Este ano celebramos o Día da Paz traballando todo Infantil e Primaria a biografía e os valores de Mahatma Gandhi, persoeiro que tomamos nesta ocasión como referencia internacional da paz e a non violencia. Ademais, o alumnado de 3º e 4º asistiu no Pazo da Cultura á representación teatral de Nana para un soldado, posto en escena polo grupo Ghazafelhos. Finalmente, xuntámonos no patio cuberto para cantar de forma conxunta.

 O martes 30 de xaneiro celebramos na Solaina o Día Escolar da Non Violencia e a Paz. O alumnado de 6º realizou no pavillón unha coreografía da canción de El Langui, Se buscan valientes, mentres o resto cantou acompañándoos. Durante toda a semana fixéronse plantillas coas mans dos nenos de 3º e 5º, participantes do programa TEI, para colocalas sobre a árbore feita ao efecto na entrada ao colexio. O alumnado de 1º, 2º e 4º deseñou margaritas, nas que os pétalos eran as siluetas das súas mans. O alumnado de Infantil cortou flores e escribiu palabras para logo colocalo todo nuns maceteiros. Igualmente todo o alumnado recortou a súa foto e encheu as letras dun mural co título da canción de El Langui. 

Finalmente, o alumnado de 3º e 5º inaugurou oficialmente dous bancos da amizade, dos tres previstos. A función principal do bancos vai ser convertirse no espazo de reunión no patio para resolver os conflitos que vaian xurdindo entre iguais. 

Se queres ver as fotos da celebración pincha aquí.

Se queres ver a actuación de 6º pincha aquí.

     Hoxe, mércores 30 de xaneiro, é un deses

     días nos que o colexio de A Solaina

     cambia a súa dinámica habitual

     para sumarse ás iniciativas que se celebran

     en todo o mundo cun  único fin:

     conmemorar o Día da Paz.

       A nosa particular proposta estivo coordinada pola mestra de Educación Musical quen organizou un especial programa de actividades  nas que o alumnado foi espectador e participante.

Como nexo común a música e como actividades:

• interpretación coa flauta por parte do alumndo de 6º EP da Novena Sinfonía de Beethoven. Hinmno á alegría. 
• interpretación por parte de todo a alumnado da canción O MUNDO É GRANDE.
• visualización do vídeo sobre razas, culturas, relixións... no que os presentes sumámonos ao contido do texto con  UN SAÚDO PARA ALÁ  (Música de Mercedes Peón, montaje de Juan Parga e Almudena Janeiro).
  

Imaxes dos preparativos...

e imaxes do acto.

O 30 DE XANEIRO CELEBRAREMOS O DÍA DA PAZ INTERPRETANDO ESTA PRECIOSA CANCIÓN COA MÚSICA DE L. ANDERSON "O RELOXO SINCOPADO" E A LETRA DE GLORIA M. ROEL CANTANTE DO GRUPO MAMÁ CABRA:

O MUNDO É GRANDE

Fuente:claudiocarvalhaes.com

Na clase de Valores, en 5º A, creamos e gravamos o "Rap da Paz"

 Letra

Os tímpanos estoupan

pola gorxa crebada,

ledicia que virá.

Rebenta un alarido

polo monte e o río

camiño cara a Paz.

Toda miña alegría

levanto neste día

meu canto pola Paz.

A Paz en todo o mundo

como un suco profundo

onde floreza o pan.

Os fabricantes das querelas ¡que se marchen!

Endexamais han de volver, endexamais.

Os campesiños, mariñeiros e estudiantes

daranse as mans para loitar pola paz.

Miles de nenos coas campás da esperanza

traen o berro desta nai universal.

HAI QUE LOITAR! HAI QUE LOITAR! HAI QUE LOITAR! HAI QUE LOITAR!

PARA QUE A GUERRA XA NON VOLVA ENDEXAMAIS.(BIS)

...e o mural coas nosas pegadas visto polos nenos.