|
O pasado 23 de xuño @s alumn@s de 4º cantaron coa Coral de Ruada no Auditorio Municipal.
Colaboraron con dúas cancións que xa prepararan durante o curso e xa gravaran con anterioridade: a "Pandeirada de Ourense", que tamén contou coa colaboración da alumna de 3º, Antela, como pandereiteira, e a "Cantarela".
Se queredes escoitar as cancións premede nos vídeos; escoitalos pon a pel de galiña pola emoción que transmiten!!!
|
 |
|
|
A Asociación Stop Accidentes, en colaboración co Centro Comercial Ponte Vella, entregou os premios do Concurso de debuxo e redacción "Peatón moita precaución", que xira sobre a temática de Prevención e Concienciación de atropelos a peóns en cidades e estradas.
A gañadora na modadlidade de redacción foi a alumna do centro Sara Iglesias, de 5º de Primaria.
|
|
A proposta de Viaqua e La Voz de Galicia era todo un reto: os escolares tiñan que elixir un poema en galego que lles servise de inspiración para sacar unha foto relacionada co mundo da auga. Ou sexa, unha poesía, unha imaxe e unha explicación persoal sobre o traballo realizado.
Beñat, alumno de 5º de Primaria soupo entender moi ben o espírito deste reto e inspirouse nun poema de Rosalía de Castro («Cantares gallegos»). E xustifica así a súa elección: «Regatos, regueiros, fontiñas? En Galicia (o país dos mil ríos) podemos encontrar fermosísimos recunchos nos que a auga é a protagonista. Rosalía amaba cada recanto da súa terra e reflectiuno, maxistralmente, nos seus poemas».
Misterios da tarde
murmuxos da noite:
cantarte hei Galicia,
na beira das fontes
|
 |
|
Venres 19 de xuño. Hoxe é día de despedida d@s alumn@s: festas fin de curso en infantil, despedida d@s alumn@s de 6º, entrega de notas...
Ata nos visitou a televisión para gravar o último día do curso.
|
 |
|
|
O pasado 18 de xuño celebramos o Festival das Letras Galegas no Conservatorio. Estivo moi animado, con bailes, cancións, teatro e coro.
Ademais fíxose entrega das bandas de graduación en Primaria aos alumn@s de 6º que pasan a Secundaria. Foi moi emotivo !!
Se queredes velo de novo podedes ollar as fotografías, o vídeo e a presentación de diapositivas coa que despedimos aos alumnos de 6º (instruccións descarga presentación).
|
|
@s alumn@s de 4º de Primaria acudiron ao Museo Municipal para participar na campaña de Animación á lectura promovida pola concellería de Educación.
Alí visitaron a exposición dos traballos elaborados polos nen@s doutros colexios (e tamén do noso co conto "Viaxar con arte ou a arte de viaxar"), manipularon contos e ademáis participaron nun contacontos moi divertido...!
Ademais aproveitaron a viaxe para elaborar o itinerario que percorreron dende o colexio ata o Museo Municipal.
Mirade as fotos para comprobar o ben que o pasaron!!
|
 |
|
@s nen@s de Infantil de 5 anos elaboraron este conto tan cheo de imaxinación que vos presentamos, así que imos lelo e ver as illustracións tan axeitadas que debuxaron!!
|
 |
|
@s nen@s de Infantil de 4 e 5 anos pasearon pola cidade e visitaron as Burgas, a Praza Maior e a Catedral , e coñeceron a historia da cidade a través de contos.
Esta actividade, organizada pola Concellería de Educación, encádrase dentro do programa "Coñece a túa cidade".
Os obxectivos son dar a coñecer aos pequen@s a historia máis básica da nosa cidade e valorar e respectar a importancia do patrimonio da cidade de Ourense.
Ademáis contamos cun anfitrión de excepción, o o alcalde, que nos convocou a unha reunión no salón de plenos para comprobar todo o que aprenderamos sobre a nosa cidade.
|
 |
|
Uns 180 escolares de quinto e sexto de Primaria dos colexios Curros Enríquez de Galicia, celebraron o 21 de maio en Celanova o seu sexto día anual de convivencia.
É unha actividade organizada pola Fundación Curros Enríquez, que este ano contou coa participación de ambos os dous colexios de Celanova (Curros Enríquez e Sagrado Corazón), ademais dos CEIP de A Coruña e Ourense que levan o nome do poeta celanovés.
@s alumn@s asistiron a concertos didácticos de órgano e tiveron visitas guiadas por Celanova e arredores. Houbo unha gravación do poema de Curros "Virxe do Cristal" e monicreques sobre a mesma na horta da Casa dos Poetas.
|
 |
 |
@s alumn@s de Infantil acudiron ao Museo Municipal para participar na campaña de Animación á lectura promovida pola concellería de Educación.
Alí visitaron a exposición dos traballos elaborados polos nen@s doutros colexios (e tamén do noso co conto "Viaxar con arte ou a arte de viaxar"), manipularon contos e ademáis participaron nun contacontos moi divertido...!
Mirade as fotos para comprobar o ben que o pasaron!!
|
