Secretaría

O material funxible dos distintos niveis para o curso 2020/21 está publicado no seguinte enlace:

MATERIAL FUNXIBLE CURSO 2020/21

 Estimadas familias:

Como ben saberán polos medios de comunicación e pola comparecencia do Presidente, a Xunta de Galicia, como medida preventiva para frear o avance do coronavirus, tomou onte a decisión de suspender a actividade lectiva regulada  e os servizos complementarios en todos os centros de ensino durante 14 días naturais a partires do luns, 16 de marzo.

Onte, xoves, algúns pais e nais chamaron ao centro preguntando; pero, lamentablemente, non puidemos darlles moita información porque, ata as 19:39 horas non houbo comunicado oficial a través da páxina Web da Consellería de Educación http://www.edu.xunta.gal/portal/medidas-coronavirus.

A noticia, a pesar da rumoroloxía, foi unha sorpresa par todos, incluídos os directivos dos centros. Entendemos que a situación é complicada para as familias, pero nos centros non puidemos comunicar nada ata que tiveramos confirmación oficial.

Ao longo da mañá de hoxe, venres, publicaremos na páxina web do centro instrucións para a realización de actividades que o alumnado poida facer no seu domicilio. Se teñen algunha dúbida ao respecto, o profesorado do centro está dispoñible para resolvela.

A dirección do centro comunicará calquera información relevente ao respecto  e estaremos á disposición das familias para calquera dúbida.

Dende o centro aconsellamos tranquilidade e responsabilidade no cumprimento das medidas adoptadas.

Ourense, 13 de marzo de 2020

A Directora, Mª Isabel Domínguez Pérez

 SOLICITUDE DE RESERVA DE PRAZA PARA O IES AS LAGOAS CURSO 2021-2022

 

 Prazo:

 Do 11 de xaneiro ao 8 de febreiro de 2021, ambos incluídos.

 Lexislación:

Decreto 254/2012 do 13 de decembro, que regula a admisión de alumnado en centros docentes sostidos con fondos públicos que imparten as ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
Orde do 12 de marzo de 2013 desenvolve o devandito Decreto 254/2012.
Orde do 25 de xaneiro de 2017 modifica a Orde do 12 de marzo de 2013.

Documentación que debe entregarse no centro onde cursa estudos actualmente:

 - Anexo I debidamente cuberto.

 - Formulario de previsión de matrícula.

- En caso de non autorizar a súa consulta, fotocopia do DNI ou copia da páxina do libro de familia onde figura o/a alumno/a.

 O Anexo I pode cubrirse na páxina web da Xunta (admisionalumnado) e entregalo no centro ou ben presentalo de xeito electrónico coa sinatura dixital. Enviaremos a través do alumnado fotocopia en papel para os que o precisen.

 O formulario de previsión de matrícula pódese descargar tamén na web do IES As Lagoas http://www.edu.xunta.es/centros/iesaslagoas/

 No suposto de que exista máis demanda que oferta de postos escolares, comunicaráselles aos interesados e publicarase no taboleiro de anuncios do IES As Lagoas e na súa páxina web, debendo presentar a solicitude de Admisión e a documentación xustificativa para a aplicación do baremo (Artigo 12).

 No caso de que non teñan ningunha comunicación ao longo do mes de febreiro entenderase que ten reservada a praza para o vindeiro curso.

 Formalización da matrícula: Entre o 25 de xuño e o 10 de xullo.

A reserva adquirirá carácter vinculante e será incompatible coa presentación de solicitude noutro centro, salvo renuncia expresa e por escrito presentada no centro antes do inicio do prazo de presentación de solicitudes de admisión.

Nos arquivos que se adxuntan poden descargar os formularios.

 

                                                                           Ourense, 10 de xaneiro de 2021

                                                                                       A Directora

                                                                          Asdo.: Mª Isabel Domínguez Pérez