Dende o equipo de biblioteca fixemos a seguinte proposta para conmemorar o 25-N:
• Habilitamos un punto de lectura violeta con libros de temática inclusiva e sobre a importancia do papel das mulleres na sociedade.
• Durante quince días os rapaces podían levar libros seleccionados no punto.
• Dentro de cada libro atopaban pequenas sorpresas en forma de bolboretas con letras.
• Cada letra correspondíase cun número do mural que iamos construir entre todo o alumnado de primaria.
• A idea era completar un pequeno manifesto contra todo tipo de violencia, especialmente aquela que vai contra as mulleres.
• Cando completamos a mensaxe colocámola no punto de lectura violeta, que funcionará uns días máis segundo sexa o interese amosado polo alumnado. |
|
|
Dende a biblioteca preparamos as actividades do Día do Libro. Unha delas foi un xogo con Escornabots. Trátase do famoso “Trivial”, que nós adaptamos para incorporar os robots. É un xogo competitivo no que houbo premios. Cada alumno avanza o seu robot ata o libro que desexe ( algún que lera ) e recibirá unha pregunta. Se acerta recibe 1 punto e continúa xogando. Se falla queda eliminado. A idea é fomentar a lectura dunha serie de libros que sexan moi recomendados para a Educación Primaria. |
|
|
Dende o equipo de Biblioteca propuseron un concurso de booktubers para celebrar o Día do Libro, con gran éxito de participación. Podedes ver os vídeos para decidir que títulos preferides ler despois das imaxinativas recomendacións dos compañeir@s!! |
VÍDEOS BOOKTUBERS
ENTREGA DE PREMIOS
|
|
|
Dende a biblioteca do centro convocouse pola "Día dos namorados" un concurso voluntario dirixido a Educación Primaria (1º a 6º) no que tiñan que elaborar unha “Carta de amor” a un libro, aos libros en xeral ou á lectura. |
|
|
@s alumn@s de 4º de Primaria empregaron a biblioteca como fonte de recursos para indagar na biografía de grandes mulleres e elaboraron unhas bolsas decoradas co material que recopilaron. Aquí tedes o vídeo desta actividade. |
|
|
Este ano celebramos o Día das Bibliotecas co lema “Bibliotecas: ler, aprender, descubrir” .Céntrase en destacar o papel das bibliotecas como espazos libres, diversos e abertos para o acceso á cultura e ao coñecemento, a partir da lectura e doutros recursos. Para conmemorar este día celebrouse un concurso de deseño de portadas de libros que podedes ver na galería de fotos. |
|
|
Dende a biblioteca queremos estimular o gusto dos rapaces pola lectura. Agora que estamos dentro do PLAMBE ( Plan de Mellora de Bibliotecas Escolares ) trataremos de ir lanzando propostas que os animen a achegarse ao mundo dos libros.
Para este San Valentín a idea é citarnos cun libro descoñecido que irá envolto e terá mensaxes que nos conviden a lelo. Poden falar do argumento, dos personaxes ou das razóns polas que deberiamos escollelo. Primeiro podemos investigar sobre a orixe desta celebración de San Valentín e criticar o consumismo que a rodea. Despois tocaría escoller os libros partindo da invitación que nos ofrece cada un.
|
|
@s alumn@s de 5º de Primaria recibiron a visita da autora de "Plan de rescate", Antía Yáñez, dentro do programa de animación á lectura promovido polo Concello. Puideron preguntarlle as súas inquedanzas sobre os personaxes e sobre a aventura que protagonizan!!
|
|
O curso pasado, @s alumn@s que este ano están en 4º de Primaria fixeron estes comics sobre o conto de Curriña, a mascota da biblioteca. Tédela visto? Fixádevos o próximo día que vaiades á biblioteca. Mentres tanto ollade estes cómics e o conto de Curriña.
|
COMICS CURRIÑA |
CONTO CURRIÑA |