e en colaboración con dúas entidades da nosa vila (Fendetestas e O Catre Teatro), oferta este ano a actividade de rugby e a de teatro. No documento adxunto poderedes atopar toda a información relaiconada coas actividades así como a solicitude de inscrición. 

No arquivo adxunto tedes o documento para cubrir. Se queredes podedes  envialo ao correo da ANPA Medoñas. 

Podedes consular no seguinte documento adxunto o listado de libros e materiais para o vindeiro curso escolar.

Imaxe de OpenClipart-Vectors en Pixabay 

No DOG  do 20/05/2021 publicouse  a orde do 6 de maio de 2021 pola que pola que se regula a participación no fondo solidario de libros de texto e se convocan axudas para adquirir libros de texto e material escolar destinado ao alumnado matriculado en Educación Primaria para o curso 2021-2022.

 O fondo solidario de libros de texto (sistema de préstamo) afecta ao alumnado de 3º e 4º de Educación Primaria, xa que 5º e 6º utilizan os ordenadores de E-Dixgal.

 As axudas para adquirir libros de texto van dirixidas ao alumnado de 1º e 2º de Educación Primaria.

 As axudas para adquirir material escolar pode solicitalas todo o alumnado de Educación Primaria.

Para ter dereito a recibir as axudas de libros é necesario ter unha renda per cápita igual ou inferior a 10.000 €. Para as axudas de material, a renda per cápita debe ser igual ou inferior a 6.000 €. Para determinar a renda per cápita sumaranase as casiñas 435 e 460 da declaración do IRPF  do ano 2019 e dividirase entre o número de membros da unidade familiar.

 Ao igual que o ano pasado, basta con cubrir un só impreso para todas as solicitudes e todos os irmáns admitidos no centro (agás os que a tramiten por via electrónica que deberán presentar unha solicitude por cada alumno/a).

 O prazo de entrega de solicitudes vai do 21 de maio ao 22 de xuño inclusive.

 As solicitudes presentaranse preferiblemente por vía electrónica no formulario normalizado (anexos I e II) dispoñibles na aplicación informática Fondolibros (https://www.edu.xunta.es/fondolibros), a través da sede electrónica da Xunta de Galicia: https://sede.xunta.gal. Tamén se poderán presentar de modo presencial no centro. Deberán vir acompañadas de fotocopias do libro de familia e de sentencia de divorcio (se é o caso).

 Podedes descargar o impreso de solicitude tamén no arquivo adxunto.

Máis información pinchando neste enlace.