A Asociación Galega do Profesorado de Matemáticas (AGAPEMA) veu de dar os resultados do Rebumbio Matemático celebrado en Ferrol con colexios do norte de Galicia. Pois ben, aí estamos os do Colexio de Esteiro! Clasificámonos para a fase final co Colexio dos Franciscanos de Lugo. Fomos representados por dúas rapazas e un rapaz de 6º de Educación Primaria: Carmen Maldonado Ordóñez, Fiana Lamas Rodríguez e Carlos Freire Zaragoza. Noraboa para os tres e para todos aqueles que traballan no colexio e máis en casa para que as matemáticas teñan unha maior entidade no noso colexio.

O Rebumbio Matemático consiste nunha proba na que os rapaces/as teñen que resolver varios problemas. O máis puntuado non é o resultado, senón a creatividade para chegar a dito resultado. Na foto de máis abaixo tedes a Carlos, Fiana e Carmen. Noraboa!!

Os nenos e nenas do Plan PROA, de 3º e 4º de Educación Primaria, están a facer un traballo extra; Todos os días, cando chega o recreo, saen o patio, colócanse uns petos de cor rechamante e dirixen os xogos populares. A chave, a petanca, as cordas e os diábolos funcionan mellor cando os propoñen os propios rapaces. Nas fotos podedes velos en acción.

Á "alma mater" do Museo do Xogo Popular do colexio, Antón Cortizas, fíxoselle unha entrevista na TVG sobre o novo libro que acaba de publicar. O marco desta entrevista foi o noso colexio e a súa colección Tastarabás. Se desexades ver o vídeo, clicade no enlace seguinte:

http://www.crtvg.es/crtvg/canles-tematicas/corte-a-corte/anton-cortizas-...

O libro xa foi mercado. Marca un antes e un despois no mundo da catalogación de xogos tradicionais. Máis de mil páxinas no que se desenvolve a memoria e a labor de Antón. Se desexades consultalo, lembrade que se atopa na Biblioteca do colexio. Noraboa pola publicación, Antón!

O alumnado de 6º de Primaria que durante o curso 2013/2014 desexe cursar 1º da ESO no IES Sofía Casanova, centro ao que estamos adscritos, deberá efectuar a reserva de praza entre o 18 e o 22 de marzo. Para elo terán que entregar o impreso Anexo I que se lles proporcionou no centro, debidamente cumprimentado, na secretaría do CEIP de Esteiro no prazo establecido.

Se por calquer circunstancia se precisase un novo impreso, pódese obter clicando no seguinte enlace 

Mónica, Inspectora de Policía, acompañounos esta mañá para facer que os rapaces/as de 5º e 6º de Educación Primaria reflexionasen sobre o problema do acoso escolar. Vídeos e unha multitude de preguntas levaron claridade a un asunto tan difícil. Todos coñecen agora as armas de que dispoñemos para loitar contra esa inxustiza.

Como froito do traballo na clase de lingua castelá, o DIARIO DE FERROL publicou varias noticias dos nenos e nenas de 6º de Educación Primaria. O dereito á vivenda, a solidariedade cos que menos teñen ou os abusos escolares dan o fondo a tres cartas importantes. Foron redactadas por Fiana Lamas, Iago Díaz-Garzón e Carmen Maldonado. Podes lelas no arquivo que se xunta.

Os nenos e nenas do primeiro ciclo de Educación Primaria, para levar a cabo o Proxecto 'Coñece Ferrol" están estudando as árbores do Campus Universitario de Ferrol durante as distintas estacións do ano. Neste primeiro trimestre o alumnado fixo unhas saídas para recoller información das diferentes árbores no outono. Tamén realizaron diferentes actividades plasmando en fotografías estes coñécementos adquiridos.

O xoves día 28 de Febreiro de 2013, realizamos, xunto cos nenos e nenas de Educación Infantil, unha posta en común do que levamos realizado ata agora do proxecto. Os pequerrechos contáronnos as diferentes receitas típicas de Ferrol mentras que nós intentamos achegalos ao mundo da natureza a través dun pequeno conto escenificado, acompañado dunhas bonitas imaxes das árbores traballadas que fotografiaron eles durante os días de investigación.

Adxuntámosvos a continuación o guión da obra que representaron os rapaces, xunto coa presentación en PowerPoint das imaxes:

A troula chegou un ano máis ao colexio. Chineses, indios, románs ou exipcios; diferentes culturas desfilaron polos corredores e polo escenario do Salón de Actos. A tradición e a crítica da actualidade déronse a man por un día. Aquí tedes algunhas imaxes do día.

Neste enlace subministrado por Candela e Pablo (tamén, claro está, polo seu pai, Diego) podemos disfrutar de fotos dos mellores momentos do baloncesto da Agrupación Deportiva. Grazas.

WWW.basket.nomatch.eS