Neste mes de maio, ademais de traer diferentes espectáculos ao noso colexio para festexar as Letras Galegas, tamén fixemos moitas actividades desde o propio centro.
Este é o mural colectivo que montamos na planta baixa, no que aparecen tres caricaturas de Florencio Delgado Gurriarán, realizadas polo alumnado de 4º, 5º e 6º EP, e un marcapáxinas representando a cada titoría.
Estes son algúns dos traballos que se fixeron nas distintas aulas do colexio.
O venres, 13 de maio a compañía de teatro Ghazafelhos trouxo ao noso centro a súa obra "A máquina do tempo"; unha peza de teatro que ilustra dun xeito ameno e pedagóxico a historia das civilizacións. Coa axuda dunha curiosa escenografía, Pepablo Patinho e Montse Piñón, fixeron un percorrido pola historia a través de dúas chamativas personaxes: a doutora Mon e o seu axudante Pe. Durante o espectáculo solicitaron a axuda dos nenos e nenas para viaxar xunto coa doutora e o seu axudante a distintas épocas da nosa historia. Con esta peza teatral vivimos unha aventura educativa a partir do humor e botamos unha boas risadas.
Fixéronse dous pases para que puidera asistir todo o alumnado de Primaria a esta representación teatral.
Este espectáculo foi financiado polo Concello de Arzúa.
Dentro das actividades organizadas polo Equipo de Dinamización Lingúística con motivo da semana das Letras Galegas, hoxe o alumnado de E. Infantil acudiu ao salón de actos do noso colexio para ver "Estrafalaria". Trátase dun espectáculo que combina a narración oral coa manipulación de obxectos. Os personaxes que interveñen na historia caracterízanse pola súa peculiaridade e levan a diferenza como bandeira.
Esta actividade foi financiada polo Concello de Arzúa.
Para celebrar o Día das Letras Galegas, trouxemos o grupo de Polo Correo do Vento ano noso centro. Fixeron unha actividade de contacontos ilustrado baseado na biografía de Florencio Delgado Gurriarán, editada por este colectivo, coa que xa estamos traballando no colexio.
Primeiro, narráronnos oralmente a historia, sempre dando pinceladas da obra e vida do autor e, despois, fixeron un obradoiro de debuxo no que todo o alumnado de 4º, 5º e 6º de E. Primaria realizou, seguindo as súas indicacións, unha caricatura do poeta nado en Córgomo.
Foi unha actividade que gozou de moi boa acollida entre os nenos e nenas que asistiron á mesma.
Nesta semana do Día do Libro, estamos facendo diferentes actividades no noso centro. Hoxe visitounos Anxo Moure para facernos partícipes do seu proxecto "Contos solidarios"; unha proposta na que as nenas e os nenos son os protagonistas. Anxo relatounos un conxunto de historias que amosan a solidariedade entre as persoas e coa natureza. O cociñeiro intercultural Mourehammed Quechua viaxou ata o noso colexio para cociñar uns contos, que levaron ás nenas e ós nenos ate as diferentes culturas do mundo, protagonizados por uns monicreques tecidos por cooperativas do comercio xusto na India, Guatemala e Galicia. As nenas e os nenos aprenderon a plantar as árbores da paz, a dicir non aos insultos fomentando a tolerancia e o respecto. Cunha singular Pazdeireta cantaron e contaron unha cantiga para fomentar a non violencia.
Estas fotografías recollen a sesión que se fixo co alumnado de 3 anos e co de 2º, 3º, 4º, 5º e 6º de E. Primaria. Fixéronse en total cinco sesións para que todas as nenas e nenos do colexio puideran gozar con estas historias narradas polo contacontos Anxo Moure.
Deixámosvos aquí algúns recursos para traballar a figura de Florencio Delgado Gurriarán. Iremos actualizando este apartado coas novidades que nos vaian chegando.
O EDLG do CEIP Plurilingüe de Seixalbo achéganos este fermoso vídeo resumo da vida e obra de Florencio Delgado que o seu alumnado realizou co programa Tik Tak Draw e no que poñen a voz nenos e nenas de 6º de Primaria.
Héctor Cajaraville fala de Florencio Delgado Gurriarán.
Hoxe, o alumnado de 2º, 3º, 4º , 5º e 6º de E. Primaria participou nunha sesión de animación á lectura, no salón de actos do noso centro.
A sesión co alumnado de 4º E. Primaria xirou arredor do libro “O xeito das froitas” de María Reimóndez. Vicky fixo unha dramatización de diferentes capítulos do libro. Chegaron á conclusión de que as persoas deberían vivir coma froitas; comer san, vivir en contacto coa natureza, reciclar…
O alumnado de 5º e 6º E.Primaria representou varias escenas do libro “Hilario e os tres medos” de Xoán Babarro. O caxato da señora Lola cobrou vida na man dos nenos e nenas que deixaron voar a súa imaxinación e o converteron en moitos obxectos variados. Tamén Vicky puido representar coa axuda deles e delas un par de contos de Roald Dahl do seu libro "Contos en verso para nenos perversos", que gozou de moi boa acollida entre o alumnado.
Por último, as nenas e nenos de 2º e 3º de E. Primaria representaron dunha maneira moi divertida a historia do conto "A vaca dixo mua" de Gloria Sánchez. Ao final da sesión, centráronse no conto lido e traballado na aula "O elefante perdeu a memoria" de Oli. Representaron a todos os animais que aparecen no mesmo.
Foi unha sesión de animación á lectura moi divertida!!
No noso colexio estamos celebrando a Semana da Prensa. Coas actividades que se están a facer queremos que o noso alumnado se familiarice coas distintas seccións dun xornal, analice anuncios publicitarios, busque noticias que teñan que ver coa igualdade de xénero, analice unha noticia para subliñar os que, quen, onde, por que, cando e como...
Tamén puxemos en marcha nalgunhas aulas a actividade que leva por título "Crónicas da pandemia". Trátase de que as alumnas e alumnos se transformen por uns intres en xornalistas para informar, en galego, de como está a situación da pandemia neste momento. Nas gravacións, que non deberán superar o minuto de duración, terán que mesturar datos obxectivos que aparecen nas noticias coas súas impresións persoais e os seus sentimentos.
Para facer as actividades desta semana contamos cos exemplares que nos enviou o xornal "La Voz de Galicia". Estámoslle moi agradecidos pola colaboración prestada.
5º EP
No noso colexio levamos xa días facendo actividades para conmemorar o Día de Rosalía. Cada titoría do centro preparou un cartel cun poema da escritora. Con todos eles montamos este mural colectivo.
A actividade, que leva por nome "Rosalía ilumina Arzúa", foi realizada en colaboración co instituto da vila e financiada polo Concello de Arzúa. Estes días colocaranse os carteis pendurados dos farois da rúa principal do pobo.
Esta é unha pequena mostra dos carteis que se colocaron:
Este vídeo corresponde ao traballo desenvolvido na aula de 3 anos-B.
Mostra dos traballos realizados na aula de 5 anos-B:
O alumnado de 4 anos-A fixo este collage de Rosalía dedicado ao seu libro titulado "La Flor".
Alumnado de 1ºA e 1ºB:
Esta é unha mostra dos traballos realizados en 2º A:
Os nenos e nenas de 2ºB fixeron estes traballos:
O alumnado de 4º E.Primaria está lendo poemas do libro de "Follas Novas". Cada alumno e alumna deberá gravar un vídeo lendo un poema ou fragmento desta obra e ao rematar retará a unha ou dúas persoas a facer o mesmo. Unha boa idea para achegarse á obra de Rosalía de Castro!!
Pensamentos de Rosalía:
O alumnado de 6ºE.Primaria colocou o poema de Rosalía que lle foi asinado nunha cartolina, ilustrouno e memorizouno. Despois, cada alumno e alumna recitouno na clase diante dos demais. Conseguimos con isto coñecer un pouquiño máis a obra poética desta gran escritora. Os traballos témolos agora expostos no corredor da segunda planta do centro.
Agora que se achega o 23 de febreiro, data do nacemento de Rosalía de Castro, desde o Equipo de Dinamización da Lingua Galega queremos achegarvos unha serie de recursos para traballar a figura da nosa ilustre escritora:
https://es.calameo.com/read/00670476639e85dc9afc7
https://es.calameo.com/read/006704766eb12b05c836e
https://es.calameo.com/read/006704766be13afdee92e
https://es.calameo.com/read/0067047662f0e4b46eb4c
https://view.genial.ly/5ff75e8bc217200ce77cc6d5
Xunta de Galicia - Consellería de Educación, 2013 | ||
