O Comedor da escola
AXENDAS ESCOLARES
AXENDA ESCOLAR
En cumprimento do protocolo do COVID19, INFÓRMASE que o procedemento para mercar as AXENDAS do colexio, non será na administración, senón a través dos titores e titoras. Debe facerse a través do alumnado. O prezo, ao igual que o curso anterior, é 3€.
COMEDOR ESCOLAR
En cumprimento das INSTRUCIÓNS POLAS QUE SE INCORPORAN A DECLARACIÓN DE ACTUACIÓNS COORDINADAS EN MATERIA DE SAÚDE PÚBLICA APROBADAS POLO CONSEJO INTERTERRITORIAL DO SISTEMA NACIONAL DE SALUD PÚBLICA (D.O.G Nº 174 BIS DO 28-08-2020) E A ACTUALIZACIÓN DAS RECOMENDACIÓNS SANITARIAS DO COMITÉ CLÍNICO AO PROTOCOLO DO 22 DE XULLO DE ADAPTACIÓN AO CONTEXTO DA COVID 19 NOS CENTROS DE ENSINO NON UNIVERSITARIO DE GALICIA PARA O CURSO 2020-2021 VERSION 31-08-2020 e do DECRETO 132/2013, do 1 de agosto, polo que se regulan os comedores escolares dos centros docentes públicos non universitarios dependentes da consellería con competencias en materia de educación INFÓRMASE que no vindeiro curso escolar haberá tres quendas de comedor, polo que o alumnado de Educación Infantil xantará ás 13:30h, debendo ser recollido ás 15:30h na cancela a carón do pavillón.
O resto do alumnado sairá no horario habitual das 16:00h.
LÉMBRASE que o prazo de entrega de autodeclaracións remata o día 7 deste mes de setembro.
Recórdase que o alumnado de dieta especial deberá presentar CERTIFICADO MÉDICO.
COMEDOR ESCOLAR
INSTRUCIÓN 3/2020, DA SECRETARÍA XERAL TÉCNICA DA CONSELLERÍA DE EDUCACIÓN, UNIVERSIDADE E FORMACIÓN PROFESIONAL DO 16 DE XUÑO, SOBRE FUNCIONAMENTO DOS COMEDORES ESCOLARES DE XESTIÓN INDIRECTA NO CURSO ESCOLAR 2020-2021
A PRESENTE INSTRUCIÓN DÍTASE CON OBXECTO DE FIXAR PARA O CURSO 2020-2021 AS LIÑAS XERAIS DE ORGANIZACIÓN E FUNCIONAMENTO DOS COMEDORES ESCOLARES XESTIONADOS DE XEITO INDIRECTO POLA CONSELLERÍA . PORÉN A SITUACIÓN XERAL PRODUCIDA COA PANDEMIA DO COVID-19 PODE SUPOÑER A IMPOSICIÓN DE MEDIDAS DE PROTECCIÓN E SEGURIDADE IMPULSADAS POLA ADMINISTRACIÓN SANITARIA, QUE DETERMINEN A APROBACIÓN POLA CONSELLERÍA DUN PROTOCOLO ESPECÍFICO DE PROTECCIÓN E SEGURIDADE NA APERTURA XERAL DOS CENTROS DE ENSINO E A INCORPORACIÓN ÁS ACTIVIDADES LECTIVAS E COMPLEMENTARIAS DOS ESCOLARES GALEGOS PARA O CURSO 2020-2021.
ASÍ POIS, A PRESENTE INSTRUCIÓN PODE RESULTAR CONDICIONADA POLAS MEDIDAS QUE, EN MATERIA DE COMEDORES ESCOLARES DE XESTIÓN INDIRECTA, ESTABLEZA, NO SEU CASO, O PROTOCOLO QUE DITE A CONSELLERÍA. DE RESULTAR REINTERPRETADAS OU MODIFICADAS DETERMINADAS DETERMINACIÓNS RECOLLIDAS NA PRESENTE INSTRUCIÓN, AS MESMAS SERÁN COMUNICADAS PUNTUALMENTE AOS CENTROS EDUCATIVOS CO SEU NOVO CONTIDO POLAS CANLES ESTABLECIDAS.
PRAZO ENTREGA SOLICITUDES
As solicitudes débense entregar na ADMINISTRACIÓN dende o 25 de xuño ata o VENRES 10 de XULLO.
ALUMNADO QUE XA ERA USUARIO DE COMEDOR NESTE CURSO
Únicamente cumprimentará a solicitude 1. SOLICITUDE ALUMNADO XA USUARIO DE COMEDOR ( ANTES DO DÍA 10 DE XULLO) e entregarase na administración do centro.
No mes de setembro (ANTES DO DÍA 7) xuntará a autodeclaración.
ALUMNADO QUE NON ERA USUARIO DE COMEDOR NESTE CURSO
As familias que soliciten comedor (nova incorporación AO COMEDOR ) deberán presentar no colexio (ATA 10 de xullo) a solicitude 2. SOLICITUDE ALUMNADO NOVO NO COMEDOR ESCOLAR xunto con toda a documentación pertinente atendendo aos seguintes criterios de preferencia:
1. Alumnado pertencente a unidades familiares que se atopen en situación socioeconómica de exclusión social ou que teña unha discapacidade igual ou superior ao 33%, certificadas polos servizos sociais ou municipais correspondentes.
2. Alumnado membro de familias numerosas, acreditado co correspondente título ou carné
3. Alumnado fillo de pais e nais, titores legais ou acolledores familiares, traballadores ambos os dous con incompatibilidade dos seus horarios laborais co horario de saída do seu fillo/a ao mediodía, acreditada documentalmente de xeito alternativo, mediante a seguinte documentación: informe de vida laboral, expedido polo organismo laboral competente, ou certificado da Unidade de persoal á que pertenza o empregado público; certificación da empresa, xustificativa da duración de xornada e o horario de traballo;certificación xustificativa de alta no IAE, e unha declaración responsable, sobre a vixencia da actividade económica, e o horario que require a actividade, para o caso de traballadores por conta propia.
4. Outro alumnado do centro. Neste suposto inclúense aos escolarizados fóra da área de influencia que lles corresponde.
5. Certificado do PADRÓN MUNICIPAL no que figuran todos os membros da unidade familiar ( expedido no ano actual)
No mes de setembro (ANTES DO DÍA 7) xuntará a autodeclaración. 3. AUTODECLARACIÓN ( entregar en setembro)
IMPORTANTE PARA O CÁLCULO DA RENTA
Para o cálculo do importe a pagar en función dos ingresos ( renta), terase en conta a declaración ou declaracións correspondente ao 2019. Os cálculos poden fecer no seguinte enderezo:
https://www.edu.xunta.es/comedores/calculadora.jsp. ou realizando o seguinte cómputo:
casillas 435+460-595 dividido entre o número de membros da unidade familiar.
PRAZOS IMPORTANTES
SOLICITUDE: Ata 10 de xullo
LISTAS PROVISIONAIS: VENRES 10 de xullo
PRAZO DE RECLAMACIÓN: Ata venres 17 de xullo
LISTAS DEFINITIVAS: Primeira semana de setembro
AUTODECLARACIÓNS ( todo o alumnado)
As autodeclaracións (onde se especifica o importe que aboará cada alumno/a), debe entregarse ata o día 7 de setembro. Imprescindible telo entregado para poder acceder ao servizo de comedor escolar.
HORARIO DE ADMINISTRACIÓN:
DE 9:00h A 14:00h
Pódense descargar os impresos, clicando nos seguintes enlaces:
1. SOLICITUDE ALUMNADO XA USUARIO DE COMEDOR
2. SOLICITUDE ALUMNADO NOVO NO COMEDOR ESCOLAR
3. AUTODECLARACIÓN ( entregar en setembro)
AXUDAS ÁS FAMILIAS DO ALUMNADO BENEFICIARIO DE BOLSAS DE COMEDOR ESCOLAR
No DOG do luns 30 de marzo de 2020 saíu a convocatoria de axudas para compensar ás familias usuarias do servizo de comedor da Xunta de Galicia, que estaban bonificadas como usuarios gratuítos e usuarios de pago de 1€.
Non se oferta para os usuarios de pago bonificado de 2,50€ nin para os de pago do prezo completo de 4,50€.
1. A que persoas van dirixidas?
A presente orde ten por obxecto establecer as bases reguladoras dunha liña de axudas as familias do alumnado que ostenta a condición de gratuíto e do que por renda familiar resulta pagador dun euro nos centros educativos públicos non universitarios xestionados pola Consellería de Educación, Universidade e Formación Profesional que imparten os niveis de ensinanza básica obrigatoria no segundo ciclo de educación infantil, en educación primaria e no ensino secundario obrigatorio.
E dicir, a familias que durante o curso escolar pagan 0 euros polo comedor, ou1€ polo mesmo.
2. En que consiste a axuda?
As axudas económicas previstas consisten nunha compensación do custo diario do menú por comensal, entendido como o servizo de comida ao mediodía, e polos días de lectivos de suspensión da prestación do servizo como consecuencia das medidas adoptadas pola pandemia do COVID-19.
E dicir, axúdase economicamente a manutención do alumno/a que é o que se viña a facer no centro educativo, por iso non pagaba os 4,50€ de comedor por día que sería o tope máximo a pagar.
3. Que axuda se vai a percibir?
(2,50 €) no casos de alumnado gratuidade total
(1,50 €) para o alumnado que paga 1€
4. Que días cubre esta axuda?
Marzo: dende o día 16 ata o 31 de marzo: en total só 11 días lectivos.
Abril: dende o 1 ó 3 de abril: en total só 3 días.
Prórroga: si se prolonga outros 15 días cubriría (días lectivos) ata o 1 de maio
(non incluído por ser festivo)
5. Como se vai a pagar?
En dous pagamentos.
1º pagamento: polo período de marzo e o de abril ata semana santa (3 abril).
2º pagamento: si se prorroga unha terceira situación de alarma ata o 1 de maio.
6. Como presentar a solicitude e que prazo hai?
Prazo: dende o día 31 de marzo o 6 de abril, ambos inclusive.
Presentación: Forma electrónica sempre, de dúas formas:
A.-Formulario normalizado dispoñible na sede electrónica da Xunta de Galicia: https://sede.xunta.gal (a partir do día 31 de marzo).
Para iso é necesario ter certificado dixital, ou a chave 365.
B.- En caso de non dispoñer de certificado dixital ou chave 365: no centro: enviando un correo electrónico a ceip.diaz.pardo@edu.xunta.es cos seguintes datos:
- DNI do pai ou nai
- Pagamento: gratuidade total ou abono de 1€
- Nome do alumno/a
- Nome do pai/nai
- Número de conta bancaria
Ou chamando ao teléfono: 881 880608 en horario de 10 a 13 horas.
7. Publicarase a resolución das familias beneficiadas?
NON, porque son datos de especial vulnerabilidade, entón non será exposto publicamente as familias beneficiadas de acordo artigo 17 da Lei 1/2016, do 18 de xaneiro, de transparencia e bo goberno, e co artigo 15 da Lei 9/2007, do 13 de xuño, de subvencións de Galicia, a Consellería de Educación, Universidade e Formación Profesional.
Aclaración: cada familia saberá si é beneficiaria por ingreso de conta bancaria
MENÚ COMEDOR ESCOLAR MARZO 2020
PÓDESE ACCEDER AOS MENÚS CLICANDO:
