Fanático da obra de Lewis Carrol, o autor español Diego Arboleda (Estocolmo, 1976) obtivo o Premio Nacional de Literatura Infantil e Xuvenil pola súa novela "Prohibido ler a Lewis Carroll". Arboleda e o ilustrador Raúl Sagospe dan vida neste libro a Alice, unha nena apaixonada por Alicia no país das marabillas, e a uns pais que non queren que a súa filla se decate de que a verdadeira Alice Liddel, de 83 anos, en quen se tería inspirado Carroll para a obra clásica, se encontra na súa cidade e por quen a pequena sente verdadeiro entusiasmo, ao punto de que se viste e peitea igual.
O xurado considera que Prohibido ler a Lewis Carroll é "unha obra extremadamente orixinal, cun brillante sentido do humor e un gran ritmo narrativo. O texto, recreación dunha época, está salpicado de referencias literarias e históricas. Destaca polos seus personaxes sólidos e moi ben construídos, así como pola fina ironía dos xogos lingüísticos,". A novela logrou varios premios nacionais e internacionais.
Autorretrato de Diego Arboleda e Rául Segospe.
, 
